ಚಿತ್ರದುರ್ಗ: ಎಫ್ಎಸ್ಎಲ್ ತಂಡವು ಆರೋಪಿಗಳಿಂದ ಡಿಲೀಟ್ ಆದ ರೇಣುಕಾಸ್ವಾಮಿ ಫೋಟೋಗಳನ್ನು ರಿಟ್ರೀವ್ ಮಾಡಿದ್ದಾರೆ. ಅದರಲ್ಲಿ ಎರಡು ಫೋಟೋಗಳು ಎಲ್ಲೆಡೆ ವೈರಲ್ ಆಗಿವೆ. ಪಟ್ಟಣಗೆರೆ ಶೆಡ್ನಲ್ಲಿ ರೇಣುಸ್ವಾಮಿಯನ್ನು ಥಳಿಸಿದ ಮತ್ತು ಕೊಲೆಗೈದ ಫೋಟೋಗಳು ಸಿಕ್ಕಿವೆ. ಆದರೀಗ ರೇಣುಕಾಸ್ವಾಮಿಯ ಮತ್ತೊಂದು ಫೋಟೋ ಸಿಕ್ಕಿದ್ದು, ವೈರಲ್ ಆಗುತ್ತಿದೆ.
ಕಿಡ್ನಾಪ್ಗೂ ಮುನ್ನ ರೇಣುಕಾಸ್ವಾಮಿಯ ಫೋಟೋ ಸಿಕ್ಕಿದೆ. ರೇಣುಕಾಸ್ವಾಮಿ ಚಲನವಲನಗಳನ್ನು ಹಿಂಬಾಲಿಸಿ ಆರೋಪಿಗಳು ತೆಗೆದಿದ್ದ ಫೋಟೋ ಇದಾಗಿದೆ.
ರೇಣುಕಾಸ್ವಾಮಿ ಕಿಡ್ನಾಪ್ ಆಗುವ ದಿನ ತನ್ನ ಸ್ಕೂಟಿಗೆ ಗಾಳಿ ಹಿಡಿಸಿದ್ದನು. KEB ಕಲ್ಯಾಣ ಮಂಟಪ ರಸ್ತೆಯಲ್ಲಿನ ಪಂಕ್ಷರ್ ಶಾಪ್ನಲ್ಲಿ ಗಾಳಿ ಹಿಡಿಸಿದ್ದನು. ಗಾಳಿ ಹಿಡಿಸಿದ್ದನ್ನ ಕಿಡ್ನಾಪರ್ಸ್ ಆಟೋದಲ್ಲಿ ಕುಳಿತು ಫೋಟೋ ತೆಗೆದಿದ್ದರು. ಇದೀಗ ಆ ಫೋಟೋ ವೈರಲ್ ಆಗಿದೆ. ರೇಣುಕಾಸ್ವಾಮಿ ತನ್ನ ಯಮಹಾ ಸ್ಕೂಟಿಗೆ ಗಾಳಿ ತುಂಬಿಸಿ ಪರ್ಸ್ ತೆಗೆಯುತ್ತಿರುವ ಫೋಟೋ ಸಿಕ್ಕಿದೆ. ಈ ವೇಳೆ ರೇಣುಕಾಸ್ವಾಮಿ ಆಟೋದಲ್ಲಿರುವವರನ್ನು ನೋಡಿದ್ದಾನೆ. ಅದಕ್ಕೆ ಸರಿಯಾಗಿ ಆರೋಪಿಗಳು ಫೋಟೋವನ್ನು ಕ್ಲಿಕ್ಕಿಸಿದ್ದಾರೆ.