ಗಾಜಾ ಕದನ ವಿರಾಮ, ಒತ್ತೆಯಾಳು ಬಿಡುಗಡೆ ನಾಳೆಯಿಂದ: ಕತಾರ್

ಇಸ್ರೇಲ್‌: ಗಾಜಾದಲ್ಲಿ ಕದನ ವಿರಾಮ ಮತ್ತು ಒತ್ತೆಯಾಳು ಬಿಡುಗಡೆ ಪ್ರಕ್ರಿಯೆ ಶುಕ್ರವಾರ ಪ್ರಾರಂಭವಾಗುತ್ತದೆ ಎಂದು ಕತಾರ್ ಗುರುವಾರ ಹೇಳಿದೆ.

ಕದನ ವಿರಾಮವು ಶುಕ್ರವಾರ ಸ್ಥಳೀಯ ಸಮಯ ಬೆಳಗ್ಗೆ 7 ಕ್ಕೇ ಆರಂಭವಾಗುತ್ತದೆ. 13 ಒತ್ತೆಯಾಳುಗಳನ್ನು ಸಂಜೆ 4 ಗಂಟೆಗೆ ಬಿಡುಗಡೆ ಮಾಡಲಾಗುತ್ತದೆ ಎಂದು ವರದಿಯಾಗಿದೆ. ಇಸ್ರೇಲ್-ಹಮಾಸ್ ಸಂಘರ್ಷಕ್ಕೆ ಸಂಬಂಧಿಸಿದಂತೆ ಶಾಂತಿ ಮಾತುಕತೆಗಳ ಮೊದಲ ಪ್ರಕ್ರಿಯೆಯಾಗಿ ಈ ಬೆಳವಣಗೆ ನಡೆದಿದೆ.

ಈಜಿಪ್ಟ್ ಮತ್ತು ಯುನೈಟೆಡ್ ಸ್ಟೇಟ್ಸ್‌ನ ಸಹಾಯದಿಂದ ಕತಾರ್ ಈ ಮಾತುಕತೆ, ಕದನ ವಿರಾಮದ ಮಧ್ಯಸ್ಥಿಕೆ ವಹಿಸಿದೆ. ಅಕ್ಟೋಬರ್ 7 ರಂದು ದಕ್ಷಿಣ ಇಸ್ರೇಲ್‌ನಲ್ಲಿ ಹಮಾಸ್‌ 1200 ಜನರನ್ನು ಕೊಂದು ಹಾಕಿದ್ದು ಬಳಿಕ ದಾಳಿ – ಪ್ರತಿ ದಾಳಿ ಆರಂಭಗೊಂಡಿತು.