ಹೈದರಾಬಾದ್: ಸೌದಿ ರಾಜಕುಮಾರ ಉಡುಗೊರೆಯಾಗಿ ನೀಡಿದ್ದ 15 ವರ್ಷದ ಗಂಡು ಚೀತಾ ಹೈದರಾಬಾದ್ ನ ನೆಹರೂ ಮೃಗಾಲಯದಲ್ಲಿ ಹೃದಯಾಘಾತದಿಂದ ಮೃತಪಟ್ಟಿದೆ.
‘ಅಬ್ದುಲ್ಲಾ’ ಎಂಬ ಹೆಸರಿನ ಚೀತಾ ಶನಿವಾರ ಮೃತಪಟ್ಟಿದೆ ಎಂದು ಮೃಗಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಮೃಗಾಲಯದ ಅಧಿಕಾರಿಗಳು ಮರಣೋತ್ತರ ಪರೀಕ್ಷೆ ನಡೆಸಿದಾಗ ಅದು ಹೃದಯಾಘಾತದಿಂದ ಮೃತಪಟ್ಟಿದೆ ಎಂದು ತಿಳಿದುಬಂದಿದೆ.
ಹೈದರಾಬಾದ್ನಲ್ಲಿ ನಡೆದ ಸಿಒಪಿ 11 ಶೃಂಗಸಭೆ -2012 ರ ಸಂದರ್ಭದಲ್ಲಿ ಸೌದಿ ರಾಜಕುಮಾರ ಬಂದರ್ ಬಿನ್ ಸೌದ್ ಬಿನ್ ಮೊಹಮ್ಮದ್ ಅಲ್ ಸೌದ್ ಮೃಗಾಲಯಕ್ಕೆ ಭೇಟಿ ನೀಡಿದಾಗ, ಎರಡು ಜೋಡಿ ಆಫ್ರಿಕನ್ ಸಿಂಹಗಳು ಮತ್ತು ಚಿರತೆಗಳನ್ನು ಉಡುಗೊರೆಯಾಗಿ ನೀಡುವುದಾಗಿ ಘೋಷಿಸಿದ್ದರು.
ಮೃಗಾಲಯವು ೨೦೧೩ ರಲ್ಲಿ ಸೌದಿ ಅರೇಬಿಯಾದ ರಾಷ್ಟ್ರೀಯ ವನ್ಯಜೀವಿ ಸಂಶೋಧನಾ ಕೇಂದ್ರದಿಂದ ಪ್ರಾಣಿಗಳನ್ನು ಸ್ವೀಕರಿಸಿತ್ತು.
ಹೆಣ್ಣು ಚೀತಾ 2020 ರಲ್ಲಿ ಸಾವನ್ನಪ್ಪಿತು ಮತ್ತು ಅಂದಿನಿಂದ ‘ಅಬ್ದುಲ್ಲಾ’ ಎಂಬ ಗಂಡು ಚಿರತೆ ಏಕಾಂಗಿಯಾಗಿತ್ತು. ಹೆಣ್ಣು ಚೀತಾ ಹಿಬಾ ತನ್ನ ಎಂಟನೇ ವಯಸ್ಸಿನಲ್ಲಿ ಸತ್ತುಹೋಯಿತು. ಆಕೆಗೆ ಪ್ಯಾರಾಪ್ಲೆಜಿಯಾ ಇರುವುದು ಪತ್ತೆಯಾಗಿತ್ತು.
ಅಬ್ದುಲ್ಲಾ ಸಾವಿನೊಂದಿಗೆ, ನೆಹರೂ ಝೂಲಾಜಿಕಲ್ ಪಾರ್ಕ್ ನಲ್ಲಿ ಯವುದೇ ಚಿರತೆ ಉಳಿದಿಲ್ಲ.
