ಮಂಗಳೂರು: ಅಲೋಶಿಯಸ್ ಸ್ವಾಯತ್ತ ಕಾಲೇಜಿನ ಸ್ನಾತಕೋತ್ತರ ವಾಣಿಜ್ಯ ವಿಭಾಗವು “ಕುನಾಫಾ ವರ್ಲ್ಡ್” ನ ಸಂಸ್ಥಾಪಕರಾದ ಜಮ್ಜೀರ್ ಅಹಮದ್ ಮತ್ತು ಶ್ರೀಮತಿ ಜಮೀಲಾ ರೂಹಿ ಅವರೊಂದಿಗೆ “ಕ್ಯಾಚ್ ಅಪ್ ವಿತ್ ಕುನಾಫಾ” ಎಂಬ ಸಂವಾದಾತ್ಮಕ ಗೋಷ್ಠಿಯೊಂದನ್ನು ಮಾರ್ಚ್ 11, 2023 ರಂದು LCRI ಬ್ಲಾಕ್‌ನ LF ರಸ್ಕೀನ್ಹಾ ಹಾಲ್‌ನಲ್ಲಿ ಆಯೋಜಿಸಿತ್ತು.
ಕಾಲೇಜಿನ ರಿಜಿಸ್ಟ್ರಾರ್ ಮತ್ತು ಪರೀಕ್ಷಾ ನಿಯಂತ್ರಕ ಡಾ. ಅಲ್ವಿನ್ ಡೇಸಾ, ಮಾಫಿ ಬ್ಲಾಕ್‌ನ ನಿರ್ದೇಶಕಿ ಡಾ. ಲವೀನಾ ಲೋಬೋ, ಪಿಜಿ ವಾಣಿಜ್ಯ ವಿಭಾಗದ ಮುಖ್ಯಸ್ಥೆ ಜೆನ್ನಿಫರ್ ಮರಿಯಾ ಕ್ವಾಡ್ರೋಸ್, ನಿವೇದಿತಾ ಮತ್ತು ರೆನಿಟ ಮರಿಯಾ ಫೆರ್ನಾಂಡಿಸ್, ಕಾರ್ಯಕ್ರಮ ಸಂಯೋಜಕರು ಹಾಗೂ ವಿದ್ಯಾರ್ಥಿ ಸಂಯೋಜಕಿ ಡಾಫ್ನಿ ಸಿಕ್ವೇರಾ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಕಾರ್ಯಕ್ರಮದ ಉದ್ಘಾಟನೆಯನ್ನು ಗಣ್ಯರು ಸಸಿ ನೆಟ್ಟು ನೀರುಣಿಸುವ ಮೂಲಕ ಸಾಂಕೇತಿಕವಾಗಿ ನೆರವೇರಿಸಿದರು. ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಜಮೀಲಾ ರೂಹಿ ಅವರು ಉದ್ಯಮಿಯಾಗಿ ತಮ್ಮ ಅನುಭವವನ್ನು ಹಂಚಿಕೊಂಡರು. ಅವರು ‘ಉದ್ಯಮಿ’ ಎಂಬ ಪದದ ವಿವರಣೆ ನೀಡುತ್ತ ಯುವ ಮನಸ್ಸುಗಳನ್ನು ದೊಡ್ಡ ಕನಸು ಕಾಣಲು ಮತ್ತು ಏಕಾಗ್ರತೆಯಿಂದ ಇರಲು ಪ್ರೇರೇಪಿಸಿದರು.
ಉದ್ಯಮಶೀಲತೆಯಲ್ಲಿ, ನೀವು ಬಲವಾದ ಮನಸ್ಥಿತಿಯನ್ನು ಹೊಂದಿರಬೇಕು ಮತ್ತು ನಿಮ್ಮ ಆಲೋಚನೆಗಳನ್ನು ಗ್ರಹಿಸಲು ನಿಮ್ಮನ್ನು ನೀವು ಮೊದಲು ನಂಬಬೇಕು ಎಂದು ಅವರು ಹೇಳಿದರು.
