ಬಾಲಿವುಡ್ ಬ್ಯೂಟಿ ಕರೀನಾ ಕಪೂರ್ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. 44ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಜನ್ಮ ದಿನದ ವಿಶೇಷದಂದು ಬೆಬೋ ಕೆಂಪು ಗೌನ್ನಲ್ಲಿ ಮಿಂಚಿದ್ದಾರೆ. ಬಾಲಿವುಡ್ ಸಿನಿಮಾ ರಂಗಕ್ಕೆ ಕಾಲಿಟ್ಟು ಕರೀನಾ ಕಪೂರ್ ಖಾನ್ ಈಗಾಗಲೇ 25 ವರ್ಷ ಪೂರೈಸಿದ್ದಾರೆ. ಇದೇ ಖುಷಿಯಲ್ಲಿ ಪಿವಿಆರ್ ಸೆಪ್ಟೆಂಬರ್ 27ರವರೆಗೆ ಕರೀನಾ ಅವರ ಸಿನಿಮಾವನ್ನು ಸ್ಕ್ರೀನ್ ಮೇಲೆ ಪ್ರದರ್ಶನ ಮಾಡುತ್ತಿದೆ. ಆ ಮೂಲಕ ಡಬಲ್ ಸರ್ಪ್ರೈಸ್ ಕೊಡುತ್ತಿದೆ.
ಇಂದು ಕರೀನಾ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ. ಆಫ್ ಸ್ಕ್ರೀನ್ ಮತ್ತು ಆನ್ಸ್ಕ್ರೀನ್ನಲ್ಲಿ ಸಖತ್ ಮೋಡಿ ಮಾಡಿದ ಕರೀನಾ ಫ್ಯಾಷನ್ ಲೋಕದಲ್ಲೂ ಮಿಂಚು ಹರಿಸಿದ್ದಾರೆ. ಜಬ್ ವಿ ಮೇಟ್, ಚಮೇಲಿ, ಹೀರೋಯಿನ್ ಸಿನಿಮಾಗಳಲ್ಲಿ ತಮ್ಮ ಪಾತ್ರದ ಮೂಲಕ ಅನೇಕ ಅಭಿಮಾನಿಗಳ ಮನ ಕದ್ದ ನಟಿ ಕರೀನಾ ಹೆಸರಿನಲ್ಲಿ ಸದ್ಯ ಕೆಕೆಕೆ ಫಿಲ್ಮ್ ಫೆಸ್ಟಿವಲ್ ನಡೆಸಲಾಗುತ್ತಿದೆ.