ಬೇಕಾಗುವ ಸಾಮಾಗ್ರಿಗಳು :
ಅಕ್ಕಿ – ೧ ಕಪ್, ತೊಳೆದದ್ದು
ನೀರು – ೩ ಕಪ್
ಮೊಸರು – ೨ ಕಪ್
ಹಸಿ ಮೆಣಸಿನಕಾಯಿ – ೧, ಸಣ್ಣಗೆ ಹೆಚ್ಚಿದ್ದು
ಶುಂಠಿ – ೧ ಚಮಚ, ಸಣ್ಣಗೆ ಹೆಚ್ಚಿದ್ದು
ಹಾಲು – ೨ ದೊಡ್ಡ ಚಮಚ
ಉಪ್ಪು – ೧ ಚಮಚ ಅಥವಾ ರುಚಿಗೆ ತಕ್ಕಷ್ಟು
ಸಾಸಿವೆ – ೧ ಚಮಚ
ಉದ್ದಿನ ಬೇಳೆ – ೧ ಚಮಚ
ಕರಿಬೇವು – ೧೦ ರಿಂದ ೧೨
ಒಣ ಮೆಣಸಿನಕಾಯಿ – ೧
ಗೋಡಂಬಿ – ೧೦, ತುಂಡುಮಾಡಿದ್ದು
ಕೊತ್ತಂಬರಿ ಸೊಪ್ಪು – ೧ ದೊಡ್ಡ ಚಮಚ, ಹೆಚ್ಚಿದ್ದು
ದಾಳಿಂಬೆ ಬೀಜಗಳು – ೨ ದೊಡ್ಡ ಚಮಚ
ತುಪ್ಪ – ೧ ದೊಡ್ಡ ಚಮಚ
ಮಾಡುವ ವಿಧಾನ :
ಪ್ರೆಶರ್ ಕುಕ್ಕರ್ ಗೆ ೧ ಕಪ್ ತೊಳೆದ ಅಕ್ಕಿಯನ್ನು ಹಾಕಿ. ೩ ಕಪ್ ನೀರನ್ನು ಹಾಕಿ.ಮೊಸರನ್ನಕ್ಕೆ ಅನ್ನಮಾಡುವಾಗ ಅಕ್ಕಿಯ ಮೂರು ಪಟ್ಟು ನೀರನ್ನು ಹಾಕಬೇಕು.ಇದರಿಂದ ಅನ್ನವು ಮೆತ್ತಗಾಗಿ ಬರುತ್ತದೆ. ದೊಡ್ಡ ಉರಿಯಲ್ಲಿ ೩ ವಿಷಲ್ ಬರುವವರೆಗೆ ಕುಕ್ಕರ್ನಲ್ಲಿ ಬೇಯಿಸಿ. ಅನ್ನ ಬೆಂದ ಮೇಲೆ ಸ್ವಲ್ಪ ಮ್ಯಾಶ್ ಮಾಡಿಕೊಳ್ಳಿ. ಮ್ಯಾಶ್ ಮಾಡಿದ ಅನ್ನವನ್ನು ಒಂದು ಪಾತ್ರೆಗೆ ಹಾಕಿಕೊಳ್ಳಿ. ಒಂದು ಪಾತ್ರೆಯಲ್ಲಿ ೨ ಕಪ್ ಮೊಸರನ್ನು ಹಾಕಿ. ಮೊಸರನ್ನು ಅನ್ನಕ್ಕೆ ಹಾಕಿ ಚೆನ್ನಾಗಿ ಕಲಸಿ. ೧ ಸಣ್ಣಗೆ ಹೆಚ್ಚಿದ ಹಸಿ ಮೆಣಸಿನಕಾಯಿ, ೧ ಚಮಚ ಸಣ್ಣಗೆ ಹೆಚ್ಚಿದ ಶುಂಠಿ, ೨ ದೊಡ್ಡ ಚಮಚ ಹಾಲನ್ನು ಹಾಗೂ ೧ ಚಮಚ ಉಪ್ಪನ್ನು ಹಾಕಿ, ಚೆನ್ನಾಗಿ ಕಲಸಿ ಹಾಗೂ ಬದಿಗಿರಿಸಿ.
ಒಗ್ಗರಣೆ ಸೌಟಿನಲ್ಲಿ ೧ ದೊಡ್ಡ ಚಮಚ ತುಪ್ಪವನ್ನು ಬಿಸಿ ಮಾಡಿ.೧ ಚಮಚ ಸಾಸಿವೆಯನ್ನು ಹಾಕಿ.ಸಾಸಿವೆ ಸಿಡಿದ ಮೇಲೆ ೧ ಚಮಚ ಉದ್ದಿನ ಬೇಳೆ, ೧೦ ರಿಂದ ೧೨ ಕರಿಬೇವಿನ ಎಲೆ, ೧ ಒಣ ಮೆಣಸಿನಕಾಯಿ ತುಂಡುಮಾಡಿದ್ದು ಹಾಗೂ ೧೦ ತುಂಡು ಮಾಡಿದ ಗೋಡಂಬಿಯನ್ನು ಹಾಕಿ.ಚೆನ್ನಾಗಿ ಹುರಿಯಿರಿ ಹಾಗೂ ಮೊಸರನ್ನಕ್ಕೆ ಹಾಕಿ. ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಮೊಸರನ್ನಕ್ಕೆ ಹಾಕಿ ಚೆನ್ನಾಗಿ ಕಲಸಿದರೆ ಮೊಸರನ್ನ ಬಡಿಸಲು ಸಿದ್ಧ. ಬಡಿಸಿದ ಮೇಲೆ ಮೇಲ್ಗಡೆ ಸ್ವಲ್ಪ ದಾಳಿಂಬೆ ಕಾಳನ್ನು ಹಾಕಿದರೆ ರುಚಿ ಇನ್ನಷ್ಟು ಹೆಚ್ಚು . ಉಪ್ಪಿನಕಾಯಿಯ ಜೊತೆ ಅಥವಾ ಹಪ್ಪಳದ ಜೊತೆ ಸವಿಯಿರಿ.
