ಗೋವಾಕ್ಕೆ ಎಂಟ್ರಿ ನೀಡಲು ಕೇರಳಿಗರಿಗೆ ಐದು ದಿನ ಕ್ವಾರೆಂಟೀನ್ ಕಡ್ಡಾಯ

ಗೋವಾ : ಕೇರಳದಲ್ಲಿ ಕೊರೋನಾ ಸೋಂಕು ಏರಿಕೆಯಾಗುತ್ತಿದ್ದಂತೆ ಗೋವಾ ಸರ್ಕಾರ ಎಚ್ಚೆತ್ತುಕೊಂಡಿದೆ. ಕೇರಳದಿಂದ ಗೋವಾ ಪ್ರವಾಸಕ್ಕೆ ಬರುವವರಿಗೆ ಐದು ದಿನಗಳ ಕ್ವಾರೆಂಟೀನ್ ಕಡ್ಡಾಯವಾಗಿದೆ.

ಜೊತೆಗೆ ಸೆ.20ರವರೆಗೆ ರಾಜ್ಯಾದ್ಯಂತ ಕರ್ಫ್ಯೂ ಮುಂದುವರಿಯಲಿದೆ. ಕೆಸಿನೋ ಮತ್ತಿತರ ಚಟುವಟಿಕೆಗಳ ಮೇಲೆ ಈಗಲೂ ನಿರ್ಬಂಧ ಇದೆ ಎಂದು ಸರ್ಕಾರ ಹೇಳಿದೆ. ಮೋಜು ಮಸ್ತಿಗಾಗಿ ಗೋವಾಗೆ ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಲಿದ್ದು,

ಅಲ್ಲಿನ ಜನರ ಹಿತದೃಷ್ಟಿಯಿಂದ ಕೇರಳಿಗರಿಗೆ ಗೋವಾ ಸರ್ಕಾರ ಐದು ದಿನ ಕ್ವಾರೆಂಟೀನ್ ಕಡ್ಡಾಯ ಮಾಡಿದೆ. ಪ್ರವಾಸಕ್ಕೆಂದು ಬರುವವರು ಗೋವಾಗೆ ಪ್ರವೇಶಿಸದೆ ವಾಪಾಸಾಗಿದ್ದಾರೆ. ಇನ್ನು ಗೋವಾದಲ್ಲಿ ನೆಲೆಸಿದ್ದ ಕೇರಳಿಗರು ಐದು ದಿನಗಳ ಕ್ವಾರೆಂಟೀನ್ ಪೂರೈಸುತ್ತಿದ್ದಾರೆ.