ಭೋಪಾಲ್: ಅಪಘಾತ ತಪ್ಪಿಸಲು ಹೋಗಿ ಬಾವಿಗೆ ಬಿದ್ದ ಕಾರ್, 7 ಜನರ ದುರ್ಮರಣ

ಭೋಪಾಲ್: ಮಧ್ಯಪ್ರದೇಶದ ಚಿಂದ್ವಾರ ಜಿಲ್ಲೆಯಲ್ಲಿ ಎಸ್ ಯುವಿ ನೀರಿಲ್ಲದ ಬಾವಿಗೆ ಬಿದ್ದು ಮಗು ಸೇರಿದಂತೆ ಏಳು ಮಂದಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಗಂಭೀರವಾಗಿ ಗಾಯಗೊಂಡಿರುವ ಇತರ ಮೂವರನ್ನು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಪೊಲೀಸರ ಪ್ರಕಾರ, ವಾಹನದಲ್ಲಿದ್ದ ಎಲ್ಲಾ ವ್ಯಕ್ತಿಗಳು ಲೆಂಡಗೆಂಡಿ ಗ್ರಾಮದ ನಿವಾಸಿಗಳಾಗಿದ್ದು, ಬುಧವಾರ ಸಂಜೆ ಮದುವೆ ಸಮಾರಂಭದಿಂದ ಹಿಂತಿರುಗುತ್ತಿದ್ದರು ಎಂದು ವರದಿಯಾಗಿದೆ.

ಬೈಕ್ ಚಲಾಯಿಸುತ್ತಿದ್ದ ವ್ಯಕ್ತಿಯನ್ನು ರಕ್ಷಿಸಲು ಪ್ರಯತ್ನಿಸುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿ  ಇರುವ ನೀರಿಲ್ಲದ ಬಾವಿಗೆ ಬಿದ್ದು ಈ ಅಪಘಾತ ಸಂಭವಿಸಿದೆ.

ಮೃತರನ್ನು ದೀಪೇಂದ್ರ ಇವ್ನಾಟಿ (3), ಅಜಯ್ (32), ರಂಜೀತ್ (35) ಎಂದು ಗುರುತಿಸಲಾಗಿದೆ. ಲೆಂಡಗೊಂದಿ ನಿವಾಸಿಗಳಾದ ಸಚಿನ್ (19) ಧನೋರಾ ನಿವಾಸಿ. ಅಗರ್ಪುರ ನಿವಾಸಿ ರಾಜ್ ಕುಮಾರ್ (40), ಜಮುನಿಯಾ ನಿವಾಸಿ ಶಿವಪಾಲ್ (31) ಮತ್ತು ಕರ್ಮಜಿರಿ ನಿವಾಸಿ ರಾಮನಾಥ್ (31) ಮೃತ ದುರ್ದೈವಿಗಳು.

ಗಾಯಗೊಂಡವರನ್ನು ಲೆಂಡಗೊಂದಿ ನಿವಾಸಿಗಳಾದ ಸಚಿನ್ (5), ಪಿಂಕಿ ಮತ್ತು ಅಗರ್ಪುರ ನಿವಾಸಿ ಅನಿಲ್ (22) ಎಂದು ಗುರುತಿಸಲಾಗಿದೆ.

ಮಾಹಿತಿ ಪಡೆದ ನಂತರ, ಪೊಲೀಸರು ಸ್ಥಳಕ್ಕೆ ತಲುಪಿದರು ಮತ್ತು ಪ್ರದೇಶದ ರೈತರ ಸಹಾಯದಿಂದ ರಕ್ಷಣಾ ಕಾರ್ಯಾಚರಣೆಯನ್ನು ನಡೆಸಲಾಯಿತು. ಗಂಟೆಗಳ ಪ್ರಯತ್ನದ ನಂತರ, ಬಾವಿಯಿಂದ ಏಳು ಶವಗಳನ್ನು ಹೊರತೆಗೆಯಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

“ಎಸ್ ಯುವಿ ಮೊದಲು ಬೈಕಿಗೆ ಡಿಕ್ಕಿ ಹೊಡೆದಿದೆ ಎಂದು ಪ್ರತ್ಯಕ್ಷದರ್ಶಿಗಳು ಮಾಹಿತಿ ನೀಡಿದರು, ಇದರಿಂದಾಗಿ ಚಾಲಕನ ನಿಯಂತ್ರಣ ತಪ್ಪಿ ಎಸ್ಯುವಿ ಬಾವಿಗೆ ಬಿದ್ದಿತು. ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲಾಗಿದ್ದು, ಅವರ ಸ್ಥಿತಿ ಸ್ಥಿರವಾಗಿದೆ ಎಂದು ಚಿಂದ್ವಾರ ಪೊಲೀಸ್ ವರಿಷ್ಠಾಧಿಕಾರಿ ವಿವೇಕ್ ಅಗರವಾಲ್ ತಿಳಿಸಿದ್ದಾರೆ.