ರಾತ್ರಿ ಊಟದಲ್ಲಿ ಪ್ರೋಟೀನ್ ಭರಿತ ಆಹಾರ ಸೇವಿಸಲು ಬಯಸಿದ್ದರೆ ಮಂಗಳೂರಿನ ರೆಸಿಪಿ ಎಗ್ ಗೀ ರೋಸ್ಟ್ ತಯಾರಿಸಿ.
ಬೇಕಾಗುವ ಸಾಮಾಗ್ರಿಗಳು : 3 ಬೇಯಿಸಿದ ಮೊಟ್ಟೆಗಳು, 3 ಟೊಮೆಟೊ, 2 ಈರುಳ್ಳಿ, 6 ಒಣ ಕೆಂಪು ಮೆಣಸಿನಕಾಯಿ, 1 ಚಮಚ ಕಾಳು ಮೆಣಸು, 2 ಲವಂಗ, 1 ಚಮಚ ದನಿಯಾ, 1 ಚಮಚ ಜೀರಿಗೆ, 4 ಬೆಳ್ಳುಳ್ಳಿ ಎಸಳು, 1 ಪುಲಾವ್ ಎಲೆ, 1 ಚಮಚ ಶುಂಠಿ, ½ ಚಮಚ ಅರಿಶಿನ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು.
ಮಾಡುವ ವಿಧಾನ : ಮೊದಲು ಕೆಂಪು ಮೆಣಸಿನ ಕಾಯಿ, ಕಾಳು ಮೆಣಸು, ಲವಂಗ, ದನಿಯಾ, ಬೆಳ್ಳುಳ್ಳಿ, ಶುಂಠಿ, ಜೀರಿಗೆ, ಮತ್ತು ಪುಲಾವ್ ಎಲೆಗಳನ್ನು ಬಾಣಲೆಯಲ್ಲಿ ಹಾಕಿ ಪರಿಮಳ ಬರುವವರೆಗೂ ಹುರಿಯಿರಿ. ನಂತರ ರುಬ್ಬಿಕೊಳ್ಳಿ. ಬಳಿಕ ಅದೇ ಬಾಣಲೆಗೆ ತುಪ್ಪ, ಕರಿಬೇವು, ಈರುಳ್ಳಿ ಹಾಕಿ ಚೆನ್ನಾಗಿ ಹುರಿಯಿರಿ. ನಂತರ ಅದಕ್ಕೆ ಅರಿಶಿನ ಪುಡಿ, ಟೊಮೆಟೊ, ರುಬ್ಬಿದ
ಮಸಾಲೆ, ಉಪ್ಪು ಸೇರಿಸಿ ಬೇಯಿಸಿ. ಅದು ಬೆಂದ ಬಳಿಕ ಅರ್ಧ ಕಟ್ ಮಾಡಿದ ಮೊಟ್ಟೆಗಳನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿದರೆ ಎಗ್ ಗೀ ರೋಸ್ಟ್ ರೆಡಿ. ಇದನ್ನು ಅನ್ನ, ಪರಾಠ ಜೊತೆ ಸವಿಯಬಹುದು.