ಗಾಜಿಯಾಬಾದ್: ಲಿಫ್ಟ್ ನಲ್ಲಿ ಸಿಲುಕಿದ ಮೂವರು ಬಾಲಕಿಯರು, ಸಿಸಿಟಿವಿಯಲ್ಲಿ ಘಟನೆ ಸೆರೆ

ಗಾಜಿಯಾಬಾದ್, ಡಿ.1: ಗಾಜಿಯಾಬಾದ್ ನ ಕ್ರಾಸಿಂಗ್ಸ್ ರಿಪಬ್ಲಿಕ್ ಟೌನ್ಶಿಪ್ ನ ಸೊಸೈಟಿಯೊಂದರ ಲಿಫ್ಟ್ ನಲ್ಲಿ ಮೂವರು ಬಾಲಕಿಯರು ಸುಮಾರು 25 ನಿಮಿಷಗಳ ಕಾಲ ಸಿಲುಕಿಕೊಂಡಿದ್ದಾರೆ. ಲಿಫ್ಟ್ ನಲ್ಲಿ ಅಳವಡಿಸಲಾದ ಸಿಸಿಟಿವಿಯಲ್ಲಿ ಈ ಘಟನೆ ಸೆರೆಯಾಗಿದೆ.

ಕುಟುಂಬ ಸದಸ್ಯರು ಸಂತ್ರಸ್ತರನ್ನು ಹುಡುಕಲು ಪ್ರಾರಂಭಿಸಿದಾಗ ಈ ಘಟನೆ ಬೆಳಕಿಗೆ ಬಂದಿದೆ, ನಂತರ ಅವರನ್ನು ಬಹಳ ಕಷ್ಟಪಟ್ಟು ರಕ್ಷಿಸಲಾಯಿತು.

ಈ ಘಟನೆ ನವೆಂಬರ್ ೨೯ ರಂದು ಅಸೋಟೆಕ್ ನೆಸ್ಟ್ ಸೊಸೈಟಿಯಲ್ಲಿ ನಡೆದಿದೆ. ಸೊಸೈಟಿಯ ಎಒಎ ನಿರ್ಲಕ್ಷ್ಯ ಮತ್ತು ಲಿಫ್ಟ್ ನ ನಿರ್ವಹಣೆಯ ಕೊರತೆ ಇದೆ ಎಂದು ಸಂತ್ರಸ್ತರ ಕುಟುಂಬ ಆರೋಪಿಸಿದೆ.

ಕುಟುಂಬದ ದೂರಿನ ಮೇರೆಗೆ, ಅಪಾರ್ಟ್ಮೆಂಟ್ ಮಾಲೀಕರ ಸಂಘದ (ಎಒಎ) ಅಧ್ಯಕ್ಷ ಮತ್ತು ಕಾರ್ಯದರ್ಶಿ ವಿರುದ್ಧ ಪೊಲೀಸರು ಎಫ್ಐಆರ್ ದಾಖಲಿಸಿದ್ದಾರೆ.