ಶ್ರೀಲಂಕಾಕ್ಕೆ ತುರ್ತು 100 ಟನ್ ನ್ಯಾನೊ ರಸಗೊಬ್ಬರ ಕಳುಹಿಸಿದ ಭಾರತ

ರಸಗೊಬ್ಬರಗಳ ಕೊರತೆ ಎದುರಿಸುತ್ತಿರುವ ಶ್ರೀಲಂಕಾಕ್ಕೆ ಭಾರತ ತುರ್ತು 100 ಟನ್ ನ್ಯಾನೊ ಗೊಬ್ಬರವನ್ನು ಕಳುಹಿಸಿದೆ.
ಶ್ರೀಲಂಕಾ ಸರ್ಕಾರದ ಮನವಿ ಮೇರೆಗೆ ಭಾರತೀಯ ವಾಯುಪಡೆಯ ಎರಡು ಗ್ಲೋಬ್ ಮಾಸ್ಟರ್ ವಿಮಾನಗಳಲ್ಲಿ 1,00,000 ಕೆ.ಜಿ ನ್ಯಾನೋ ರಸಗೊಬ್ಬರವನ್ನು ಶ್ರೀಲಂಕಾಕ್ಕೆ ಕಳುಹಿಸಲಾಗಿದೆ.

ಶ್ರೀಲಂಕಾ ಸರ್ಕಾರ ಮೇ ತಿಂಗಳಿನಲ್ಲಿ ಚೀನಾದ ರಸಗೊಬ್ಬರ ಆಮದನ್ನು ಹಠಾತ್ ನಿಷೇಧಿಸುವಂತೆ ನಿರ್ಧಾರ ಮಾಡಿತ್ತು.
ಇತ್ತೀಚೆಗೆ ಚೀನಾದಿಂದ ಆಮದು ಮಾಡಿಕೊಂಡಿದ್ದರ ರಸಗೊಬ್ಬರದ ಗುಣಮಟ್ಟ ಕಳಪೆಯಾಗಿತ್ತು ಎಂಬ ವರದಿಗಳ ಹಿನ್ನೆಲೆಯಲ್ಲಿ ಭಾರತದ ಈ ನಡೆ ತೀವ್ರ ಮಹತ್ವ ಪಡೆಯುತ್ತದೆ.