ಮಣಿಪಾಲ: ಯುವಕರಲ್ಲಿ ವೈಜ್ಞಾನಿಕ ಮನೋಭಾವ ವೃದ್ಧಿ- ಸುಬ್ರಹ್ಮಣ್ಯ ಯಡಪಡಿತ್ತಾಯ ಅಭಿಪ್ರಾಯ

ಮಣಿಪಾಲ: ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಶನ್ (ಮಾಹೆ) ಇತ್ತೀಚೆಗೆ ರಾಷ್ಟ್ರೀಯ ವಿಜ್ಞಾನ ದಿನವನ್ನು ಫೆ. 28,ರಂದು ಫಾರ್ಚೂನ್ ಇನ್ ವ್ಯಾಲಿ ವ್ಯೂನಲ್ಲಿ ಆಚರಿಸಲಾಯಿತು.

ಮುಖ್ಯ ಅತಿಥಿಯಾಗಿ ಮಂಗಳೂರು ವಿಶ್ವವಿದ್ಯಾನಿಲಯ ಉಪಕುಲಪತಿ, ಡಾ. ಪಿ ಸುಬ್ರಹ್ಮಣ್ಯ ಯಡಪಡಿತ್ತಾಯ, ಮಾಹೆ ಉಪಕುಲಪತಿ ಲೆಫ್ಟಿನೆಂಟ್ ಜನರಲ್ (ಡಾ) ಎಂ.ಡಿ ವೆಂಕಟೇಶ್, ತಂತ್ರಜ್ಞಾನ ಮತ್ತು ವಿಜ್ಞಾನ, ವಿಸಿ ಪ್ರೊ ಡಾ ನಾರಾಯಣ ಸಭಾಹಿತ್, ಮಾಹೆ ರಿಜಿಸ್ಟ್ರಾರ್‌ ಡಾ. ಗಿರಿಧರ್‌ ಕಿಣಿ, ವಿವಿಧ ವಿಭಾಗಗಳ ಮುಖ್ಯಸ್ಥರು ಪಾಲ್ಗೊಂಡಿದ್ದರು.

ಫೆಬ್ರವರಿ 28, 1928 ರಂದು ಸರ್ ಸಿವಿ ರಾಮನ್ ಅವರು ಕಂಡುಹಿಡಿದ ‘ರಾಮನ್ ಎಫೆಕ್ಟ್’ ಸ್ಮರಣಾರ್ಥವಾಗಿ ವಿಜ್ಞಾನದ ಮಹತ್ವ ಮತ್ತು ದೈನಂದಿನ ಜೀವನದಲ್ಲಿ ಅದರ ಪ್ರಭಾವವನ್ನು ಎತ್ತಿ ಹಿಡಿಯಲು ಈ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ವಿಧ ಶಾಲಾ-ಕಾಲೇಜುಗಳನ್ನು ಒಳಗೊಂಡ 25 ಕ್ಕೂ ಹೆಚ್ಚು ಶಿಕ್ಷಣ ಸಂಸ್ಥೆಗಳ ವಿದ್ಯಾರ್ಥಿಗಳು ಕಾರ್ಯಕ್ರಮವನ್ನು ಪ್ರತಿನಿಧಿಸಿದರು.

ಕಳೆದ 20 ವರ್ಷಗಳಿಂದ ಮಾಹೆಯಲ್ಲಿ ಉನ್ನತ ಪ್ರಾಥಮಿಕ ಮತ್ತು ಪ್ರೌಢಶಾಲಾ ಮಕ್ಕಳಿಗೆ ವ್ಯಾಖ್ಯಾನಿಸಲಾದ ವಿಷಯಗಳ ಮೇಲೆ ಮಾದರಿ ಕಟ್ಟಡ, ಚಿತ್ರಕಲೆ ಮತ್ತು ಭಾಷಣ ಸ್ಪರ್ಧೆಗಳಂತಹ ವಿವಿಧ ಚಟುವಟಿಕೆಗಳನ್ನು ಆಯೋಜಿಸಲಾಗುತ್ತಿದೆ. ಹೆಚ್ಚುವರಿಯಾಗಿ, ಮಾಹೆ ಮಣಿಪಾಲ್ ಸ್ಕೂಲ್ ಆಫ್ ಲೈಫ್ ಸೈನ್ಸಸ್‌ನಲ್ಲಿ ಒಂದು ವಾರದ ಅವಧಿಯ ವಸತಿ, ವಿಜ್ಞಾನ ತರಬೇತಿ ಕಾರ್ಯಕ್ರಮಕ್ಕಾಗಿ ಶಾಲಾ ಟಾಪರ್‌ಗಳನ್ನು ಆಯೋಜಿಸುತ್ತದೆ, ಇದು ವಿಜ್ಞಾನ ಪ್ರದರ್ಶನ ಮತ್ತು ವಿಜ್ಞಾನ ದಿನಾಚರಣೆ ಮೂಲಕ ಕೊನೆಗಳ್ಳುತ್ತದೆ.

