ಡೆಲ್ಟಾ ಗಿಂತ ಒಮಿಕ್ರಾನ್ ಸೋಂಕಿತ ಮಕ್ಕಳು ಕಡಿಮೆ ಅಪಾಯ ಎದರಿಸಿದ್ದಾರೆ:ಅಧ್ಯಯನ

ಅಮೆರಿಕಾದ ಕೇಸ್ ವೆಸ್ಟರ್ನ್ ರಿಸರ್ವ್ ವಿಶ್ವವಿದ್ಯಾಲಯದ ಸಂಶೋಧಕರು ನಡೆಸಿದ ಸಂಶೋಧನೆಯಲ್ಲಿ ಡೆಲ್ಟಾ ರೂಪಾಂತರಕ್ಕಿಂತ ಓಮಿಕ್ರಾನ್ ರೂಪಾಂತರ 6-8 ಪಟ್ಟು ಹೆಚ್ಚು ಸಾಂಕ್ರಾಮಿಕವಾಗಿದೆ. ಆದರೆ ಅಪಾಯದಲ್ಲಿ ಶೇ.85 ರಷ್ಟು ಕಡಿಮೆ ಇದೆ.

ಡೆಲ್ಟಾಗೆ ಹೋಲಿಸಿದರೆ ಹೆಚ್ಚಿನ ಮಕ್ಕಳು ಓಮಿಕ್ರಾನ್ ಸೋಂಕಿಗೆ ಸಿಲುಕಿದ್ದಾರೆ. ಆದರೆ ತೀವ್ರ ಪರಿಣಾಮ ಎದುರಿಸಿಲ್ಲ ಎಂದು ಸಂಶೋಧನಾ ಪ್ರಾಧ್ಯಾಪಕ ಪಮೇಲಾ ಡೇವಿಸ್ ಹೇಳಿದ್ದಾರೆ.

ಅಮೆರಿಕಾದಲ್ಲಿ ಒಮಿಕ್ರಾನ್ ಸೋಂಕಿತ 22,772, ಡೆಲ್ಟಾ ಸೋಂಕಿತ 66 ಸಾವಿರಕ್ಕೂ ಹೆಚ್ಚು ಮಕ್ಕಳನ್ನು ಅಧ್ಯಯನ ತಂಡ ವಿಶ್ಲೇಷಿಸಿದೆ. ಜೊತೆಗೆ 6,51,640 ಕ್ಕೂ ಹೆಚ್ಚು ಮಕ್ಕಳ ಎಲೆಕ್ಟ್ರಾನಿಕ್ ಆರೋಗ್ಯ ದಾಖಲೆಗಳನ್ನು ಅಧ್ಯಯನ ನಡೆಸಲಾಗಿದೆ.

ಓಮಿಕ್ರಾನ್ ಸೋಂಕಿಗೆ ಒಳಗಾದ ಮಕ್ಕಳಲ್ಲಿ ಸರಾಸರಿ 1.5 ಮತ್ತು 1.7 ವರ್ಷಗಳ ಕಿರಿಯ ಮಕ್ಕಳಲ್ಲಿ ಕಡಿಮೆ ಕೊಮೊರ್ಬಿಡಿಟಿ ಹೊಂದಿದ್ದಾರೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಲಸಿಕೆ ಹಾಕದ ಅನೇಕ ಮಕ್ಕಳು ಸೋಂಕಿಗೆ ಒಳಗಾಗಿರುವುದರಿಂದ, ಮೆದುಳು, ಹೃದಯ, ಪ್ರತಿರಕ್ಷಣಾ ವ್ಯವಸ್ಥೆಗಳು ಮತ್ತು ಇತರ ಅಂಗಗಳ ಮೇಲೆ ದೀರ್ಘಕಾಲೀನ ಪರಿಣಾಮಗಳ ಬಗ್ಗೆ ಅಧ್ಯಯನ ನಡೆಸಬೇಕಿದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.