ನವದೆಹಲಿ: ಬ್ರೆಜಿಲ್ ವಿಮಾನ ತಯಾರಕರೊಬ್ಬರು ಮಧ್ಯವರ್ತಿಯೊಬ್ಬರಿಗೆ ಕಿಕ್ ಬ್ಯಾಕ್ ನೀಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಫ್ಐಆರ್ ದಾಖಲಿಸಿದ ಆರು ವರ್ಷಗಳ ನಂತರ ಸಿಬಿಐ ದೆಹಲಿ ಮೂಲದ ವಕೀಲ ಗೌತಮ್ ಖೈತಾನ್ ಅವರನ್ನು ಬಂಧಿಸಿದೆ ಎಂದು ಸಂಸ್ಥೆ ತಿಳಿಸಿದೆ.
ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್ಡಿಒ)ಯೊಂದಿಗೆ 210 ಮಿಲಿಯನ್ ಡಾಲರ್ ಮೌಲ್ಯದ ಮೂರು ವಿಮಾನಗಳ ಒಪ್ಪಂದ ಮಾಡಿಕೊಳ್ಳಬೇಕಾಗಿತ್ತು. ಬ್ರೆಜಿಲಿಯನ್ ಕಂಪನಿ ಎಂಬ್ರೇರ್ 2008 ರಲ್ಲಿ ಒಪ್ಪಂದವನ್ನು ತನ್ನ ಪರವಾಗಿ ಸ್ವಿಂಗ್ ಮಾಡಲು ಯುಕೆ ಮೂಲದ ಎನ್ಆರ್ಐಗೆ ಕಿಕ್ ಬ್ಯಾಕ್ ಪಾವತಿಸಿದೆ ಎಂದು ಆರೋಪಿಸಲಾಗಿದೆ. ಈ ವಿಷಯದಲ್ಲಿ ಸುಮಾರು ೫.೭೬ ಮಿಲಿಯನ್ ಡಾಲರ್ ಕಿಕ್ ಬ್ಯಾಕ್ ಪಾವತಿಸಲಾಗಿದೆ ಎಂದು ಆರೋಪಿಸಲಾಗಿದೆ.
“ಹಣದ ವನ್ನು ಸ್ಥಳಾಂತರಿಸುವಲ್ಲಿ ಖೈತಾನ್ ಪ್ರಮುಖ ಪಾತ್ರ ವಹಿಸಿದ್ದರು. ವಿದೇಶ ಮತ್ತು ಭಾರತದಲ್ಲಿನ ವಿವಿಧ ಘಟಕಗಳ ಸಹಾಯದಿಂದ, ಹಣವನ್ನು ಒಂದರಿಂದ ಇನ್ನೊಂದಕ್ಕೆ ವರ್ಗಾಯಿಸಲಾಗಿದೆ” ಎಂದು ಸಿಬಿಐ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಕಳೆದ ವಾರ ಖೈತಾನ್ ಅವರನ್ನು ಬಂಧಿಸಲಾಗಿದೆ ಎಂದು ಸಿಬಿಐ ಅಧಿಕಾರಿ ಹೇಳಿದರು. ಅವರನ್ನು ವಿಚಾರಣೆಗೊಳಪಡಿಸಲಾಯಿತು ಮತ್ತು ನಂತರ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಯಿತು. ಬ್ರೆಜಿಲಿಯಂ ಪತ್ರಿಕೆಯು ನೀಡಿದ ವರದಿಯ ಆಧಾರದ ಮೇಲೆ ಸಿಬಿಐ ಈ ಪ್ರಕರಣವನ್ನು ದಾಖಲಿಸಿದೆ.
ಡಿಆರ್ಡಿಒ ದೊಂದಿಗೆ ಸಂಪೂರ್ಣವಾಗಿ ಕಸ್ಟಮೈಸ್ ಮಾಡಿದ ಇಎಂಬಿ -145 ವಿಮಾನ ಒಪ್ಪಂದವನ್ನು ಮಾಡಬೇಕಾಗಿತ್ತು. ವಿಮಾನಕ್ಕೆ ವಾಯುಗಾಮಿ ಆರಂಭಿಕ ಎಚ್ಚರಿಕೆ ಮತ್ತು ನಿಯಂತ್ರಣ (ಎಇಡಬ್ಲ್ಯೂ & ಸಿ) ವ್ಯವಸ್ಥೆಯನ್ನು ಅಳವಡಿಸಬೇಕಾಗಿತ್ತು. ಖೈತಾನ್ ಈ ಒಪ್ಪಂದದಲ್ಲಿ ಭಾಗಿಯಾಗಿದ್ದರು ಮತ್ತು ಕಿಕ್ ಬ್ಯಾಕ್ ಹಣವನ್ನು ಸಾಗಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು ಎಂದು ಆರೋಪಿಸಲಾಗಿದೆ.
