ಮುಂಬೈ: ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಅಭಿನಯದ ‘ಜವಾನ್’ ಚಿತ್ರದ ಟ್ರೈಲರ್ ಭಾರೀ ಸದ್ದು ಮಾಡುತ್ತಿದೆ. ಚಿತ್ರದ ಟ್ರೈಲರ್ ಹಿಂದಿನ ಹಿಟ್ ಚಿತ್ರಗಳಿಂದ ನಕಲು ಮಾಡಿದ್ದಕ್ಕಾಗಿ ಇಂಟರ್ನೆಟ್ ಬಳಕೆದಾರರ ಒಂದು ನಿರ್ದಿಷ್ಟ ವಿಭಾಗದಿಂದ ಟೀಕೆಗೆ ಒಳಗಾಗುತ್ತಿದೆ.
ಟ್ವಿಟರಿಗರು ಟ್ರೈಲರ್ ನಿಂದ ಶಾಟ್ ಗಳನ್ನು ತೆಗೆದು ಅದನ್ನು ಹಿಂದಿನ ಚಲನಚಿತ್ರಗಳೊಂದಿಗೆ ಹೋಲಿಸಿ ತೋರಿಸಿದ್ದಾರೆ.
ಟ್ವಿಟ್ಟರ್ ನಲ್ಲಿ ಬಳಕೆದಾರರೊಬ್ಬರು ‘ಜವಾನ್’ ಟ್ರೈಲರ್ ಶಾಟ್ ಗಳನ್ನು ಪೋಸ್ಟ್ ಮಾಡಿದ್ದು, ‘ಅಪರಿಚಿತ್’, ‘ಬಾಹುಬಲಿ’, ಸಲ್ಮಾನ್ ಖಾನ್ ಅಭಿನಯದ ‘ಬಾಡಿಗಾರ್ಡ್’ ಮತ್ತು ಮಾರ್ವೆಲ್ ಸರಣಿ ‘ಮೂನ್ ನೈಟ್’ ನಂತಹ ಚಿತ್ರಗಳ ಒಂದೇ ರೀತಿಯ ಶಾಟ್ ಗಳನ್ನು ಪೋಸ್ಟ್ ಮಾಡಿದ್ದಾರೆ. ‘ಜವಾನ್’ ಚಿತ್ರಕ್ಕಾಗಿ ನಿರ್ದೇಶಕ ಅಟ್ಲೀ ಇತರ ಚಲನಚಿತ್ರಗಳಿಂದ ಸ್ಫೂರ್ತಿ ಪಡೆಯುತ್ತಿರುವ ಬಗ್ಗೆ ನಿಮ್ಮ ಆಲೋಚನೆಗಳು” ಎಂದು ಬಳಕೆದಾರರು ಬರೆದಿದ್ದಾರೆ.
ಅನೇಕ ಬಳಕೆದಾರರು ನಿರ್ದೇಶಕ ಅಟ್ಲೀ ಫ್ರೇಮ್ ಗಳನ್ನು ನಕಲು ಮಾಡಿದ್ದಾರೆ ಎಂದು ಆರೋಪಿಸಿದರೆ, ಕೆಲವರು ನಿರ್ದೇಶಕರ ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ಬೆಂಬಲಿಸಿದರು. ಶಾಟ್ ಗಳನ್ನು ಯಾವ ಸನ್ನಿವೇಶದಲ್ಲಿ ಬಳಸಲಾಗಿದೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಇಡೀ ಚಲನಚಿತ್ರವನ್ನು ಕಾದು ನೋಡಬೇಕಿದೆ.