ತ.ನಾಡಿನಲ್ಲಿ ಭಾರೀ ದುರಂತ: ಕೇಂದ್ರದಿಂದ ಪರಿಹಾರ ನಿಧಿ ಘೋಷಣೆ

ಚೆನ್ನೈ: ರಣಭೀಕರ ಮಳೆಗೆ ತಮಿಳುನಾಡಿನ ಕೆಲ ಜಿಲ್ಲೆಗಳಲ್ಲಿ ಜನಜೀವನ ನಲುಗಿ ಹೋಗಿದೆ. ಮನೆ ನೀರಿನಿಂದಾಗಿ ಮನೆಗಳು, ರಸ್ತೆಗಳು ಜಲಾವೃತಗೊಂಡಿದ್ದು, ತೂತುಕುಡಿ ಜಿಲ್ಲೆಯಲ್ಲಿ ಪ್ರವಾಹ ಪರಿಸ್ಥಿತಿಯಿಂದ ಜನರು ಕಂಗಾಲಾಗಿದ್ದಾರೆ. ಭಾರೀ ಮಳೆಯಿಂದಾಗಿ ತಮಿಳುನಾಡಿನ ನಾಲ್ಕು ಜಿಲ್ಲೆಗಳಲ್ಲಿ 31 ಜನರು ಸಾವನ್ನಪ್ಪಿದ್ದಾರೆ ಎಂದು ಕೇಂದ್ರ ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಹೇಳಿದ್ದಾರೆ.

ಭಾರೀ ಮಳೆಗೆ ತಮಿಳುನಾಡು ಮತ್ತೆ ತತ್ತರಿಸಿದೆ. ಮೈಚಾಂಗ್‌ ಚಂಡಮಾರುತ ಪ್ರಭಾವದಿಂದ ದೇಶದ ಕೆಲವೆಡೆ ಹಲವು ದಿನಗಳಿಂದ ಅಬ್ಬರದ ಮಳೆಯಾಗಿತ್ತು. ಅದರಲ್ಲೂ ತಮಿಳುನಾಡಿನ ಚೆನ್ನೈನಲ್ಲಿ ದೊಡ್ಡ ದೊಡ್ಡ ಅವಾಂತರಗಳೇ ಸೃಷ್ಟಿಯಾಗಿದ್ದವು.

ಇದರಿಂದ ಹೊರಗೆ ಬರೋ ಮುನ್ನವೇ ಮತ್ತೊಂದು ಭಯಾನಕ ಚಂಡಮಾರುತ ಬಂದಪ್ಪಳಿಸಿದೆ. ಇದರಿಂದ ಇಡೀ ತಮಿಳುನಾಡು ಜನರ ಜೀವನ ಅಸ್ತವ್ಯಸ್ತಗೊಂಡಿದೆ. ಸದ್ಯ ಪ್ರವಾಹದಲ್ಲಿ ಸಿಲುಕಿದ ಜನರನ್ನು ರಕ್ಷಿಸಲು ಎನ್‌ಡಿಆರ್‌ಎಫ್‌ನಿಂದ ರಕ್ಷಣಾ ಕಾರ್ಯಾಚರಣೆ ಮುಂದುವರಿದೆ.

ಇನ್ನು ಈ ಬಗ್ಗೆ ಮಾತಾಡಿದ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು, ಈ ಹಣಕಾಸು ವರ್ಷದಲ್ಲಿ ತಮಿಳುನಾಡಿಗೆ ಬಳಸಲು ಎರಡು ಕಂತುಗಳಲ್ಲಿ ಕೇಂದ್ರವು ಈಗಾಗಲೇ 900 ಕೋಟಿ ರೂಪಾಯಿಗಳನ್ನು ಬಿಡುಗಡೆ ಮಾಡಿದೆ.

ಚೆನ್ನೈನಲ್ಲಿ ಮೂರು ಡಾಪ್ಲರ್‌ಗಳು ಸೇರಿದಂತೆ ಅಲ್ಟ್ರಾ-ಆಧುನಿಕ ಉಪಕರಣಗಳಿವೆ. ಇದು ಡಿಸೆಂಬರ್ 12ರಂದು ನಾಲ್ಕು ಜಿಲ್ಲೆಗಳಲ್ಲಿ – ತೆಂಕಶಿ, ಕನ್ಯಾಕುಮಾರಿ, ತಿರುನಲ್ವೇಲಿ ಮತ್ತು ಟುಟಿಕೋರಿನ್‌ನಲ್ಲಿ ಡಿಸೆಂಬರ್ 17 ರಂದು ಭಾರೀ ಮಳೆಯಾಗುವ ಮುನ್ಸೂಚನೆಯನ್ನು ನೀಡಿತ್ತು. 2015ರಲ್ಲಿ ಇಂತಹ ವಿಪರೀತ ಮಳೆಯನ್ನು ಕಂಡಿದ್ದೇವೆ. ಮತ್ತು ನಿದರ್ಶನಗಳನ್ನು ತಪ್ಪಿಸಲು ತಮಿಳುನಾಡು ಸರ್ಕಾರವು 4,000 ಕೋಟಿ ರೂಪಾಯಿಗಳ ನೆರವನ್ನು ಬಳಸಬೇಕಿತ್ತು.

ರಾಷ್ಟ್ರೀಯ ವಿಪತ್ತು ಎಂಬ ಘೋಷಣೆ ಎಂದಿಗೂ ಇಲ್ಲ. ಉತ್ತರಾಖಂಡಕ್ಕೂ ನಾವು ಅಂತಹ ಯಾವುದೇ ಘೋಷಣೆ ಮಾಡಿಲ್ಲ