ಲಂಡನ್: ಜಾಗತಿಕವಾಗಿ 763 ಮಿಲಿಯನ್ಗಿಂತಲೂ ಹೆಚ್ಚು ಸೋಂಕಿಗೆ ಒಳಗಾದ ಮತ್ತು 6.9 ಮಿಲಿಯನ್ಗಿಂತಲೂ ಹೆಚ್ಚು ಜೀವಗಳನ್ನು ಬಲಿ ತೆಗೆದುಕೊಂಡ ಮಾರಣಾಂತಿಕ ಕೋವಿಡ್ ವೈರಸ್ನ ಮೂಲ ಎಂದಿಗೂ ಬಹಿರಂಗವಾಗುವುದಿಲ್ಲ ಎಂದು ಚೀನಾದ ಉನ್ನತ ವಿಜ್ಞಾನಿಯೊಬ್ಬರು ಶುಕ್ರವಾರ ಹೇಳಿದ್ದಾರೆ.
ಲಂಡನ್ನಲ್ಲಿ ನಡೆದ ರೋಡ್ಸ್ ನೀತಿ ಶೃಂಗಸಭೆಯಲ್ಲಿ ಚೀನಾದ ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರದ (ಸಿಡಿಸಿ) ಮಾಜಿ ನಿರ್ದೇಶಕ ಡಾ ಜಾರ್ಜ್ ಫು ಗಾವೊ ಮೇಲಿನಂತೆ ಹೇಳಿದರು.
ಕುಖ್ಯಾತ ವುಹಾನ್ ಮಾರುಕಟ್ಟೆಯಲ್ಲಿ ಕೋವಿಡ್ ಮೂಲವು ರಕೂನ್ ನಾಯಿಗಳಿಗೆ ಸಂಬಂಧಿಸಿರಬಹುದು ಎಂಬ ಇತ್ತೀಚಿನ ಅಧ್ಯಯನವನ್ನು ಅವರು ನಿರಾಕರಿಸಿದರು. ಪ್ರಾಣಿಗಳಿಂದ ವೈರಸ್ ಹೊರಹೊಮ್ಮಿದೆ ಎಂದು ತೋರಿಸಲು “ಯಾವುದೇ ಪುರಾವೆಗಳಿಲ್ಲ” ಎಂದು ಗಾವೊ ಹೇಳಿದರು ಎಂದು ಡೈಲಿ ಮೇಲ್ ವರದಿ ಮಾಡಿದೆ.