ಮಂಗಳೂರು : ಸಂತ ಆಂತೋನಿ ಆಶ್ರಮ ಸ್ಥಾಪನೆಗೊಂಡು ಜೂನ್ ತಿಂಗಳಲ್ಲಿ 124 ವರ್ಷ ಪೂರೈಸಿ 125 ನೇ ವರ್ಷಕ್ಕೆ ಕಾಲಿಡುತ್ತಿದೆ. ಈ ಸುಸಂದರ್ಭದಲ್ಲಿ ಆಶ್ರಮವು ಕಳೆದ 124 ವರ್ಷಗಳಲ್ಲಿ ಸಮಾಜದ ತೀರ ನಿರ್ಗತಿಕರಿಗೆ ಸಲ್ಲಿಸಿದ ಸೇವೆಯ ಸ್ಮರಣಾರ್ಥ ಸಾಮೂಹಿಕ ವಿವಾಹವನ್ನು ಆಯೋಜಿಸಿದೆ.
ಈ ವಿವಾಹವು ಫೆಬ್ರವರಿ ತಿಂಗಳ 22 ರಂದು ಆಶ್ರಮದಲ್ಲಿ ಜರಗಲಿರುವುದು. ಒಟ್ಟು 20 ಜೋಡಿದಳು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಈ ಕಾರ್ಯಕ್ರಮದ ಮುಖ್ಯ ಉದ್ದೇಶ, ಸಾಮಾನ್ಯವಾಗಿ ನವ ದಂಪತಿಗಳು ಮದುವೆಯ ಸಮಯದಲ್ಲಿ ಸಾಲ ಪಡೆದು ಮದುವೆ ಆಗುತ್ತಾರೆ. ಮತ್ತು ಸಾಲ ತೀರಿಸಲಾರದೆ ಸಾಲದ ಹೊರೆಯಲ್ಲೇ ಮುಳುಗಿರುತ್ತಾರೆ. ಈ ಸಾಲದ ಹೊರೆ ಇಲ್ಲದೆ ಸಮಾಧಾನದಿಂದ ಕುಟುಂಬ ಜೀವನ ಆರಂಭಿಸಲು ಈ ಸಾಮೂಹಿಕ ವಿವಾಹ ಸಹಕಾರಿಯಾಗಲಿದೆ.
ಆಶ್ರಮವು ಪ್ರತಿಯೊಂದು ವಧು-ವರರಿಗೆ ಮದುವೆಯ ಉಂಗುರ, ವಧುವಿಗೆ ಮದುವೆಯ ಸೀರೆ ಮತ್ತು ತಾಳಿ, ವರನಿಗೆ ಪ್ಯಾಂಟ್ ಮತ್ತು ಶರ್ಟ್, ಹಾಗೂ ನವ ದಂಪತಿಗಳಿಗೆ ದಿನ ನಿತ್ಯ ಬಳಕೆಗೆ ಉಪಯೋಗವಾಗಲಿರುವ ರೂ. 15,000 ಮೌಲ್ಯದ ವಸ್ತುಗಳನ್ನು ನೀಡಲಿದೆ. ಪ್ರತಿ ವರ ಮತ್ತು ವಧು ತಮ್ಮ ಕಡೆಯಿಂದ 30 ಜನರನ್ನು ಮದುವೆಯ ಕಾರ್ಯಕ್ರಮಕ್ಕೆ ಆಹ್ವಾನಿಸಲು ಅವಕಾಶ ಇದೆ, ಶಿಮೊಗ್ಗದ ಧರ್ಮಾಧ್ಯಕ್ಷರಾದ ಅತೀ ವಂದನೀಯ ಡಾ. ಫ್ರಾನ್ಸಿಸ್ ಸೆರಾವೊರವರು ಬಲಿಪೂಜೆಯ ನೇತೃತ್ವ ವಹಿಸಲಿದ್ದಾರೆ. ಮಾಜಿ ಶಾಸಕರಾದ ಶ್ರೀ ಜೆ. ಆರ್ . ಲೋಬೊರವರು ನವ ದಂಪತಿಗಳಿಗೆ ಶುಭಕೋರಿಲಿದ್ದಾರೆ.
