ಕಣ್ಣಿನ ಅಂದವನ್ನು ಹೆಚ್ಚಿಸಲು ಇಲ್ಲಿದೆ ಟಿಪ್ಸ್

ಕಣ್ಣು ಮನುಷ್ಯನ ಅವಿಭಾಜ್ಯ ಅಂಗ. ಇದು ಮುಖದ ಅಂದವನ್ನು ದ್ವಿಗುಣಗೊಳಿಸಲು ಸಹಕಾರಿಯಾಗುತ್ತದೆ. ಕಣ್ಣು ಹೇಗೆ ನಮ್ಮ ಅಂದವನ್ನು ಹೆಚ್ಚಿಸಲು ಸಹಕಾರಿಯಾಗಿರುತ್ತದೆಯೋ, ಅದೇ ರೀತಿ ಕಣ್ಣಿನಲ್ಲಿ ಏನಾದರೂ ಸಮಸ್ಯೆ ಆದರೆ ಮುಖದ ಅಂದವನ್ನು ಅಷ್ಟೇ ಬೇಗನೆ ಕೆಡಿಸುವಲ್ಲಿಯೂ ಪರಿಣಾಮಕಾರಿ ಆಗಿದೆ. ಆದ್ದರಿಂದ ಕಣ್ಣಿನ ಬಗ್ಗೆ ಕಾಳಜಿ ವಹಿಸುವುದು ಅತಿಮುಖ್ಯ.

ಹೆಣ್ಣು ಕಣ್ಣಿಗೆ ಕಾಡಿಗೆ ಹಚ್ಚುವುದು ಬಲು ಹಿಂದಿನಿಂದಲೂ ನಡೆದುಕೊಂಡು ಬಂದ ಸಂಪ್ರದಾಯ ಎಂದರೆ ತಪ್ಪಾಗದು. ಹೆಣ್ಣಿನ ಕಣ್ಣಿಗೆ ಕಾಡಿಗೆ ಭೂಷಣ ಎಂಬ ಮಾತಿದೆ. ಹಲವು ಮಹಿಳೆಯರಿಗೆ ಕಣ್ಣಿನ ಸುತ್ತ ಕಾಡಿಗೆ ಹಚ್ಚಿಕೊಳ್ಳದಿದ್ದರೆ ಮೇಕಪ್ ಅಪೂರ್ಣ ಎನ್ನಿಸಿ ಬಿಡುತ್ತದೆ.

ಇನ್ನು ಬದಲಾವಣೆಯ ಜಗತ್ತಿನಲ್ಲಿರುವ ನಾವು ಹೊಸತನದೊಂದಿಗೆ ಬದುಕುತ್ತಿದ್ದೇವೆ ಇದಕ್ಕೆ ಪೂರಕವಾಗಿ ಇಂದು ಕಣ್ಣಿಗೆ ಕಾಡಿಗೆ ಹಚ್ಚುವ ಬದಲು ಹಲವಾರು ಬಗೆಯ ಪ್ರೋಡೆಕ್ಟ್ ಗಳು ಮೌರ್ಕೆಟ್ಗೆ ಬಂದಿವೆ. ಇವುಗಳಿಂದ ಕಣ್ಣಿನ ಅಂದವನ್ನು ಹೇಗೆ ಹೆಚ್ಚಿಸಿಕೊಳ್ಳ ಬಹುದು ಎಂದು ತಿಳಿಯೋಣ.

ಮಸ್ಕರಾ: ಉತ್ತಮ ಗುಣಮಟ್ಟದ ಮಸ್ಕರಾವನ್ನು ಬಳಸುವುದರಿಂದ ಕೂಡ ಕಣ್ಣಿನ ಅಂದವನ್ನು ಹೆಚ್ಚಿಸಿಕೊಳ್ಳಬಹುದು. ಕಣ್ಣಿನ ರೆಪ್ಪೆಯ ಮೇಲೆ ಮಸ್ಕರಾ ಹಚ್ಚಿಕೊಳ್ಳುವುದರಿಂದ ಕಣ್ಣಗಳು ಸುಂದರವಾಗಿ ಕಾಣುತ್ತದೆ.

ಐ ಶ್ಯಾಡೋ: ತಿಳಿ ಕಂದು ಬಣ್ಣ ಅಥವಾ ಗುಲಾಬಿ ಬಣ್ಣದ ಐ ಶ್ಯಾಡೋ ಕಣ್ಣಿನ ಅಂದ ಹೆಚ್ಚಿಸುವಲ್ಲಿ ಸಹಾಯ ಮಾಡುತ್ತದೆ. ಕಾಡಿಗೆ ಹಚ್ಚದಿದ್ದಾಗ ಕಣ್ಣುಗಳು ಹೊಳೆಯುವಂತೆ ಮಾಡುವುದು ಐ ಶ್ಯಾಡೋ. ನಿಮ್ಮ ಕಣ್ಣುಗಳು ಬಟ್ಟಲು ಕಂಗಳಾಗಿದ್ದಾರೆ ಕಡು ಬಣ್ಣದ ಶೇಡ್ ಬಳಸುವುದು ಉತ್ತಮ.

ಕಾಡಿಗೆ ಪೆನ್ಸಿಲ್‌ನಿಂದ ನಿಮ್ಮ ಹುಬ್ಬನ್ನು ಅಂದವಾಗಿ ಕಾಣುವಂತೆ ಮಾಡಬಹುದು. ಗಾಢ ಕಂದು ಬಣ್ಣದ ಐ ಶ್ಯಾಡೋ ಹಚ್ಚುವುದರಿಂದ ಕಣ್ಣುಗಳ ಅಂದ ಹೆಚ್ಚುವುದು.