ನವದೆಹಲಿ: ದೆಹಲಿ ಮೆಟ್ರೋದಲ್ಲಿ ತುಂಡುಡುಗೆ ಧರಿಸಿದ ಮಹಿಳೆ ಪ್ರಯಾಣಿಸುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ದಿನಾಂಕವಿಲ್ಲದ ಕಿರು ಕ್ಲಿಪ್‌ನಲ್ಲಿ, ಇತರ ಮಹಿಳಾ ಪ್ರಯಾಣಿಕರೊಂದಿಗೆ ಕುಳಿತಿದ್ದು, ಆಕೆಯ ಖಾಸಗಿ ಭಾಗಗಳನ್ನು ತೋರ್ಪಡಿಸುವಂತೆ ತೋರುತ್ತಿತ್ತು.
ಈ ವಿಡಿಯೋ ಕುರಿತು ಪ್ರತಿಕ್ರಿಯಿಸಿದ ದೆಹಲಿ ಮೆಟ್ರೋ ತನ್ನ ಪ್ರಯಾಣಿಕರು ಸಭ್ಯ ಉಡುಗೆ ತೊಡಬೇಕೆಂದು ನಿರೀಕ್ಷಿಸುತ್ತದೆ ಎಂದು ಹೇಳಿದೆ. ಪ್ರಯಾಣಿಕರು ಇತರ ಪ್ರಯಾಣಿಕರ ಸಂವೇದನೆಗೆ ಧಕ್ಕೆ ತರುವಂತಹ ಯಾವುದೇ ಉಡುಪುಗಳನ್ನು ಧರಿಸಬಾರದು ಎಂದು ಅದು ಹೇಳಿದೆ.
ಇಂತಹ ವರ್ತನೆ ದೆಹಲಿ ಮೆಟ್ರೋ ರೈಲು ನಿಗಮ ನಿರ್ವಹಣೆ ಕುರಿತ ಸೆಕ್ಷನ್ 59 ರ ಅಡಿಯಲ್ಲಿ ಶಿಕ್ಷಾರ್ಹ ಅಪರಾಧ ಎಂದು ಹೇಳಿದೆ.
ಬಟ್ಟೆಯ ಆಯ್ಕೆಯಂತಹ ವಿಷಯ ವೈಯಕ್ತಿಕ ವಿಚಾರ. ಆದರೆ ಇತರ ಪ್ರಯಾಣಿಕರ ಸಂವೇದನೆಗೆ ಅಡ್ಡಿ ಬರದ ರೀತಿಯಲ್ಲಿ ವರ್ತಿಸುವುದು ಜವಾಬ್ದಾರಿ ಎಂದು ರೈಲು ನಿಗಮ ಹೇಳಿದೆ.
ಈ ವೀಡಿಯೊವನ್ನು ಮೊದಲಿಗೆ ಎನ್‌ಸಿಎಂಇಂಡಿಯಾ ಕೌನ್ಸಿಲ್ ಫಾರ್ ಮೆನ್ ಅಫೇರ್ಸ್‌ನ ಟ್ವಿಟರ್ ಹ್ಯಾಂಡಲ್‌ ಹಂಚಿಕೊಂಡಿದ್ದು, ಮಹಿಳೆ @uorfi_ ಅಲ್ಲ ಎಂಬ ಶೀರ್ಷಿಕೆ ನೀಡಿದೆ.