ಡಾ. ಅಲ್ವಿನ್ ಡೇಸಾ ಅವರು ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ಶ್ರೀ ಜಮ್ಜೀರ್ ಅಹಮದ್ ಮತ್ತು ಶ್ರೀಮತಿ ಜಮೀಲಾ ರೂಹಿ ದಂಪತಿಗಳು ತಮ್ಮ ವಿಶಿಷ್ಟವಾದ ಉದ್ಯಮಶೀಲತಾ ಕೌಶಲ್ಯಗಳನ್ನು ಭಾರತ ಮತ್ತು ವಿದೇಶಗಳಲ್ಲಿ ವಿಸ್ತರಿಸುವ ಪ್ರಯತ್ನಗಳಿಗಾಗಿ ಅಭಿನಂದಿಸಿದರು. ಯುವ ಉದಯೋನ್ಮುಖ ಉದ್ಯಮಿಗಳಿಬ್ಬರೂ ಈ ಸಂವಾದಾತ್ಮಕ ಅಧಿವೇಶನದಿಂದ ಯುವ ಪೀಳಿಗೆಗೆ ಖಂಡಿತವಾಗಿಯೂ ಸ್ಫೂರ್ತಿ ನೀಡಲಿದ್ದಾರೆ ಎಂದು ಅವರು ಹೇಳಿದರು.
ಸಂವಾದಾತ್ಮಕ ಅಧಿವೇಶನವನ್ನು ಕಿಶೋರ್ ಬಿ ಎನ್, ಹಳೆಯ ವಿದ್ಯಾರ್ಥಿ, ಫಾದರ್ ವಿಶ್ವಾಸ್ ಜಾಯ್ ಮಿಸ್ಕ್ವಿತ್ ಮತ್ತು ಆರನ್ ಫ್ರೈಡರ್ ನಿರ್ವಹಿಸಿದರು. “ಏನನ್ನಾದರೂ ಸಾಧಿಸಲು ನಿಮ್ಮ ಆಸಕ್ತಿಯನ್ನು ಕಂಡುಹಿಡಿಯುವುದು ಮತ್ತು ನಿಮ್ಮ ಆಲೋಚನೆಯತ್ತ ಆಸಕ್ತಿಯನ್ನು ಹೊಂದಿರುವುದು ಪ್ರೇರಣೆಯಾಗಿದೆ.
ನೀವು ಹೆಚ್ಚು ಇಷ್ಟಪಡುವ ವಿಷಯದಲ್ಲಿ ನೀವು ಸ್ವಯಂ ಪ್ರೇರಿತರಾಗುತ್ತೀರಿ. ಸಮಯವನ್ನು ವ್ಯರ್ಥ ಮಾಡುವ ಬದಲು ನಿಮ್ಮ ಜೀವನಕ್ಕೆ ಫಲಕಾರಿಯಾಗುವ ವಿಷಯಗಳಲ್ಲಿ ಆಸಕ್ತಿಯನ್ನು ಬೆಳೆಸಿಕೊಳ್ಳಿ” ಎಂದು ಜಮ್ಜೀರ್ ಅಹಮದ್ ಅವರು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
ಸಂತ ಅಲೋಶಿಯಸ್ ಕಾಲೇಜಿನ ಹಳೆ ವಿದ್ಯಾರ್ಥಿಯಾದ ಶ್ರೀ ಜಮ್ಜೀರ್ ಅಹಮದ್ ಮತ್ತು ಶ್ರೀಮತಿ ಜಮೀಲಾ ರೂಹಿ ಅವರು ಸೋನಿ ಟಿವಿಯಲ್ಲಿ ಪ್ರಸಾರವಾದ ಶಾರ್ಕ್ ಟ್ಯಾಂಕ್ ಇಂಡಿಯಾ – ಸೀಸನ್ 1 ನಲ್ಲಿ ಕಾಣಿಸಿಕೊಂಡಿದ್ದರು. ಜೋವಿಟ ಟೆಲ್ಲಿಸ್ ಕಾರ್ಯಕ್ರಮ ನಿರೂಪಿಸಿದರು. ಶ್ರೀಮತಿ ಜೆನ್ನಿಫರ್ ಮರಿಯಾ ಕ್ವಾಡ್ರಸ್ ಸ್ವಾಗತಿಸಿದರು. ನಿವೇದಿತಾ ವಂದಿಸಿದರು.
