ಮಂಗಳೂರು: ಉರ್ವಾದ ಹೆಮ್ಮೆಯ ಧಾರ್ಮಿಕ ಗುರು, ದಾನಶೂರ, ಶಿಕ್ಷಣಪ್ರೇಮಿ ಹಾಗೂ ಮಾನವತೆಯ ನಿಸ್ವಾರ್ಥ ಸೇವಕನಾಗಿ ಗುರುತಿಸಿಕೊಂಡಿದ್ದ ವಂದನೀಯ ಮೊನ್ಸಿಂಜೊರ್ ಲೆಸ್ಲಿ ಎಫ್. ಶೆಣೊಯ್ ಅವರು ಮೇ 24ರಂದು ಭಾನುವಾರ ತಮ್ಮ 79ನೇ ವಯಸ್ಸಿನಲ್ಲಿ ಮಂಗಳೂರಿನ ಫಾದರ್ ಮುಲ್ಲರ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದರು.
1947ರ ಅಕ್ಟೋಬರ್ 4ರಂದು ಮಂಗಳೂರಿನ ಉರ್ವಾದಲ್ಲಿ ಭಕ್ತಿಭಾವಪೂರ್ಣ ಹಾಗೂ ಗೌರವಾನ್ವಿತ ಕ್ಯಾಥೊಲಿಕ್ ಕುಟುಂಬದಲ್ಲಿ ಲೆಸ್ಲಿ ಶೆಣೊಯ್ ಜನಿಸಿದರು. “Casa de Padre” ಎಂದು ಕರೆಯಲ್ಪಡುತ್ತಿದ್ದ ಅವಕ ಪಾರಂಪರಿಕ ಮನೆಯಲ್ಲಿ ಪ್ರಾರ್ಥನೆ, ಶಿಸ್ತು, ಆತಿಥ್ಯ ವ ಕ್ರೈಸ್ತ ಮೌಲ್ಯಗಳ ವಾತಾವರಣವಿತ್ತು.
ದೇವರ ಕರೆಯನ್ನು ಅನುಸರಿಸಿ ವಂದನೀಯ ಲೆಸ್ಲಿ ಶೆಣೋಯ್ ಅವರು ಧಾರ್ಮಿಕ ಶಿಕ್ಷಣಕ್ಕೆ ಪ್ರವೇಶಿಸಿ ತಮ್ಮ ಬದುಕನ್ನೇ ದೇವರ ಸೇವೆಗೆ ಅರ್ಪಿಸಿದರು. 1976ರ ಮೇ 14ರಂದು ಉರ್ವಾ ಚರ್ಚ್ ನಲ್ಲಿ ಕಲ್ಕತ್ತಾ ಮಹಾಧರ್ಮಪ್ರಾಂತ್ಯಕ್ಕಾಗಿ ಯಾಜಕರಾಗಿ ಅಭಿಷೇಕಗೊಂಡರು.
1979ರಲ್ಲಿ ಅವರು ಮೊದಲ ಬಾರಿಗೆ ಅಮೆರಿಕಾಗೆ ಭೇಟಿ ನೀಡಿದರು. ಬಳಿಕ ಫ್ರೆಸ್ಕೋ ಧರ್ಮಪ್ರಾಂತ್ಯದ ವಿವಿಧ ಪ ಚರ್ಚ್ ಗಳಲ್ಲಿ ಸೇವೆ ಸಲ್ಲಿಸಿದರು. ವಿಶೇಷವಾಗಿ ವಾಯುಪಡೆ ನೆಲೆಗಳ ಸಮೀಪದ ಚರ್ಚುಗಳಲ್ಲಿ ಅವರು ಜನಪರ ಧಾರ್ಮಿಕ ಸೇವೆ ಸಲ್ಲಿಸಿದರು.
ಅಂತಿಮ ನಮನ:
“ಇಂದು ನಾವು ಕೇವಲ ಒಬ್ಬ ಯಾಜಕರಿಗೆ ವಿದಾಯ ಹೇಳುತ್ತಿಲ್ಲ; ಬಡವರ ಪಾಲಿನ ಆಶಾಕಿರಣವಾಗಿದ್ದ, ಕರುಣೆಯ ಹೃದಯ ಹೊಂದಿದ್ದ, ದೇವರ ವಿನಮ್ರ ಸೇವಕನಿಗೆ ಅಂತಿಮ ನಮನ ಸಲ್ಲಿಸುತ್ತಿದ್ದೇವೆ. ವಂದನೀಯ ಮೊನ್ಸಿಂಜೊರ್ ಲೆಸ್ಲಿ ಶೆಣೊಯ್ ಅವರ ಜೀವನ ಪ್ರಾರ್ಥನೆ, ತ್ಯಾಗ, ದಾನ ಮತ್ತು ಮಾನವೀಯ ಪ್ರೀತಿಯ ಜೀವಂತ ಸಾಕ್ಷಿಯಾಗಿತ್ತು.
ಅವರು ಆಶೀರ್ವದಿಸಿದ ಕೈಗಳು ಸಾವಿರಾರು ಜೀವಗಳಿಗೆ ಬೆಳಕಾದವು. ಅವರ ಸೇವೆ ಮತ್ತು ದಯೆಯ ಪರಂಪರೆ ಮುಂದಿನ ಪೀಳಿಗೆಗಳಿಗೂ ಪ್ರೇರಣೆಯಾಗಿರಲಿದೆ. ದೇವರ ಸೇವೆಯಲ್ಲಿ ಜೀವನವನ್ನೇ ಅರ್ಪಿಸಿದ ಈ ಮಹನೀಯ ಆತ್ಮಕ್ಕೆ ಪರಮಾತ್ಮನು ಚಿರಶಾಂತಿ ನೀಡಲಿ.” ಅವರ ಅಂತ್ಯಕ್ರಿಯೆಯು ಮೇ 27ರಂದು ಬುಧವಾರ 3:00 ಗಂಟೆಗೆ ಮಂಗಳೂರಿನ ಉರ್ವ ಚರ್ಚ್ ನಲ್ಲಿ ನಡೆಯಲಿದೆ.