ಮೊದಲ ಬಾರಿ ಎರಡನೇ ಮಗನ ಫೋಟೋ ಹಂಚಿಕೊಂಡ ಕರೀನಾ

ನಟಿ ಕರೀನಾ ಕಪೂರ್ ತಮ್ಮ ಎರಡನೇ ಮಗನ ಫೋಟೋವನ್ನು ಮೊದಲ ಬಾರಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಫೋಟೋದಲ್ಲಿ ಕರೀನಾ ಮಗುವಿನ ಹಣೆ ಮೇಲೆ ಮುತ್ತಿಕ್ಕಿದ್ದಾರೆ. ‘ನನ್ನ ಜೀವನದ ಅತೀ ಸುಂದರವಾದ ವ್ಯಕ್ತಿ, ನನ್ನ ಶಕ್ತಿ, ನನ್ನ ಜಗತ್ತು–ಸೈಫ್, ತೈಮೂರ್ ಹಾಗೂ ಜೆಹ್’ ಎಂದು ಬರೆದುಕೊಂಡಿದ್ದಾರೆ.

2021ರ ಫೆಬ್ರವರಿ 21ರಂದು ಕರೀನಾ ಕಪೂರ್ ಎರಡನೇ ಮಗುವಿಗೆ ಜನ್ಮ ನೀಡಿದ್ದರು. ಇದುವರೆಗೂ ಸೈಫ್– ಕರೀನಾ ತಮ್ಮ ಮಗು ಜೆಹ್ ನ ಫೋಟೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿಲ್ಲ. ವಿಶ್ವ ತಾಯಂದಿರ ದಿನದಂದು ನಟಿ ಕರೀನಾ ಕಪೂರ್ ತಮ್ಮ ಮೊದಲ ಮಗ ತೈಮೂರ್ ತನ್ನ ತಮ್ಮನನ್ನು ಹಿಡಿದುಕೊಂಡಿರುವ ಫೋಟೋವನ್ನು ಹಂಚಿಕೊಂಡಿದ್ದರು.