ಗುವಾಹಟಿ: ಅಸ್ಸಾಂನ ಎರಡು ಗುಡ್ಡಗಾಡು ಜಿಲ್ಲೆಗಳಾದ ಕರ್ಬಿ ಆಂಗ್ಲಾಂಗ್ ಮತ್ತು ದಿಮಾ ಹಸಾವೋಗಳಿಗೆ ಮಂಗಳವಾರ ಸುಮಾರು 2,000 ವಾಟರ್ ಪ್ರೂಫ್ ಸೋಲಾರ್ ಲೈಟ್ ಗಳನ್ನು ಕಳುಹಿಸಲಾಗಿದೆ. ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರು ಸರಕು ಸಾಗಣೆಗೆ ಹಸಿರು ನಿಶಾನೆ ತೋರಿದರು.
ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ಈ ದೀಪಗಳನ್ನು ಅಸ್ಸಾಂ ಸರ್ಕಾರಕ್ಕೆ ಕೊಡುಗೆಯಾಗಿ ನೀಡಿತು.
ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ಗೆ ಧನ್ಯವಾದ ಅರ್ಪಿಸಿದ ಶರ್ಮಾ, ಈ ವರ್ಷದ ಸೆಪ್ಟೆಂಬರ್ ನಲ್ಲಿ ನಡೆದ ಸರ್ಕಾರಿ ಸಮಾರಂಭದಲ್ಲಿ ಭಾಗವಹಿಸಿದ್ದ ಆಧ್ಯಾತ್ಮಿಕ ಗುರು ಶ್ರೀ ಶ್ರೀ ರವಿಶಂಕರ್ ಅವರು ಕರ್ಬಿ ಆಂಗ್ಲಾಂಗ್ ಮತ್ತು ದಿಮಾ ಹಸಾವೋ ಎಂಬ ಎರಡು ಜಿಲ್ಲೆಗಳಿಗೆ ಸೌರ ದೀಪಗಳನ್ನು ಒದಗಿಸುವ ಉತ್ಸುಕತೆಯನ್ನು ವ್ಯಕ್ತಪಡಿಸಿದರು ಎಂದು ಹೇಳಿದರು.
ಈಗಾಗಲೇ, ದೇಶದ ವಿವಿಧ ಹಳ್ಳಿಗಳಲ್ಲಿರುವ ಹಲವಾರು ಕುಟುಂಬಗಳು ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ನ ಈ ಉಪಕ್ರಮದಿಂದ ಪ್ರಯೋಜನ ಪಡೆದಿವೆ ಎಂದು ಮುಖ್ಯಮಂತ್ರಿ ಹೇಳಿದರು.
2013 ರಿಂದ, ಪ್ರತಿಷ್ಠಾನವು ದೇಶದ 760 ಹಳ್ಳಿಗಳ ಸುಮಾರು 3,000 ಕುಟುಂಬಗಳನ್ನು ಒಳಗೊಂಡಿದೆ. ರಾಜ್ಯದ ಎರಡು ಗುಡ್ಡಗಾಡು ಜಿಲ್ಲೆಗಳ ಒಳ ಭಾಗಗಳಲ್ಲಿ ವಾಸಿಸುವ ಬುಡಕಟ್ಟು ಸಮುದಾಯಗಳಿಗೆ ಸೌರ ದೀಪಗಳನ್ನು ವಿತರಿಸಲಾಗುವುದು.
