ದಾಂತೇವಾಡ,ಡಿ.18 : ಛತ್ತೀಸ್ಘಡದ ದಾಂತೇವಾಡ ಜಿಲ್ಲೆಯ ಗೊಂಡೆರಾಸ್ ಅರಣ್ಯದ ಸಮೀಪ ಭದ್ರತಾ ಪಡೆಗಳೊಂದಿಗೆ ನಡೆದ ಎನ್ಕೌಂಟರ್ನಲ್ಲಿ ಇಬ್ಬರು ಮಹಿಳಾ ನಕ್ಸಲೀಯರು ಮೃತಪಟ್ಟಿದ್ದಾರೆ. ಎನ್ಕೌಂಟರ್ ಬಳಿಕ ಇಬ್ಬರು ಮಹಿಳಾ ನಕ್ಸಲೀಯರ ಶವಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇವರುಗಳ ತಲೆಗೆ 6 ಲಕ್ಷ ರೂ. ಬಹುಮಾನ ಘೋಷಿಸಲಾಯಿತು.
ಇಂದು ಮುಂಜಾನೆ 5-30ರ ಸಮಯದಲ್ಲಿ ಪಿಎಸ್ ಆರನ್ಪುರ ವ್ಯಾಪ್ತಿಗೆ ಬರುವ ಗೊಂಡೆರಾಸ್ ಕಾಡಿನಲ್ಲಿ ಅಡಗಿದ್ದ ನಕ್ಸಲೀಯರು ಮತ್ತು ದಾಂತೇವಾಡ ಡಿಆರ್ಜಿ ನಡುವೆ ಗುಂಡಿನ ಚಕಮಕಿ ನಡೆಯಿತು.
ಬಳಿಕ ಈ ಪ್ರದೇಶದಲ್ಲಿ ಶೋಧ ಕಾರ್ಯಾಚರಣೆ ನಡೆಸಿದಾಗ ಇಬ್ಬರು ಮಹಿಳಾ ನಕ್ಸಲೀಯರ ಶವಗಳು ಕಂಡುಬಂದವು ಎಂದು ಪೊಲೀಸರು ತಿಳಿಸಿದ್ದಾರೆ.