News Karnataka Kannada
Friday, April 19 2024
Cricket
ವಿದೇಶ

ವಲಸಿಗರಿದ್ದ ದೋಣಿ ಮುಳುಗಿ ಹಲವರು ಮೃತ್ಯು

Untitled 65
Photo Credit :

ಟ್ಯೂನಿಸ್ : ಆಫ್ರಿಕಾದ 120 ವಲಸಿಗರು ಹಾಗೂ ನಿರಾಶ್ರಿತರನ್ನು ಸಾಗಿಸುತ್ತಿದ್ದ 4 ದೋಣಿಗಳು ಟ್ಯುನೀಷಿಯಾದ ಕರಾವಳಿ ಬಳಿ ಸಮುದ್ರದಲ್ಲಿ ಮುಳುಗಿದ್ದು ಕನಿಷ್ಟ 12 ಮಂದಿ ಮೃತಪಟ್ಟು ಇತರ 10 ಮಂದಿ ನಾಪತ್ತೆಯಾಗಿದ್ದಾರೆ ಎಂದು ಭದ್ರತಾ ಅಧಿಕಾರಿಗಳನ್ನು ಉಲ್ಲೇಖಿಸಿ ರಾಯ್ಟರ್ಸ್ ವರದಿ ಮಾಡಿದೆ.

ಮೆಡಿಟರೇನಿಯನ್ ಸಮುದ್ರ ದಾಟಿ ಇಟಲಿಯತ್ತ ತೆರಳುವ ಪ್ರಯತ್ನದಲ್ಲಿ ಈ ದುರಂತ ಸಂಭವಿಸಿದೆ. ಟ್ಯುನೀಷಿಯಾದ ತಟರಕ್ಷಣಾ ದಳ 98 ಮಂದಿಯನ್ನು ರಕ್ಷಿಸಿ ಸುರಕ್ಷಿತವಾಗಿ ದಡ ತಲುಪಿಸಿದೆ ಎಂದು ತಟರಕ್ಷಣಾ ದಳದ ಲೆಫ್ಟಿನೆಂಟ್ ಕರ್ನಲ್ ಅಲಿ ಅಯಾರಿ ಹೇಳಿದ್ದಾರೆ. ಆಫ್ರಿಕಾ ಮತ್ತು ಮಧ್ಯಪ್ರಾಚ್ಯದ ಕೆಲವು ದೇಶಗಳಲ್ಲಿರುವ ತೀವ್ರ ಬಡತನ ಮತ್ತು ಸಂಘರ್ಷದ ಸ್ಥಿತಿಯಿಂದಾಗಿ ಅಲ್ಲಿಂದ ಪಲಾಯನ ಮಾಡಿ ಯುರೋಪ್ನತ್ತ ತೆರಳುವ ವಲಸಿಗರು ಟ್ಯುನೀಷಿಯಾ ಕರಾವಳಿಯ ಮೂಲಕ ಪ್ರಯಾಣಿಸುತ್ತಿದ್ದಾರೆ.

ಕಳೆದ ವರ್ಷ ಈ ರೀತಿ ಅಕ್ರಮವಾಗಿ ಪ್ರಯಾಣಿಸುತ್ತಿದ್ದ 20,000ಕ್ಕೂ ಅಧಿಕ ವಲಸಿಗರು ಹಾಗೂ ನಿರಾಶ್ರಿತರನ್ನು ಬಂಧಿಸಿರುವುದಾಗಿ ಟ್ಯುನೀಷಿಯಾ ಸರಕಾರ ಹೇಳಿದೆ. ಇತ್ತೀಚಿನ ದಿನಗಳಲ್ಲಿ ಟ್ಯುನೀಷಿಯಾ ಕರಾವಳಿಯ ಮೂಲಕ ಇಟಲಿಯತ್ತ ತೆರಳುವ ಪ್ರಯತ್ನದ ಪ್ರಮಾಣ ಹೆಚ್ಚಿದೆ. 2020ರಲ್ಲಿ ಟ್ಯುನೀಷಿಯಾ ಮೂಲಕ ಇಟಲಿಗೆ 95,000 ವಲಸಿಗರು ಆಗಮಿಸಿದ್ದರೆ 2021ರಲ್ಲಿ ಈ ಪ್ರಮಾಣ 1,23,000ಕ್ಕೇರಿದೆ ಎಂದು ನಿರಾಶ್ರಿತರಿಗಾಗಿನ ವಿಶ್ವಸಂಸ್ಥೆಯ ಹೈಕಮಿಷನರ್ (ಯುಎನ್‌ಎಚ್ಸಿಆರ್) ವರದಿ ಉಲ್ಲೇಖಿಸಿದೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
1616

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು