ಇಂದು ಏರ್ ಇಂಡಿಯಾ ಎಕ್ಸ್​ಪ್ರೆಸ್​ನ 85 ವಿಮಾನ ಹಾರಾಟ ರದ್ದು

ನವದೆಹಲಿ: ಇಂದು ಟಾಟಾ ಗ್ರೂಪ್ ಒಡೆತನದ ಏರ್ ಇಂಡಿಯಾ ಎಕ್ಸ್​ಪ್ರೆಸ್ ಸಂಸ್ಥೆಯ 85 ಫ್ಲೈಟ್​ಗಳು ರದ್ದಾಗಿವೆ.

ಏರ್ಲೈನ್ ಸಂಸ್ಥೆ ನೀಡಿದ ಮಾಹಿತಿ ಪ್ರಕಾರ ಮ್ಯಾನೇಜ್ಮೆಂಟ್ ವರ್ಸಸ್ ಸಿಬ್ಬಂದಿ ಸಂಘರ್ಷದಿಂದಾಗಿ ಮೇ 9, ಇಂದು  ನಿನ್ನೆ ಬುಧವಾರದಂದು ಏರ್ ಇಂಡಿಯಾ ಎಕ್ಸ್​ಪ್ರೆಸ್​ನ 300 ಮಂದಿ ಉದ್ಯೋಗಿಗಳು ಹೇಳದೇ ಕೇಳದೇ ರಜೆ ಹಾಕಿ ಫೋನ್ ಕೂಡ ಸ್ವಿಚ್ ಆಫ್ ಮಾಡಿಕೊಂಡಿದ್ದರು.

ಅದರ ಪರಿಣಾಮವಾಗಿ ನಿನ್ನೆ ನೂರು ಫ್ಲೈಟ್ ರದ್ದಾಗಿದ್ದವು. ಇಂದೂ ಕೂಡ ಪರಿಸ್ಥಿತಿ ಮುಂದುವರಿದಿದೆ.

ಏರ್ ಇಂಡಿಯಾದಲ್ಲಿ ಕೆಲಸ ಮಾಡುತ್ತಿರುವ ಉದ್ಯೋಗಿಗಳಿಗೆ ಅನ್ಯಾಯ ಆಗುತ್ತಿದೆ. ಸಿಬ್ಬಂದಿ ಮಧ್ಯೆ ತಾರತಮ್ಯತೆ ನಡೆಯುತ್ತಿದೆ. ಇವೇ ಮುಂತಾದ ಆರೋಪಗಳನ್ನು ಉದ್ಯೋಗಿಗಳು ಮಾಡುತ್ತಿದ್ದಾರೆ. ಈ ಕಾರಣಕ್ಕೆ ಪ್ರತಿಭಟನೆಯ ಕುರುಹಾಗಿ ಸುಮಾರು 300 ಮಂದಿ ಉದ್ಯೋಗಿಗಳು ಸಾಮೂಹಿಕವಾಗಿ ಸಿಕ್ ಲೀವ್ ಹಾಕಿದ್ದರು.

ರೀಫಂಡ್ ಸಿಗುತ್ತೆ ಎಂದ ಏರ್ಲೈನ್: ಒಂದು ವೇಳೆ ಫ್ಲೈಟ್ ರದ್ದಾಗಿದ್ದರೆ, ಅಥವಾ ಮೂರು ಗಂಟೆ ವಿಳಂಬವಾದರೆ ನಿಮ್ಮ ಟಿಕೆಟ್ ಹಣವನ್ನು ಸಂಪೂರ್ಣವಾಗಿ ರೀಫಂಡ್ ಮಾಡಬಹುದು. ಅಥವಾ ಬೇರೆ ದಿನಾಂಕಕ್ಕೆ ರೀಸ್ಕೆಡ್ಯೂಲ್ ಮಾಡಬಹುದು. ಇದಕ್ಕೆ ಯಾವ ಶುಲ್ಕ ಪಡೆಯಲಾಗುವುದಿಲ್ಲ. ಈ ಸೇವೆಗೆ ಏರ್ ಇಂಡಿಯಾ ಎಕ್ಸ್​ಪ್ರೆಸ್ ವಾಟ್ಸಾಪ್ ಸಂಖ್ಯೆ (+91 6360012345) ನೀಡಿದೆ.

ವಿಮಾನ ನಿಲ್ದಾಣಕ್ಕೆ ಹೋಗುವ ಮುನ್ನ ಫ್ಲೈಟ್ ರದ್ದಾಗಿದೆಯಾ ಇಲ್ಲವಾ ಎಂಬುದನ್ನು ಪರಿಶೀಲಿಸಿ. ಅಲ್ಲಿಗೆ ಹೋಗಿ ಫ್ಲೈಟ್ ರದ್ದಾಗಿದ್ದರೆ ಸುಮ್ಮನೆ ಸಮಯ ವ್ಯಯವಾದಂತಾಗುತ್ತದೆ. ಫ್ಲೈಟ್ ರದ್ದಾಗಿದ್ದರೆ ಮೆಸೇಜ್ ಬರಬಹುದು. ಮೂರು ಗಂಟೆಗೂ ಹೆಚ್ಚು ಕಾಲ ಫ್ಲೈಟ್ ವಿಳಂಬವಾಗಿದ್ದಲ್ಲಿ ನಿಮಗೆ ಬೇಕೆಂದರೆ ಫ್ಲೈಟ್ ರದ್ದು ಮಾಡಿ ಪೂರ್ಣ ಹಣವನ್ನು ರೀಫಂಡ್ ಪಡೆಯಲು ಅವಕಾಶ ಇರುತ್ತದೆ.