ಜಮ್ಮು: ಗುಪ್ತಚರ ಮಾಹಿತಿಯ ಆಧಾರದ ಮೇಲೆ ಜಮ್ಮು ಮತ್ತು ಕಾಶ್ಮೀರ ಪೊಲೀಸರು ನಡೆಸಿದ ಮಹತ್ವದ ಕಾರ್ಯಾಚರಣೆಯಲ್ಲಿ ಉಧಂಪುರ ಜಿಲ್ಲೆಯ ಶ್ರೀನಗರ-ಜಮ್ಮು ಹೆದ್ದಾರಿಯಲ್ಲಿ ಟ್ರಕ್ ನಿಂದ 80 ಕೋಟಿ ರೂ.ಗಳ ಮೌಲ್ಯದ ಹೆರಾಯಿನ್ ಅನ್ನು ವಶಪಡಿಸಿಕೊಂಡಿದ್ದಾರೆ.
“ಅಫ್ಘಾನಿಸ್ತಾನದ ಗುರುತುಗಳನ್ನು ಹೊಂದಿರುವ 80 ಕೋಟಿ ರೂಪಾಯಿ ಮೌಲ್ಯದ ಹೆರಾಯಿನ್ ಅನ್ನು ಪೊಲೀಸರು ನಿನ್ನೆ (ಭಾನುವಾರ) ಟ್ರಕ್ ನಿಂದ ವಶಪಡಿಸಿಕೊಂಡಿದ್ದಾರೆ. ಉಧಂಪುರ ಜಿಲ್ಲೆಯ ಚೆನಾನಿಯಲ್ಲಿ ಟ್ರಕ್ ಅನ್ನು ತಡೆಹಿಡಿಯಲಾಗಿದೆ” ಎಂದು ಪೊಲೀಸರು ತಿಳಿಸಿದ್ದಾರೆ.
“ಚಾಲಕ ತಾನು ಪಂಜಾಬ್ ಗೆ ಹೋಗುತ್ತಿದ್ದೇನೆ ಎಂದು ತಿಳಿಸಿದ್ದಾನೆ ಮತ್ತು ಪಂಜಾಬ್ ತಲುಪಿದ ನಂತರ ಡ್ರಗ್ ಸರಕಿನ ವಿಲೇವಾರಿಯ ಬಗ್ಗೆ ಅಂತಿಮ ಸೂಚನೆಗಳನ್ನು ನೀಡಲಾಗುವುದು ಎಂದು ಚಾಲಕ ತಿಳಿಸಿದ್ದಾನೆ.
ವಶಪಡಿಸಿಕೊಳ್ಳಲಾದ ಸರಕನ್ನು ೨೧.೫ ಕೆಜಿ ತೂಕ ಮತ್ತು ೧೮ ಪ್ಯಾಕೆಟ್ ಗಳಲ್ಲಿ ಸಂಗ್ರಹಿಸಲಾಗಿದೆ. ಬಂಧಿತ ಚಾಲಕ ಕೆಲವು ಸಮಯದಿಂದ ಮಾದಕವಸ್ತು ದಂಧೆಯ ಭಾಗವಾಗಿದ್ದಾನೆ. ಎಂದು ಪೊಲೀಸರು ತಿಳಿಸಿದ್ದಾರೆ.