ಚೆನ್ನೈ: ಚೆನ್ನೈನ ಫಾರ್ಮಸಿ ಉದ್ಯೋಗಿಯೊಬ್ಬರು ಶನಿವಾರ ಬೆಳಿಗ್ಗೆ 2,000 ಅನ್ನು ತಮ್ಮ ಸ್ನೇಹಿತರಿಗೆ ವರ್ಗಾಯಿಸಿದ್ದಾರೆ. ನಂತರ ತನ್ನ ಮೊಬೈಲ್ ಚೆಕ್ ಮಾಡಿದಾಗ SMS ಅನ್ನು ನೋಡಿ ಆಘಾತಗೊಂಡು ಮೂರ್ಛೆ ಹೋಗುವುದೊಂದು ಬಾಕಿ ಇತ್ತು. ಅಲ್ಲಿ ಆತನ ಖಾತೆಯಲ್ಲಿ 753 ಕೋಟಿಗಿಂತ ಹೆಚ್ಚು ಹಣ ಜಮೆಗೊಂಡಿದೆ ಎಂದು ಸಂದೇಶ ಬಂದಿದೆ. ಅಲ್ಲಿಯವರೆಗೆ ₹3,000 ಮಾತ್ರ ಬ್ಯಾಲೆನ್ಸ್ ತೋರಿಸುತ್ತಿದ್ದ ಬ್ಯಾಂಕ್ ಖಾತೆಯಲ್ಲಿ ಏಕಾಏಕಿ ಕೋಟಿಗಟ್ಟಲೆ ಹೇಗೆ ಬಂತು ಎಂದು ತಿಳಿದು ವ್ಯಕ್ತಿ ಶಾಕ್ ಆಗಿದ್ದಾರೆ.
ಖಾತೆಗೆ ಕೋಟಿ ಗಟ್ಟಲೆ ಹಣ ಬಿದ್ದಿರುವವರ ಹೆಸರು ಮೊಹಮ್ಮದ್ ಇದ್ರಿಸ್ ಎಂದು. ಆದರೆ ಕೂಡಲೇ ಬ್ಯಾಂಕ್ನವರು ಅವರ ಖಾತೆಯನ್ನು ಸ್ಥಗಿತಗೊಳಿಸದ್ದಾರೆ. ಅವರು ಖಾತೆಯನ್ನು ಹೊಂದಿರುವ ತೆನಾಂಪೇಟೆಯ ಕೋಟಕ್ ಮಹೀಂದ್ರಾ ಬ್ಯಾಂಕ್ ಶಾಖೆಯ ಅಧಿಕಾರಿಗಳು ಅದನ್ನು ಸ್ಥಗಿತಗೊಳಿಸಿದರು, ತಾಂತ್ರಿಕ ದೋಷದಿಂದ ಠೇವಣಿ ಮಾಡಲಾಗಿದೆ ಎಂದು ಹೇಳಿದರು. ಇದರಿಂದ ಆಗಿರುವ ಅನಾನುಕೂಲಕ್ಕೆ ಬ್ಯಾಂಕ್ ವಿಷಾದ ವ್ಯಕ್ತಪಡಿಸಿದೆ ಎಂದು ವರದಿಯಾಗಿದೆ.