News Karnataka Kannada
Sunday, April 14 2024
Cricket
ವಿದೇಶ

ವಧು-ವರರಿಬ್ಬರೂ ಪರಸ್ಪರ ತಾಳಿ ಕಟ್ಟಿಕೊಂಡ ಫೋಟೋ ವೈರಲ್; ಸ್ತ್ರೀ ಸಮಾನತೆ ಎಂದ ವರ

Photo Credit :

ವಧು-ವರರಿಬ್ಬರೂ ಪರಸ್ಪರ ತಾಳಿ ಕಟ್ಟಿಕೊಂಡ ಫೋಟೋ ವೈರಲ್; ಸ್ತ್ರೀ ಸಮಾನತೆ ಎಂದ ವರ

ಹೆಣ್ಣು ಹಾಗೂ ಗಂಡಿನ ನಡುವೆ ಸಮಾನತೆ ಇರಬೇಕು ಎಂದು ಹಲವಾರು ಮಂದಿ ಹೇಳುತ್ತಾರೆ. ಹಾಗೂ ಈ ಸಮಾನತೆಯನ್ನು ಪ್ರತಿಪಾದಿಸಲು ಅನೇಕ ಕೆಲಸಗಳನ್ನು ಮಾಡುತ್ತಾರೆ. ಆದರೆ ಮದುವೆಯ ರೀತಿ ರಿವಾಜುಗಳಲ್ಲು ಸಮಾನತೆಯನ್ನು ಕಾಣುವವರು ಕೆಲವೇ ಕೆಲವು ಮಂದಿ.

 

ಹೌದು, ಮದುವೆಯಲ್ಲಿ ವಧು-ವರರಿಬ್ಬರೂ ಪರಸ್ಪರ ಹಾರ ಬದಲಿಸಿಕೊಳ್ಳುತ್ತಾರೆ ಹೊರತು ಮಂಗಲಸೂತ್ರವನ್ನು ಪರಸ್ಪರರಿಗೆ ಕಟ್ಟಿಕೊಳ್ಳುವುದಿಲ್ಲ. ಆದರೆ ಇಲ್ಲೊಂದು ಜೋಡಿ ಮಂಗಲಸೂತ್ರವನ್ನೂ ಪರಸ್ಪರರು ಕಟ್ಟಿಕೊಂಡಿದ್ದಾರೆ. ಅಂದರೆ ವಧು ಮಾತ್ರವಲ್ಲ ವರನಿಗೂ ಮಂಗಲಸೂತ್ರ ಧಾರಣೆಯಾಗಿದೆ. 

 

ಇದೊಂದು ವಿಭಿನ್ನ ಮದುವೆ. ಯಾಕೆ ಹುಡುಗಿಯವರು ಮಾತ್ರ ಮಂಗಲಸೂತ್ರ ಕಟ್ಟಿಕೊಳ್ಳಬೇಕು ಎಂಬುದು ವರನ ವಾದ. ಇಂತಹ ವಿಚಿತ್ರವಾಗಿ ಮದುವೆಯಾಗಿರುವ ಜೋಡಿ ತನುಜಾ ಮತ್ತು ಶಾರ್ದೂಲ್​. 

 

ಶಾರ್ದೂಲ್​ರ ಈ ನಿರ್ಧಾರದಿಂದ ಮನೆಯವರು, ಸಂಬಂಧಿಕರೆಲ್ಲ ಅಚ್ಚರಿಗೆ ಒಳಗಾಗುತ್ತಾರೆ. ಮಹಿಳಾ ಸಮಾನತೆಯನ್ನು ನಂಬಿಕೊಂಡು ಬಂದಿರುವ ನಾನು ಮಂಗಲಸೂತ್ರ ಧರಿಸುವವನೇ ಎಂದು ಪಟ್ಟುಹಿಡಿಯುತ್ತಾರೆ. ಯಾರು ಏನೇ ಹೇಳಿದರೂ ಕೇಳುವುದಿಲ್ಲ. ಅಷ್ಟೇ ಅಲ್ಲ, ಕೆಲವು ಸಂಪ್ರದಾಯದ ಪ್ರಕಾರ ವಧುವಿನ ಮನೆಯವರೇ ಮದುವೆಯ ಎಲ್ಲ ವೆಚ್ಚವನ್ನೂ ಭರಿಸಬೇಕಾಗುತ್ತದೆ. ಆದರೆ ಶಾರ್ದೂಲ್​ ಅದರಲ್ಲೂ ದೊಡ್ಡತನ ತೋರುತ್ತಾರೆ. ತನುಜಾ ಮನೆಗೆ ಹೋಗಿ, ವಿವಾಹದ ಎಲ್ಲ ಖರ್ಚನ್ನೂ ವಿಭಜಿಸಿಕೊಳ್ಳೋಣ ಎಂದು ಹೇಳುತ್ತಾರೆ.

 

ಇವರ ಮದುವೆ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರಂತೂ ಸಿಕ್ಕಾಪಟೆ ಟ್ರೋಲ್ ಮಾಡಿದ್ದಾರೆ. ಸೀರೆ ಉಟ್ಟೇ ಕುಳಿದುಕೊಳ್ಳಬೇಕಾಗಿತ್ತು ಎಂದು ಹೇಳಿದ್ದಾರೆ. ಆದರೆ ಅದ್ಯಾವುದಕ್ಕೂ ಈ ಜೋಡಿ ತಲೆ ಕೆಡಿಸಿಕೊಂಡಿಲ್ಲ. ಇವತ್ತಿಗೂ ಟ್ರೋಲ್ ಆಗುತ್ತಿದ್ದೇವೆ. ಅದೇನೂ ಸಮಸ್ಯೆಯಿಲ್ಲ. ನನಗೆ ಹೆಣ್ಣುಮಕ್ಕಳ ಮನಸು ಅರ್ಥವಾಗುತ್ತದೆ. ಅವರ ಭಾವನೆಯನ್ನು ನಾನು ಗೌರವಿಸುತ್ತೇನೆ ಎಂದು ಶಾರ್ದೂಲ್ ಹೇಳಿದ್ದಾರೆ. ಇವರ ಮದುವೆಯಾಗಿ ನಾಲ್ಕು ತಿಂಗಳಾಗಿದ್ದು, ಅಂದು ತನುಜಾ ಕೈಯ್ಯಲಿ ಕಟ್ಟಿಸಿಕೊಂಡ ತಾಳಿಯನ್ನು ಇಂದಿಗೂ ಶಾರ್ದೂಲ್ ತೆಗೆದಿಲ್ಲ.

 

 

 

 

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
205

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು