News Karnataka Kannada
Thursday, April 25 2024
Cricket
ದೇಶ

‘ಉಕ್ರೇನ್’ ಯುದ್ಧ ಭೂಮಿಯಲ್ಲಿ ಭಾರತೀಯ ಬಲಿ !

ಉದ್ಯೋಗ ಅರಸಿ ರಷ್ಯಾಕ್ಕೆ ತೆರಳಿದ್ದ ಭಾರತದ ಯುವಕರನ್ನು ಬಲವಂತವಾಗಿ ಯುದ್ಧಕ್ಕೆ ಬಳಸಿಕೊಳ್ಳುತ್ತಿರೋ ಆರೋಪ ಕೇಳಿ ಬರ್ತಿರೋ ನಡುವೆ ದುರಂತವೊಂದು ಸಂಭವಿಸಿಬಿಟ್ಟಿದೆ. ರಷ್ಯಾ ಪರವಾಗಿ ಯುದ್ಧದಲ್ಲಿ ಹೋರಾಡುತ್ತಿದ್ದ ಹೈದರಾಬಾದ್​​ನ ಯುವಕ ಸಾವನ್ನಪ್ಪಿದ್ದಾನೆ.
Photo Credit : News Kannada

ನವದೆಹಲಿ: ಉದ್ಯೋಗ ಅರಸಿ ರಷ್ಯಾಕ್ಕೆ ತೆರಳಿದ್ದ ಭಾರತದ ಯುವಕರನ್ನು ಬಲವಂತವಾಗಿ ಯುದ್ಧಕ್ಕೆ ಬಳಸಿಕೊಳ್ಳುತ್ತಿರೋ ಆರೋಪ ಕೇಳಿ ಬರ್ತಿರೋ ನಡುವೆ ದುರಂತವೊಂದು ಸಂಭವಿಸಿಬಿಟ್ಟಿದೆ. ರಷ್ಯಾ ಪರವಾಗಿ ಯುದ್ಧದಲ್ಲಿ ಹೋರಾಡುತ್ತಿದ್ದ ಹೈದರಾಬಾದ್​​ನ ಯುವಕ ಸಾವನ್ನಪ್ಪಿದ್ದಾನೆ.

ಉದ್ಯೋಗ ಅರಸಿ ರಷ್ಯಾಕ್ಕೆ ಬರುವ ಯುವಕರನ್ನೇ ಟಾರ್ಗೆಟ್​​ ಮಾಡುವ ರಷ್ಯಾದ ವ್ಯಾಗ್ನರ್​​​​ ಪಡೆ, ಅಸಾಯಕ ಯುವಕರಿಗೆ ಉದ್ಯೋಗ ಆಮಿಷ ತೋರಿಸಿ ಯುದ್ಧಕ್ಕೆ ಬಲವಂತವಾಗಿ ಬಳಸಿಕೊಳ್ಳುತ್ತಿದೆ. ಹೀಗೆ ರಷ್ಯಾಕ್ಕೆ ತೆರಳಿದ್ದ ಹೈದ್ರಾಬಾದ್​​ ಮೂಲದ ಮೊಹಮ್ಮದ್​​​​ ಅಸ್ಫಾನ್ ವಂಚನೆ ಜಾಲಕ್ಕೆ ಸಿಲುಕಿ ರಷ್ಯಾ ಪರವಾಗಿ ಉಕ್ರೇನ್​ ವಿರುದ್ಧ ಹೋರಾಡುವಾಗ ಸಾವನ್ನಪ್ಪಿದ್ದಾನೆ.

ರಷ್ಯಾದಲ್ಲಿ ಉದ್ಯೋಗ ಕೊಡಿಸುವುದಾಗಿ ಆಮಿಷ ಒಡ್ಡಿದ ದುಬೈನ ವ್ಯಕ್ತಿಯೊಬ್ಬ ತಿಂಗಳಿಗೆ 1 ರಿಂದ 2 ಲಕ್ಷ ರೂ ಸಂಬಳ ಕೊಡಿಸುವುದಾಗಿ ವಂಚನೆ, ವಂಚನೆ ಜಾಲಕ್ಕೆ ಸಿಲುಕಿದ ಅಸ್ಫಾನ್​​​ ಮಾಸ್ಕೋಗೆ ತೆರಳಿದ್ದಾನೆ.

ಅಲ್ಲಿ ತರಬೇತಿ ಶಿಬಿರಕ್ಕೆ ಸೇರಿಸಿ ಯುದ್ಧಕ್ಕೆ ಬಳಸಿಕೊಂಡಿದ್ದಾರೆ. ಅಲ್ಲದೇ ಕರ್ನಾಟಕ, ಪಂಜಾಬ್​​​ ಸೇರಿದಂತೆ ಉದ್ಯೋಗ ವಂಚನೆ ಜಾಲಕ್ಕೆ ಸಿಲುಕಿ ರಷ್ಯಾಕ್ಕೆ ತೆರಳಿರುವ ಭಾರತೀಯ ಯುವಕರನ್ನು ರಷ್ಯಾ ಸೇನೆ ತನ್ನ ಸ್ವಾರ್ಥಕ್ಕಾಗಿ ಬಳಿಸಿಕೊಳ್ಳುತ್ತಿದ್ದು, ಈ ಪ್ರಕರಣ ಹೈದ್ರಾಬಾದ್​​ನ ಸಂಸದ ಅಸಾವುದ್ದೀನ್​​ ಓವೈಸಿ ಮುಖಾಂತರ ಬೆಳಕಿಗೆ ಬಂದಿದೆ. ಈ ಘಟನೆ ಬಗ್ಗೆ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ವಕ್ತಾರ ರನ್​​ಧೀರ್​ ಜೈಸ್ವಾಲ್​​ ಕಳೆದ ವಾರ ಮಾತನಾಡಿ, ಯುವಕರನ್ನು ಬಿಡುಗಡೆಗೊಳಿಸಲು ಪ್ರಯತ್ನಿಸುತ್ತಿದ್ದೇವೆ ಎಂದಿದ್ದಾರೆ.

 

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
12790
NewsKannada

Read More Articles

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು