ಕೊಡಿಯಲ್ ಬೈಲ್: ಸಂತ ಅಲೋಶಿಯಸ್ ಕಾಲೇಜು ಹಿರಿಯ ಪ್ರಾಥಮಿಕ ಶಾಲೆ ಕೊಡಿಯಲ್ ಬೈಲ್ ಇಲ್ಲಿ ಜೂ. 20ರಂದು ಬೆಳಿಗ್ಗೆ 9.30 ಕ್ಕೆ ಶಾಲಾ ಪಾಲಕರಾದ ಸಂತ ಅಲೋಶಿಯಸ್ ಗೊನ್ಜಾಗರವರ ಹಬ್ಬವನ್ನು ಶಾಲಾ ಸಭಾ ಭವನದಲ್ಲಿ ಅದ್ದೂರಿಯಾಗಿ ಆಚರಿಸಲಾಯಿತು.
ಈ ಸುಂದರ ಕಾರ್ಯಕ್ರಮದ ಅಧ್ಯಕ ಸ್ಥಾನವನ್ನಿ ಶಾಲಾ ಸಂಚಾಲಕರಾದ ವಂ| ಫಾ| ಜೆರಾಲ್ಡ್ ಪುರ್ಟಾಡೊರವರು ವಹಿಸಿಕೊಂಡಿದ್ದರು. ಮುಖ್ಯ ಅತಿಥಿಗಳಾಗಿ ಸೆವ್ರಿನ್ ಪಿಂಟೊ ಇಂಗ್ಲೀಷ್ ಪ್ರಾಧ್ಯಾಪಕಿ ಸಂತ ಅಲೋಶಿಯಸ್ ಕಾಲೇಜು ಮಂಗಳೂರು, ಶಾಲಾ ಮುಖ್ಯೋಪಾಧ್ಯಾಯಿನಿ ಜೊಸಿಟ್ಟಾ ನೊರೊನ್ಹಾ, ಸಹ ಮುಖ್ಯೋಪಾಧ್ಯಾ ಲಿಯೋ ಡಿಸೋಜ, ಶಿಕ್ಷಕ ರಕ್ಷಕ ಸಂಘದ ಉಪಾಧ್ಯಕರಾದ ಮಂಗಳ ರೈ ಹಾಗೂ ಶಾಲಾ ನಾಯಕ ಅಭೀಶ್ ಬಂಗೇರಾ ಮತ್ತು ಉಪನಾಯಕನಾದ ಲಗನ್ ಜೆ. ಎಸ್ ಉಪಸ್ಥಿತರಿದ್ದರು.
ಮಧುರ ದೇವರ ಸ್ತುತಿಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಜೊಶ್ವಾಡ್ಯಾನಿಯಲ್ ಡಿ ಸೋಜ ಎಲ್ಲರನ್ನು ಸ್ವಾಗತಿಸಿದನು. ಪ್ರಿನ್ಸ್ ಸ್ಟಾನ್ ಜಾರ್ಜ್ ಡಿ ಸೋಜ ಹಾಗೂ ಅಶೆಲೆ ಮೆಗಾನ್ ಪಿಂಟೊರವರು ಹಬ್ಬದ ವಿಶೇಷತೆಯನ್ನು ವಿವರಿಸಿದರು. ಶಿಕ್ಷಕಿಯಾದ ವೀಣಾ ಮಿನೇಜಸ್ ರವರು ಮುಖ್ಯ ಅತಿಥಿಗಳು ತಮ್ಮ ಸಂದೇಶದಲ್ಲಿ ಸಂತರ ದಾರಿಯಲ್ಲಿ ನಡೆದೂ ಜೀವನದ ಗುರಿಯನ್ನು ಸಾಧಿಸಲು ಕರೆ ನೀಡಿದರು. ಮಹಾನ್ ವ್ಯಕ್ತಿಗಳ ಪುಸ್ತಕಗಳನ್ನು ಓದಿ ಅವರ ಆದರ್ಶಗಳನ್ನು ಜೀವನದಲ್ಲಿ ಅಳವಡಿಸಲು ತಿಳಿಸಿದರು.
ಇದೇ ಸಮಯದಲ್ಲಿ ವಿವಿಧ ಸ್ಪರ್ಧೆಯಲ್ಲಿ ವಿಜೇತರಿಗೆ ಬಹುಮಾನವನ್ನು ವಿತರಿಸಲಾಯಿತು. ಶಾಲಾ ಮುಖ್ಯೋಪಾಧ್ಯಾಯಿನಿ ಜೊಸಿಟ್ಟಾ ನೊರೊನ್ಹಾರವರು ಕನ್ನಡ ಮಾದ್ಯಮದ ವಿದ್ಯಾರ್ಥಿಗಳಿಗೆ ಉಚಿತ ಸಮ ವಸ್ತ್ರವನ್ನು ವಿತರಿಸಿದರು. ನಂತರ ವಿದ್ಯಾರ್ಥಿಗಳಿಂದ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆದವು. ಸಂಜನಾ ಮತ್ತು ಸ್ಪೂರ್ತಿ ಎಲ್ಲರಿಗೂ ಧನ್ಯವಾದ ಸಮರ್ಪಿಸಿದರು. 6ನೇ ತರಗತಿಯ ವಿದ್ಯಾರ್ಥಿಗಳು ಕಾರ್ಯಕ್ರಮವನ್ನು ನಿರ್ವಹಿಸಿದರು. ಶಾಲಾ ಗೀತೆಯೊಂದಿಗೆ ಕಾರ್ಯಕ್ರಮ ಮುಕ್ತಾಯಗೊಂಡಿತು.