ಮಲೇಷ್ಯಾ: ಅಜ್ಜಿಯೊಬ್ಬರು 112 ವರ್ಷದಲ್ಲೂ ಮತ್ತೊಂದು ಮದುವೆ ಆಗೋ ಆಸೆ ವ್ಯಕ್ತಪಡಿಸಿದ್ದಾರೆ. ಸಿತಿ ಹವಾ ಹುಸಿನ್ ಅಜ್ಜಿಗೆ ಈಗಾಗಲೇ 7 ಮದುವೆಯಾಗಿದೆ. ಆದರೂ ಮತ್ತೊಂದು ಮದುವೆ ಆಗುವುದಾಗಿ ಹೇಳಿದ್ದು, ಮದುವೆ ಆಗೋ ಹುಡುಗನಿಗೆ ಷರತ್ತು ಹಾಕಿರೋ ಈ ಅಜ್ಜಿ ಪ್ರಪೋಸ್ ಮಾಡೋ ಸವಾಲು ಹಾಕಿದ್ದಾರೆ.
ಏಳು ಗಂಡರಲ್ಲಿ ಹಲವರು ಸದ್ಯ ಬದುಕೇ ಇಲ್ಲ. ಇವರಿಗೆ 5 ಮಂದಿ ಮಕ್ಕಳಿದ್ರೆ 19 ಮಂದಿ ಮೊಮ್ಮಕ್ಕಳು, ಬರೋಬ್ಬರಿ 30 ಮರಿ ಮೊಮ್ಮಕ್ಕಳೇ ಇದ್ದಾರೆ. ಇಷ್ಟಾದ್ರೂ ಮದುವೆ ಆಗಲು ಇಷ್ಟಪಡುತ್ತೇನೆ ಎಂದು ಸಿತಿ ಹವಾ ಹುಸಿನ್ ಹೇಳಿಕೊಂಡಿದ್ದಾಳೆ.
ನನ್ನ ಒಡಹುಟ್ಟಿದವರು ಮತ್ತು ಇತರೆ ಸ್ನೇಹಿತರು ಈಗಾಗಲೇ ನಿಧನರಾಗಿದ್ದಾರೆ. ನಾನು ಈ ವಯಸ್ಸಿನವರೆಗೂ ಬದುಕುತ್ತೇನೆ ಎಂದು ನಾನು ಭಾವಿಸಿರಲಿಲ್ಲ. ಈ ಸಮಯದಲ್ಲೂ ತನ್ನನ್ನು ವರಿಸೋ ವರ ಹ್ಯಾಂಡ್‌ಸಮ್ ಆಗಿರಬೇಕು ಅಂತಾನೇ ಕಂಡೀಷನ್ ಹಾಕಿಲ್ಲ. ಆದರೆ ತನಗೆ ಪ್ರಪೋಸ್ ಮಾಡಿ ನನ್ನ ಹೃದಯ ಕದ್ದವರನ್ನು 8ನೇ ಬಾರಿಗೆ ಮದುವೆಯಾಗುವುದಾಗಿ ಹೇಳಿದ್ದಾರೆ.
