ನವದೆಹಲಿ : ಕೊರೊನಾದ ಹೊಸ ಅಪಾಯಕಾರಿ ರೂಪಾಂತರಿ ಒಮಿಕ್ರಾನ್ ದೇಶಕ್ಕೆ ವಕ್ಕರಿಸುವ ಆತಂಕದ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ, ಅಂತರರಾಷ್ಟ್ರೀಯ ವಿಮಾನಗಳನ್ನ ಪುನರಾರಂಭಿಸಲು ಈ ಹಿಂದೆ ನಿಗದಿ ಪಡೆಸಲಾಗಿದ್ದ ದಿನಾಂಕವನ್ನ ತಡೆ ಹಿಡಿದಿರುವುದಾಗಿ ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿದೆ.
ಅಂದ್ಹಾಗೆ, ಈ ಹಿಂದೆ ಡಿಸೆಂಬರ್ 15ರಿಂದ ನಿಗದಿತ ಅಂತರರಾಷ್ಟ್ರೀಯ ವಿಮಾನಗಳನ್ನು ಪುನರಾರಂಭಿಸುವುದಾಗಿ ನಾಗರಿಕ ವಿಮಾನಯಾನ ಸಚಿವಾಲಯ ತಿಳಿಸಿತ್ತು. ಆದ್ರೆ, ಈಗ ಡಿಸೆಂಬರ್ 15 ದಿನಾಂಕ ಅನ್ವಯಿಸುವುದಿಲ್ಲ. ಒಮಿಕ್ರಾನ್ ಪರಿಸ್ಥಿತಿಯ ಆಧಾರದ ಮೇಲೆ ಸರ್ಕಾರ ಹೊಸ ದಿನಾಂಕವನ್ನ ಘೋಷಿಸಲಿದೆ.
ಈ ಕುರಿತು ಹೇಳಿಕೆ ಬಿಡುಗಡೆಗೊಳಿಸಿದ ಕೇಂದ್ರ ಸರ್ಕಾರ, ‘ಭಾರತಕ್ಕೆ/ಅಲ್ಲಿಂದ ನಿಗದಿತ ವಾಣಿಜ್ಯ ಅಂತರರಾಷ್ಟ್ರೀಯ ಪ್ರಯಾಣಿಕರ ವಿಮಾನಯಾನ ಸೇವೆಗಳನ್ನ ಪುನರಾರಂಭಿಸುವ ದಿನಾಂಕದಂದು ತನ್ನ ನಿರ್ಧಾರವನ್ನ ಸೂಕ್ತ ಸಮಯದಲ್ಲಿ ತಿಳಿಸುವುದಾಗಿ’ ನಾಗರಿಕ ವಿಮಾನಯಾನ ಮಹಾನಿರ್ದೇಶಕರು ತಿಳಿಸಿದ್ದಾರೆ. ಹೊಸ ಕೋವಿಡ್ ರೂಪಾಂತರದ ಉಗಮದ ಹಿನ್ನೆಲೆಯಲ್ಲಿ ಪರಿಸ್ಥಿತಿಯನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದೆ ಎಂದವ್ರು ತಿಳಿಸಿದ್ದಾರೆ.