ಸಿನಿಮಾ ರಂಗಕ್ಕೆ ನೀಡುವ ಅತ್ಯಂತ ಪ್ರತಿಷ್ಟಿತ ದಾದಾ ಸಾಹೇಬ್ ಪಾಲ್ಕೆ ಪ್ರಶಸ್ತಿ ಪಟ್ಟಿ ಪ್ರಕಟ ಆಗಿದ್ದು, ಈ ಬಾರಿ ಬಾಲಿವುಡ್ ಖ್ಯಾತ ದಿವಂಗತ ನಟ ವಿನೋದ್ ಖನ್ನಾ ಅವರಿಗೆ ಲಭಿಸಿದೆ. ವಿನೋದ್ ಖನ್ನಾ ಅವರ ಮರಣಾನಂತರ ಅವರಿಗೆ ಈ ಪ್ರಶಸ್ತಿ ದೊರೆತಿದ್ದು, ಇಂದು 65ನೇ ರಾಷ್ಟ್ರ ಪ್ರಶಸ್ತಿ ದೆಹಲಿಯಲ್ಲಿ ಪ್ರಕಟ ಆಗಿದೆ. ಈ ಸಂದರ್ಭದಲ್ಲಿ ವಿನೋದ್ ಖನ್ನಾ ಅವರಿಗೆ ಫಾಲ್ಕೆ ಪ್ರಶಸ್ತಿ ದೊರೆತಿದೆ.
ವಿನೋದ್ ಖನ್ನಾ ಅವರು ಜನಿಸಿದ್ದು 1946ರ ಅಕ್ಟೋಬರ್ 6ರಂದು. ಇವರು 1968ರಲ್ಲಿ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಟ್ಟರು. ‘ಅಮರ್ ಅಕ್ಬರ್ ಅಂಥೋನಿ’, ‘ಮೇರಾ ಗಾಂವ್ ಮೇರಾ ದೇಶ್’, ‘ಮೇರೆ ಅಪ್ನೆ’, ‘ಗದ್ದಾರ್’, ‘ಮುಖಂದರ್ ಕಾ ಸಿಖಂದರ್’ ಹೀಗೆ ಸುಮಾರು ೧೪೦ಕ್ಕೂ ಹೆಚ್ಚಿನ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಪಿತ್ತಕೋಶ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ನಟ ವಿನೋದ್ ಖನ್ನಾ ಅವರು ಕಳೆದ ವರ್ಷ ಎಪ್ರಿಲ್ ನಲ್ಲಿ ಸರ್ ಹೆಚ್.ಎನ್ ರಿಲಯನ್ಸ್ ಪ್ರತಿಷ್ಠಾನದ ಆಸ್ಪತ್ರೆಯಲ್ಲಿ ತಮ್ಮ ೭೦ನೇ ವಯಸ್ಸಿನಲ್ಲಿ ನಿಧನರಾದರು.
