ನವದೆಹಲಿ: ಜನವರಿಯಲ್ಲಿ ಮೂರನೇ ತರಂಗದಿಂದ ಭಾರತವು ಕೋವಿಡ್ ಪ್ರಕರಣಗಳಲ್ಲಿ ತೀವ್ರ ಏರಿಕೆ ಕಂಡಿದ್ದರೂ, ಪ್ರಸ್ತುತ ಸೋಂಕು ಸೌಮ್ಯ ಸ್ವಭಾವ ಹೊಂದಿದೆ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯದ ಪ್ರಕಾರ ಭಾರತದಲ್ಲಿ ಸೋಮವಾರ 3,641 ಸೋಂಕುಗಳು ವರದಿಯಾಗಿವೆ. ಶನಿವಾರ, 3,824 ಹೊಸ ಕೋವಿಡ್ -19 ಸೋಂಕು ವರದಿಯಾಗಿತ್ತು. ಕಳೆದ ವಾರ, ದೇಶವು 18,450 ಹೊಸ ಪ್ರಕರಣ ದಾಖಲಾಗಿದೆ.
ಹವಾಮಾನದ ಕೊಡುಗೆ: ಹವಾಮಾನದ ಬದಲಾವಣೆಯೂ ಜ್ವರ ಮತ್ತು ಉಸಿರಾಟದ ಸೋಂಕುಗಳಿಗೆ ಕಾರಣವಾಗಿದೆ. ಅಲ್ಲದೆ ಹೊಸ ರೂಪಾಂತರಿಯು ಸೌಮ್ಯವಾಗಿದ್ದು, ಆಸ್ಪತ್ರೆಗೆ ದಾಖಲಾಗಬೇಕಾದ ಅನಿವಾರ್ಯತೆ ಎದುರಾಗುವುದಿಲ್ಲ ಎಂದು ಡಾ. ಡಾ ರಂದೀಪ್ ಗುಲೇರಿಯಾ ತಿಳಿಸಿದ್ದಾರೆ. ನಾವು ಇನ್ನೊಂದು ಕೋವಿಡ್ ಅಲೆ ಬರುತ್ತದೆ ಎಂದು ಹೇಳುವುದಿಲ್ಲ. ಆದರೆ ಎಚ್ಚರಿಕೆ ಅಗತ್ಯ ಎಂದು ಫರಿದಾಬಾದ್ ಅಮೃತ ಆಸ್ಪತ್ರೆ ಸಾಂಕ್ರಾಮಿಕ ರೋಗ ಸಲಹೆಗಾರ ಡಾ. ರೋಹಿತ್ ಕುಮಾರ್ ಗಾರ್ಗ್ ತಿಳಿಸಿದ್ದಾರೆ.