ನವದೆಹಲಿ: ದೆಹಲಿಯಲ್ಲಿ ಗಾಳಿಯ ಗುಣಮಟ್ಟ ತೀವ್ರವಾಗಿ ಕುಸಿದಿದೆ. ಇದೇ ಕಾರಣದಿಂದ ಶಾಲೆಗಳಿಗೆ ರಜೆ ಘೋಷಿಸಲಾಗಿದೆ. ಸ್ವಿಸ್‌ ಗ್ರೂಪ್‌ ಐಕ್ಯೂ ಏರ್‌ ಪ್ರಕಾರ ಭಾರತದ ರಾಜಧಾನಿ ನವದೆಹಲಿ ವಿಶ್ವದ ಅತ್ಯಂತ ಕಲುಷಿತ ನಗರಗಳಲ್ಲಿ ಮೊದಲ ಸ್ಥಾನದಲ್ಲಿದೆ.
ಅದೇ ರೀತಿ ಈ ಪಟ್ಟಿಯಲ್ಲಿ ಭಾರತದ ಇನ್ನೆರಡು ನಗರಗಳು ಟಾಪ್‌ 10 ಸ್ಥಾನ ಪಡೆದುಕೊಂಡಿವೆ. ಕೋಲ್ಕತಾ, ಮುಂಬೈ ನಗರಗಳು ಟಾಪ್‌ 10 ಸ್ಥಾನದೊಳಗಿವೆ. ವೈದ್ಯಕೀಯ ನಿಯಮದ ಪ್ರಕಾರ ಆರೋಗ್ಯವಂತ ವ್ಯಕ್ತಿಗೆ ಶಿಫಾರಸು ಮಾಡಲಾದ ಎಕ್ಯೂ 1, 50ಕ್ಕಿಂತ ಕಡಿಮೆ ಇರಬೇಕು. ಈ ನಡುವೆ ವಿಷಮಯ ಗಾಳಿಯಿಂದಾಗಿ ದೆಹಲಿ ನಿವಾಸಿಗಳು ಕಣ್ಣಿನ ತೊಂದರೆ, ಗಂಟಲಿನ ತುರಿಕೆ ಬಗ್ಗೆ ದೂರಿಕೊಂಡಿದ್ದಾರೆ.
