ಕೋಲ್ಕತಾ: ಪಶ್ಚಿಮ ಬಂಗಾಳದ ನದಿಯಿಂದ ಹಿಡಿದ 52 ಕೆಜಿ ತೂಕದ ಬೃಹತ್ ಮೀನನ್ನು ಮಾರಾಟ ಮಾಡಿದ ನಂತರ ವೃದ್ಧ ಬಡ ಮಹಿಳೆಯೊಬ್ಬಳು ರಾತ್ರಿ ಬೆಳಗಾಗುದರ ಒಳಗಾಗಿ ಶ್ರೀಮಂತಳಾಗಿದ್ದಾಳೆ.
ವರದಿಗಳ ಪ್ರಕಾರ ಪಶ್ಚಿಮ ಬಂಗಾಳದ ಸಾಗರ್ ದ್ವೀಪದ ಚಕ್ಫುಲ್ಡುಬಿ ಗ್ರಾಮದ ನಿವಾಸಿ ಪುಷ್ಪಾ ಕಾರ್ ನದಿಯಿಂದ ದೈತ್ಯ ಮಿನನ್ನು ಹಿಡಿದಿದ್ದರು. ಈ ಮೀನು ಸ್ಥಳೀಯ ಮಾರುಕಟ್ಟೆಯಲ್ಲಿ ಪ್ರತಿ ಕಿಲೋಗ್ರಾಂಗೆ 6,200ಗೆ ಮಾರಾಟ ಮಾಡುವ ಮೂಲಕ ಒಟ್ಟು 30000 ರೂ.ಗೆ ಮಾರಾಟವಾಗಿದೆ.
ಸಗಟು ಮಾರುಕಟ್ಟೆಯಲ್ಲಿ ಮಾರಾಟ ಮಾಡುವ ಮೂಲಕ ಮೂರು ಲಕ್ಷ ರೂಪಾಯಿ ದೊರೆತ ಆಕೆಗೆ ಜಾಕ್ಪಾಟ್ ಹೊಡೆದಂತೆ ಆಗಿದೆ ಎಂದು ಪುಷ್ಪಾ ಹೇಳಿದ್ದಾರೆ.
ನನ್ನ ಜೀವನದಲ್ಲಿ ಇಂತಹ ದೈತ್ಯ ಮೀನನ್ನು ನಾನು ನೋಡಿಲ್ಲ. ಇದನ್ನು ಬಂಗಾಳಿ ಭಾಷೆಯಲ್ಲಿ ಭೋಲಾ ಮೀನು ಎಂದು ಕರೆಯಲಾಗುತ್ತದೆ ಎಂದು ಬಡ ವೃದ್ಧೆ ಹೇಳಿದರು.
ಸ್ಥಳೀಯರ ಪ್ರಕಾರ ಮೀನಿನ ಗಾತ್ರ ಮತ್ತು ಅದರಿಂದ ಪಡೆದ ಮೊತ್ತ ಎರಡು ದೊಡ್ಡದಾಗಿದೆ. ಮೀನನ್ನು ನದಿಯಿಂದ ಎಳೆದು ಹಳ್ಳಿಗೆ ತರಲು ಮಹಿಳೆ ಸಾಕಷ್ಟು ಪ್ರಯತ್ನ ಪಡಬೇಕಾಯಿತು. ಸ್ಥಳೀಯರ ಸಹಾಯದಿಂದ ಮೀನನ್ನು ಮಾರುಕಟ್ಟೆಗೆ ತರಲು ಸಾಧ್ಯವಾಯಿತು.
ಹಡಗೊಂದಕ್ಕೆ ಡಿಕ್ಕಿ ಹೊಡೆದ ಕಾರಣ ಮೀನು ಸಾವನ್ನಪ್ಪಿರಬಹುದು ಎಂದು ಗ್ರಾಮಸ್ಥರೊಬ್ಬರು ತಿಳಿಸಿದ್ದಾರೆ.