ಕನ್ನಡದ ಪ್ರಖ್ಯಾತ ಸುದ್ದಿ ವಾಹಿನಿಗಳಲ್ಲಿ ತಮ್ಮ ಮಾತಿನ ವೈಖರಿಯಿಂದ ಕರ್ನಾಟಕದ ಮನೆ-ಮನಗಳಲ್ಲಿ ಸುದ್ದಿಮಾಡಿರುವ ಗೌರೀಶ್ ಅಕ್ಕಿಯವರು ಕೆಲವು ಸಿನೆಮಾಗಳಲ್ಲಿ ಸಣ್ಣಪುಟ್ಟ ಪಾತ್ರಗಳಲ್ಲೂ ಮಿಂಚಿದ್ದರು, ಆದರೆ ಈಗ ತಾವೇ ಸ್ವತಃ ತಮ್ಮ ಸಿನಿ ಅನುಭವವನ್ನು ತೆರೆಮೇಲೆ ಬಿಚ್ಚಿಡಲು ನಿರ್ದೇಶಕನಾಗಿದ್ದಾರೆ.
ಗೌರೀಶ್ ಅಕ್ಕಿಯವರ ಚೊಚ್ಚಲ ಚಿತ್ರ “ಸಿನೆಮಾ ಮೈ ಡಾರ್ಲಿಂಗ್”ನ ಟ್ರೇಲರ್ ರಿಲೀಸ್ ಆಗಿದ್ದು, ಭರವಸೆಯ ಚಿಗುರನ್ನು ಮೂಡಿಸಿದೆ. ಈಗಾಗಲೇ ಬಿಡುಗಡೆಯಾಗಿರುವ ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನದ ಹಾಡುಗಳು ಕೇಳುಗನ ಮನಸಿನಲ್ಲಿ ಜಾಗ ಪಡೆದಿವೆ. ತನ್ನ ಅನುಭವದ ಜೊತೆಗೆ ಇತರ ವಿಶೇಷತೆಗಳನ್ನು ಸಂಶೋಧಿಸಿ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿರುವ ಗೌರೀಶ್ ಅಕ್ಕಿಯವರು ಒಬ್ಬ ಪಳಗಿರುವ ನಿರ್ದೇಶಕನಂತೆ ಸಿನೆಮಾ ಮಾಡಿದ್ದಾರೆ.
ಗೌರೀಶ್ ಅಕ್ಕಿ ಸಿನೆಮಾಸ್ ಬ್ಯಾನರ್ ಮೂಲಕ ನಿರ್ಮಾಣವಾಗಿರುವ “ಸಿನೆಮಾ ಮೈ ಡಾರ್ಲಿಂಗ್” ಚಿತ್ರದಲ್ಲಿ ಹೊಸ ಮುಖ ವಿಹಾನ್ ಗೌಡ, ಸಂಜನಾ, ಮನೋಜಾವ ಮತ್ತು ರಾಜು ತಾಳಿಕೋಟೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಎಸ್.ಕೆ.ರಾವ್ ಛಾಯಾಗ್ರಹಣವಿರುವ ಸಿನೆಮಾ ಶೀಘ್ರದಲ್ಲಿ ಚಿತ್ರಮಂದಿರಗಳಿಗೆ ಲಗ್ಗೆಯಿಡಲಿದೆ.