ಸೆ.23ರಿಂದ ಪ್ರಧಾನಿ ನರೇಂದ್ರ ಮೋದಿಯವರು ಅಮೆರಿಕ ಭೇಟಿ

ದೆಹಲಿ : ಪ್ರಧಾನಿ ನರೇಂದ್ರ ಮೋದಿಯವರು ಸೆ.23ರಿಂದ ಅಮೆರಿಕ ಭೇಟಿ ಕೈಗೊಳ್ಳಲಿದ್ದು, ದ್ವಿಪಕ್ಷೀಯ ನಂಟನ್ನು ಬಲಗೊಳಿಸುವಲ್ಲಿ ಈ ಭೇಟಿ ಮಹತ್ವದ್ದಾಗಿದೆ ಎಂದು ನಂಬಲಾಗಿದೆ. ಈ ಭೇಟಿಯ ವೇಳೆ ಅಮೆರಿಕ ಅಧ್ಯಕ್ಷ ಜೋಯಿ ಬೈಡೆನ್ , ಕ್ವಾಡ್ ಶೃಂಗಸಭೆ , ವಿಶ್ವಸಂಸ್ಥೆ ಮಹಾವೇಶನದಲ್ಲಿ ಸೆ.25ರಂದು ಪ್ರಧಾನಿ ಮೋದಿಯವರ ಭಾಷಣ ಪ್ರಮುಖ ಕಾರ್ಯಕ್ರಮಗಳಾಗಿವೆ.

ಅಫ್ಘಾನಿಸ್ಥಾನದಲ್ಲಿ ತಾಲಿಬಾನ್ ಸರಕಾರ ರಚನೆ ಯತ್ನ ನಡೆಯುತ್ತಿರುವ ನಿರ್ಣಾಯಕ ಸಂದರ್ಭದಲ್ಲೇ ಪ್ರಧಾನಿ ಮೋದಿಯವರ ಮೂರು ದಿನಗಳ ಅಮೆರಿಕ ಭೇಟಿ ಗಮನ ಸೆಳೆದಿದೆ. ಅಲ್ಲಿ ಅವರು ಅಧ್ಯಕ್ಷ ಬೈಡೆನ್ ಮತ್ತು ಇತರ ಉನ್ನತ ಅಕಾರಿಗಳನ್ನು ಭೇಟಿ ಮಾಡಲಿದ್ದಾರೆ. ಬೈಡೆನ್ ಅಧ್ಯಕ್ಷರಾದ ಬಳಿಕ ಮೋದಿಯವರು ಮೊದಲ ಬಾರಿಗೆ ಅಮೆರಿಕಕ್ಕೆ ಭೇಟಿ ನೀಡುತ್ತಿದ್ದು, ಅಫ್ಘಾನಿಸ್ಥಾನ ಬೆಳವಣಿಗೆ, ಕೋವಿಡ್-19, ಹವಾಮಾನ ಬದಲಾವಣೆ, ಇಂಡೋ-ಪೆಸಿಫಿಕ್, ಭಯೋತ್ಪಾದನೆ ಸೇರಿದಂತೆ ಹಲವು ವಿಷಯಗಳ ಬಗ್ಗೆ ಮೋದಿ -ಬೈಡೆನ್ ಮಾತುಕತೆ ನಡೆಸಲಿದ್ದಾರೆ.

ಹಾಗೆಯೇ 9/11ರ ಭಯೋತ್ಪಾದಕ ದಾಳಿಯ 20ನೇ ವರ್ಷಾಚರಣೆ ಸಂದರ್ಭದಲ್ಲಿ ಮೋದಿ ಅಮೆರಿಕಕ್ಕೆ ಭೇಟಿ ನೀಡುತ್ತಿರುವುದು ಕೂಡಾ ಮಹತ್ವದ್ದಾಗಿದೆ.ಮೋದಿ ಭೇಟಿ ಕಾರ್ಯಕ್ರಮ ವೇಳಾಪಟ್ಟಿ ನಿಗದಿ ತಂಡ ಸೆ.9ರಂದೇ ಅಲ್ಲಿಗೆ ತೆರಳುತ್ತಿದೆ.ಮೋದಿ -ಬೈಡೆನ್ ದ್ವಿಪಕ್ಷೀಯ ಮಾತುಕತೆ ಸೆ.23ರಂದು ನಡೆಯಲಿದೆ. ಅದರ ಮರುದಿನ ಕ್ವಾಡ್ ಭದ್ರತಾ ಮಾತುಕತೆ ನಡೆಯಲಿದೆ.
ಸೆ.೨೫ರಂದು ಮೋದಿಯವರು ವಿಶ್ವಸಂಸ್ಥೆ ಮಹಾವೇಶನ(ಉಂಗಾ)ವನ್ನುದ್ದೇಶಿಸಿ ಮಾತನಾಡಲಿದ್ದಾರೆ. ಕಳೆದ ಮಾರ್ಚ್‌ನಲ್ಲಿ ಬಾಂಗ್ಲಾಕ್ಕೆ ಭೇಟಿ ನೀಡಿದ ಬಳಿಕ ಅವರ ಮೊದಲ ಅಂತಾರಾಷ್ಟ್ರೀಯ ಭೇಟಿಯಾಗಿದೆ.