ಮುಂಬೈ: ಕಾರ್ಗಿಲ್ ಯುದ್ಧದಲ್ಲಿ ವೀರ ಮರಣವನ್ನಪ್ಪಿದ ಕ್ಯಾಪ್ಟನ್ ವಿಕ್ರಂ ಬಾತ್ರಾ ಅವರ ಜೀವನವನ್ನಾಧರಿಸಿದ ಶೇರ್ ಶಾ ಸಿನಿಮಾಗೆ ಬಾತ್ರಾ ಅವರ ಪಾಲಕರು ಮೆಚ್ಚುಗೆ ಸೂಚಿಸಿದ್ದಾರೆ. ಬಾತ್ರಾ ಅವರ ಪಾಲಕರಾದ ಗಿರಿಧರ್ ಲಾಲ್ ಮತ್ತು ಕಮಲ್ ಕಾಂತ ಬಾತ್ರಾ ಅವರು ಸಿನಿಮಾದಲ್ಲಿ ಸಿದ್ಧಾರ್ಥ್ ಮಲ್ಹೋತ್ರ ಮತ್ತು ಕಿಯಾರಾ ಅಡ್ವಾಣಿ ಅಭಿನಯಕ್ಕೆ ಮನಸೋತಿದ್ದಾರೆ.
ಶೇರ್ ಶಾ ಸಿನಿಮಾದಲ್ಲಿ ನಟ ಸಿದ್ಧಾರ್ಥ್ ಮಲ್ಹೋತ್ರಾ ಅವರು ವಿಕ್ರಂ ಬಾತ್ರಾ ಪಾತ್ರ ನಿರ್ವಹಿಸಿದ್ದರೆ, ಕಿಯಾರಾ ಅಡ್ವಾಣಿ, ಪ್ರೇಯಸಿ ಡಿಂಪಲ್ ಚೀಮಾ ಅವರ ಪಾತ್ರ ನಿರ್ವಹಿಸಿದ್ದರು. ವಿಕ್ರಂ ಬಾತ್ರಾ ನಿಧನದ ನಂತರ ಡಿಂಪಲ್ ಚೀಮಾ ಅವರು ತಾವು ಮದುವೆಯಾಗುವುದಿಲ್ಲ ಎಂದು ನಿರ್ಧಾರ ಕೈಗೊಂಡು ಅದರಂತೆ ಜೀವನ ಸಾಗಿಸುತ್ತಿದ್ದಾರೆ.