ನವದೆಹಲಿ: ಕೊರೊನಾ ಲಸಿಕೆಯ ವಿಚಾರದಲ್ಲಿ ಆರಂಭದಿಂದಲೇ ಭಿನ್ನಭಿಪ್ರಾಯಗಳು ಕೇಳಿ ಬರುತ್ತಿವೆ. ಅದ್ದರಿಂದ ಕೇಂದ್ರ ಸರಕಾರವು ಈ ಬಗ್ಗೆ ಅಧ್ಯಯನ ನಡೆಸುವ ಸಲುವಾಗಿ ದೇಶದಲ್ಲಿ ಕೊರೋನಾ ನಿಯಂತ್ರಣಕ್ಕೆ ನೀಡಲಾಗುತ್ತಿರುವ ಕೋವಿಡ್ ಲಸಿಕೆಗಳು ಎಷ್ಟುಪರಿಣಾಮಕಾರಿ ಎಂದು ಲೆಕ್ಕಾಚಾರ ಮಾಡಬಹುದಾದ ವೆಬ್‌ಸೈಟ್‌ ಚಾಲನೆಗೆ ಕೇಂದ್ರ ಸರ್ಕಾರ ಸಿದ್ಧತೆ ನಡೆಸಿದೆ.
ಕೋವಿಡ್‌ನಿಂದ ಸಾವಿಗೀಡಾದವರನ್ನು ಲಸಿಕೆ ಪಡೆಯದವರು, ಒಂದು ಡೋಸ್‌ ಲಸಿಕೆ ಪಡೆದವರು ಮತ್ತು 2 ಡೋಸ್‌ ಲಸಿಕೆ ಪಡೆದವರು ಎಂಬ 3 ವಿಭಾಗದಲ್ಲಿ ವಿಭಾಗಿಸುತ್ತದೆ. ಇದರಿಂದಾಗಿ ಲಸಿಕೆ ಪಡೆದಿದ್ದಾಗ್ಯೂ ಎಷ್ಟುಮಂದಿ ಕೋವಿಡ್‌ಗೆ ಬಲಿಯಾಗಿದ್ದಾರೆ ಎಂಬ ಸ್ಪಷ್ಟಮಾಹಿತಿ ನೀಡುತ್ತದೆ. ಇದರಿಂದ ಲಸಿಕೆಗಳು ಎಷ್ಟುಪರಿಣಾಮಕಾರಿ ಎಂಬುದನ್ನು ಜನರೇ ತಿಳಿಯಬಹುದು.
ಕೊರೋನಾ ಲಸಿಕೆ ಎಷ್ಟುಪರಿಣಾಮಕಾರಿ ಹಾಗೂ ಲಸಿಕೆ ಪಡೆದಿದ್ದಿದ್ದರೂ , ಎಷ್ಟುಮಂದಿ ಸಾವಿಗೀಡಾಗಿದ್ದಾರೆ, ಎಷ್ಟುಜನರಿಗೆ ಸೋಂಕು ತಗುಲಿದೆ ಎಂಬುದು ಸೇರಿದಂತೆ ಇನ್ನಿತರ ವಿಚಾರಗಳು ವಾರಕ್ಕೊಮ್ಮೆ ಪರಿಷ್ಕರಣೆಯಾಗುವ ‘ಕೋವಿಡ್ ವ್ಯಾಕ್ಸಿನ್‌ ಟ್ರ್ಯಾಕರ್’ ಅನ್ನು ಶೀಘ್ರ ಬಿಡುಗಡೆ ಮಾಡಲಾಗುತ್ತದೆ ಎಂದು ಐಸಿಎಂಆರ್‌ ಪ್ರಧಾನ ನಿರ್ದೇಶಕ ಬಲರಾಂ ಭಾರ್ಗವ ಹೇಳಿದ್ದಾರೆ.
‘ಕೋವಿನ್‌(ಲಸಿಕೆಯ ಬುಕ್ಕಿಂಗ್‌ಗಾಗಿ ಇರುವ ವೆಬ್‌ಸೈಟ್‌), ಐಸಿಎಂಆರ್‌ನ ರಾಷ್ಟ್ರೀಯ ಕೋವಿಡ್ ಪರೀಕ್ಷಾ ದತ್ತಾಂಶ ಮತ್ತು ಕೋವಿಡ್-19 ಇಂಡಿಯಾ ಪೋರ್ಟಲ್‌ನಲ್ಲಿರುವ ಅಂಶಗಳನ್ನು ಕ್ರೋಡೀಕರಿಸಿ ಕೋವಿಡ್ ವ್ಯಾಕ್ಸಿನ್‌ ಟ್ರ್ಯಾಕರ್ ಕಾರ್ಯ ನಿರ್ವಹಿಸಲಿದೆ’ ಎಂದಿದ್ದಾರೆ