ಮಂಗಳೂರು ವಿಶ್ವವಿದ್ಯಾನಿಲಯದ ಉಪಕುಲಪತಿ ಡಾ.ಪಿ.ಸುಬ್ರಹ್ಮಣ್ಯ ಯಡಪಡಿತ್ತಾಯ ಮಾತನಾಡಿ, ‘ಎಲ್ಲರಿಗೂ ಶಿಕ್ಷಣ, ಆರೋಗ್ಯ, ಆಹಾರ ನೀಡುವ ಪರಿವರ್ತನಾ ಶಕ್ತಿ ವಿಜ್ಞಾನಕ್ಕಿದೆ. ಯುವಕರಲ್ಲಿ ವೈಜ್ಞಾನಿಕ ಮನೋಭಾವದ ಮೂರು ಪ್ರಮುಖ ಗುಣಗಳೆಂದರೆ ಅವಲೋಕನ, ಪ್ರಯೋಗ, ವಿಶ್ಲೇಷಣೆ ಎಂದರು. ಯುವಕರಲ್ಲಿ ವೈಜ್ಞಾನಿಕ ಮನೋಭಾವ ವೃದ್ಧಿಸಲು ಸೂಕ್ತ ವೇದಿಕೆ ಅಗತ್ಯ ಎಂದರು.

ಸಮಾರಂಭದ ಕುರಿತು ಮಾತನಾಡಿದ ಮಾಹೆಯ ಲೆಫ್ಟಿನೆಂಟ್ ಜನರಲ್ (ಡಾ) ಎಂಡಿ ವೆಂಕಟೇಶ್, ”ವಿದ್ಯಾರ್ಥಿಗಳಲ್ಲಿ ವೈಜ್ಞಾನಿಕ ಮನೋಭಾವನೆಯನ್ನು ಉತ್ತೇಜಿಸಲು ರಾಷ್ಟ್ರೀಯ ವಿಜ್ಞಾನ ದಿನಾಚರಣೆಗಳು ಅತ್ಯುತ್ತಮ ವೇದಿಕೆಯಾಗಿದ್ದು ಜೀವನದ ಪ್ರತಿಯೊಂದು ಹಂತದಲ್ಲೂ ವೈಜ್ಞಾನಿಕ ಮನೋಭಾವವನ್ನು ಬೆಳೆಸುವುದು ಅವಶ್ಯಕ ಎಂದರು.

ಡಾ ಯಡಪಡಿತ್ತಾಯ ಅವರ ಅಭಿಪ್ರಾಯಗಳನ್ನು ಲೆಫ್ಟಿನೆಂಟ್ ಜನರಲ್ (ಡಾ) ಎಂಡಿ ವೆಂಕಟೇಶ್ ಅವರು ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ಅನುಮೋದಿಸಿದರು.

ಬಹುಮಾನ ವಿತರಣೆ: ಸುಬ್ರಹ್ಮಣ್ಯ ಯಡಪಡಿತ್ತಾಯ, ಲೆಫ್ಟಿನೆಂಟ್ ಜನರಲ್ (ಡಾ) ಎಂಡಿ ವೆಂಕಟೇಶ್, ಡಾ ನಾರಾಯಣ ಸಭಾಹಿತ್, ಡಾ ಗಿರಿಧರ್ ಕಿಣಿ, ಮತ್ತು ಡಾ ಸತೀಶ್ ರಾವ್ ಅವರು ವಿಜ್ಞಾನ ದಿನಾಚರಣೆಯ ಅಂಗವಾಗಿ ನಡೆದ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಿಗೆ ಬಹುಮಾನ ವಿತರಿಸಿದರು. ಡಾ ನಾರಾಯಣ ಸಭಾಹಿತ್ ಸ್ವಾಗತಿಸಿದರು, ಡಾ ಭರತ್ ಪ್ರಸಾದ್ (ಸಹಾಯಕ ಪ್ರಾಧ್ಯಾಪಕರು, ಎಂಎಸ್ಎಲ್ಎಸ್ ಮಾಹೆ) ಮುಖ್ಯ ಅತಿಥಿಗಳನ್ನು ಪರಿಚಯಿಸಿದರು, ನಂತರ ಡಾ. ಗಿರಿಧರ್ ಕಿಣಿ ವಂದಿಸಿದರು.