ಆಮ್ ಆದ್ಮಿ ಪಕ್ಷಕ್ಕೆ ವಿದೇಶಿ ಮೂಲಗಳಿಂದ 7 ಕೋಟಿ ರೂ.ಗೂ ಹೆಚ್ಚು ದೇಣಿಗೆ ಸಿಕ್ಕಿರುವ ಬಗ್ಗೆ ಎಫ್‌ಸಿಆರ್‌ಎ ತನಿಖೆಯನ್ನು ಕೋರಿ…
ಕೆರೆಯ ಬಳಿ ಆಸ್ವಸ್ಥಗೊಂಡು ಬಿದ್ದಿದ್ದ ಆನೆ ಚಿಕಿತ್ಸೆಗೆ ಸ್ಪಂದಿಸದೇ ಅಸುನೀಗಿರುವ ಘಟನೆ ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶ, ಹೆಡಿಯಾಲ ಉಪ-ವಿಭಾಗ…
ಒಂದು ವರ್ಷ ಅಧಿಕಾರ ಪೂರೈಸುವ ಹೊತ್ತಿಗೆ ನೂರೊಂದು ಸಮಸ್ಯೆಗಳನ್ನು ತಂದುಕೊಂಡಿದೆ ಎಂದು ಪ್ರತಿಪಕ್ಷ ನಾಯಕ ಆರ್. ಅಶೋಕ್‌ ರಾಜ್ಯ ಸರ್ಕಾರದ…
ಆಕಸ್ಮಿಕವಾಗಿ ಸಂಭವಿಸುವ ಕಾಯಿಲೆಗಳಿಗೆ ಸೂಕ್ತ ಚಿಕಿತ್ಸೆ ಪಡೆದುಕೊ ಳ್ಳುವ ಸಲುವಾಗಿ ಸರ್ಕಾರ ಜಾರಿಗೊಳಿಸಿರುವ ಯಶಸ್ವಿನಿ ಯೋಜನೆಯನ್ನು ಸಮರ್ಪಕವಾಗಿ ಬಳಸಿಕೊಳ್ಳ ಬೇಕು…
ರಾಜ್ಯದಲ್ಲಿ ಭೀಕರ ಬರಗಾಲದಿಂದ ಕಂಗೆಟ್ಟಿರುವ ರೈತರಿಗೆ ರಾಜ್ಯ ಸರಕಾರ ಅಲ್ಪ ಮಟ್ಟಿಗೆ ಪರಿಹಾರ ನೀಡಿ ನಿಟ್ಟುಸಿರು ಬಿಡುವಂತೆ ಮಾಡಿದೆ.ಆದರೆ ಅಫಜಲಪುರ…
ಹುಬ್ಬಳ್ಳಿಯ ನೇಹಾ ಹಿರೇಮಠ್ ಹತ್ಯೆ ಪ್ರಕರಣ ಬೆನ್ನಲ್ಲೇ ಇದೀಗ ಅಂಜಲಿ ಅಂಬಿಗೇರ ಕೊಲೆ ಪ್ರಕರಣವನ್ನು ಸಿಐಡಿಗೆ ವಹಿಸಲಾಗಿದೆ. ಈ ಬಗ್ಗೆ…