ಅಫ್ಘಾನಿಸ್ತಾನದ ಪರಿಸ್ಥಿತಿಯಿಂದ ಲಾಭ ಪಡೆಯಲು ಚೀನಾ ಪ್ಲಾನ್.. ತಾಲಿಬಾನ್ ಭೇಟಿಯಾದ ರಾಯಭಾರಿ

ಕಾಬೂಲ್‌ ; ಅಫ್ಘಾನಿಸ್ತಾನವನ್ನ ತಾಲಿಬಾನಿಗಳು ವಶಪಡಿಸಿಕೊಂಡು ಸರ್ಕಾರ ರಚಿಸಲು ಮುಂದಾದ ಬೆನ್ನಲ್ಲೇ ಚೀನಾ ತಾಲಿಬಾನ್ ಆಡಳಿತದ ಅಫ್ಘಾನಿಸ್ತಾನಕ್ಕೆ ಚೀನಾ ಹಣಕಾಸಿನ ನೆರವು ನೀಡೋದಾಗಿ ಹೇಳಿತ್ತು. ಈ ಬೆನ್ನಲ್ಲೇ ಇದೀಗ ಚೀನಾ ರಾಯಭಾರಿಗಳು ಇಂದು ತಾಲಿಬಾನ್ ಸಂಘಟನೆಯ ಸದಸ್ಯರನ್ನ ಭೇಟಿಯಾಗಿದ್ದಾರೆ. ತಾಲಿಬಾನ್​ನ ವಕ್ತಾರರು ಹೇಳಿರುವ ಪ್ರಕಾರ ಕತಾರ್​ನಲ್ಲಿರುವ ತಾಲಿಬಾನ್​ನ ರಾಜಕೀಯ ಕಚೇರಿಯ ಮುಖಂಡ ಅಬ್ದುಲ್ ಸಲಮ್ ಹನಾಫಿಯವರು ಚೀನ ರಾಯಭಾರಿ ವಾಂಗ್ ಯು ಅವರನ್ನ ಭೇಟಿಯಾಗಿ ರಾಯಭಾರ ಕಚೇರಿಗೆ ಭದ್ರತೆ ನೀಡುವ ಕುರಿತು ಮಾತನಾಡಿದ್ದಾರೆ ಎನ್ನಲಾಗಿದೆ.
ಇನ್ನು ಮತ್ತೊಂದು ಪ್ರಮುಖ ವಿಚಾರವೆಂದರೆ ಕಾಬೂಲ್​ನ್ನು ಅಪ್ಘಾನಿಸ್ತಾನ ತನ್ನ ಕೈಸೆರೆ ಮಾಡಿಕೊಳ್ಳುತ್ತಿದ್ದಂತೆಯೇ ಇತರೆ ದೇಶಗಳು ಅಲ್ಲಿನ ರಾಯಭಾರಿ ಕಚೇರಿಗಳನ್ನ ಖಾಲಿಮಾಡಿವೆ. ಆದ್ರೆ ರಷ್ಯಾ ಮತ್ತು ಚೀನಾದ ರಾಯಭಾರಿ ಕಚೇರಿಗಳೂ ಈಗಲೂ ಕಾಬೂಲ್​ನಲ್ಲಿ ಎಂದಿನಂತೆ ಕಾರ್ಯನಿರ್ವಹಿಸುತ್ತಿವೆ. ಇನ್ನು ಇತ್ತೀಚೆಗೆ ಚೀನಾ ತಾಲಿಬಾನ್​ನ್ನು ಅಫ್ಘಾನಿಸ್ತಾನದ ನ್ಯಾಯಯುತ ಆಡಳಿತವನ್ನಾಗಿ ಗುರುತಿಸುತ್ತೇವೆ ಎಂದು ಹೇಳಿಕೆ ನೀಡಿದ್ದನ್ನೂ ಇಲ್ಲಿ ಗಮನಿಸಬಹುದು.ನಿನ್ನೆಯಷ್ಟೇ ಚೀನಾ ಅಫ್ಘಾನಿಸ್ತಾನದ ಸದ್ಯದ ಪರಿಸ್ಥಿತಿಗೆ ಅಮೆರಿಕಾವನ್ನು ದೂಷಿಸಿತ್ತು. ಜೊತೆಗೆ ಅಫ್ಘಾನಿಸ್ತಾನಕ್ಕೆ ಹಣಕಾಸಿನ ನೆರವು ನೀಡೋದಾಗಿ ಹೇಳಿತ್ತು.