ಬೆಳಗಿನ ಉಪಾಹಾರದ ಸಾಮಾನ್ಯ ಪಾಕವಿಧಾನಗಳಲ್ಲಿ ಒಂದಾಗಿದೆ ‘ಶಾವಿಗೆ ಉಪ್ಪಿಟ್ಟು’. ಇದು ತ್ವರಿತವಾಗಿ ಮಾಡುವ ರುಚಿಕರವಾಗಿರುವ ರೆಸಿಪಿ. ಅಗತ್ಯವಿರುವ ಎಲ್ಲಾ ಪೌಷ್ಟಿಕಾಂಶದ ಪ್ರಯೋಜನಗಳನ್ನು ನೀಡುತ್ತದೆ. ಅಂತಹ ಒಂದು ಸುಲಭ ಮತ್ತು ಸರಳ ಉಪಹಾರ ಪಾಕವಿಧಾನವೆಂದರೆ ಶಾವಿಗೆ ಉಪ್ಪಿಟ್ಟು ಅಥವಾ ಶಾವಿಗೆ ಬಾತ್.
ಬೇಕಾಗುವ ಪದಾರ್ಥಗಳು
- 1 1/4 ಕಪ್ ಶ್ಯಾವಿಗೆ
- 1/4 ಕಪ್ ಬಾಂಬೆ ರವಾ
- 2 ಚಮಚ ಎಣ್ಣೆ
- 2 ಚಮಚ ತುಪ್ಪ
- ಈರುಳ್ಳಿ
- 4 ಹಸಿರು ಮೆಣಸಿನಕಾಯಿ
- ಕ್ಯಾರೆಟ್
- ಫ್ರೆಂಚ್ ಬೀನ್ಸ್
- ಬಟಾಣಿ
- ಟೊಮ್ಯಾಟೊ
- 1 ಟೀಸ್ಪೂನ್ ಸಾಸಿವೆ
- ಜೀರಿಗೆ
- ಕಡಲೆಬೇಳೆ
- ಗೋಡಂಬಿ
- ಉದ್ದಿನಬೇಳೆ
- ಉಪ್ಪು
- ಪುದೀನ
- ಕೊತ್ತಂಬರಿ ಪುಡಿ
- ನಿಂಬೆ ರಸ
ಮಾಡುವ ವಿಧಾನ:
- ಬಾಣಲೆಗೆ ತುಪ್ಪ ಹಾಕಿ ಶ್ಯಾವಿಗೆ ಸ್ವಲ್ಪ ಮಟ್ಟಿಗೆ ಹುರಿದುಕೊಳ್ಳಿ, ಅದಕ್ಕೆ ರವೆ ಸೇರಿಸಿ ಕಂದು ಬಣ್ಣಕ್ಕೆ ಬಂದ ಮೇಲೆ ಒಂದು ತಟ್ಟೆಗೆ ಸುರಿಯಿರಿ.
- ಒಂದು ಪಾತ್ರೆಗೆ ಎಣ್ಣೆ ಹಾಕಿ ಗೋಡಂಬಿ ಹುರಿಯಿರಿ ಅದಕ್ಕೆ ಜೀರಿಗೆ, ಸಾಸಿವೆ, ಕರಿಬೇವು, ಹಸಿಮೆಣಸು ಹಾಕಿ ಹುರಿಯಿರಿ.
- ಹೆಚ್ಚಿದ ಈರುಳ್ಳಿ ಹಾಕಿ ಸ್ವಲ್ಪ ಮೆತ್ತಗಾಗುವ ಹಾಗೆ ಬಾಡಿಸಿ. ನಂತರ ಕ್ಯಾರೆಟ್, ಬೀನ್ಸ್, ಬಟಾಣಿ, ಟೊಮ್ಯಾಟೊ ಹಾಕಿ ಸ್ವಲ್ಪ ಸಮಯ ಬೇಯಿಸಿ.
- ಬಳಿಕ ಅಗತ್ಯವಿರುವ ನೀರು, ಉಪ್ಪು ಹಾಕಿ ನೀರನ್ನು ಚೆನ್ನಾಗಿ ಕುದಿಸಿ ಹುರಿದಿಟ್ಟ ಶ್ಯಾವಿಗೆ ಹಾಕಿ ನೀರು ಹೀರುವವರೆಗೆ ಬೇಯಿಸಿ.
- ತಳ ಹಿಡಿಯದಂತೆ ಆಗಾಗ ತಿರುವುತ್ತಿರಬೇಕು.
- ಕೊನೆಗೆ ತುಪ್ಪ, ಕೊತ್ತಂಬರಿ, ಪುದೀನಾ ಹಾಕಿ ಕಲಕಿ. ಕೊನೆಗೆ ನಿಂಬೆರಸ ಹಿಂಡಿ ಸವಿಯಿರಿ.