News Karnataka Kannada
Tuesday, April 23 2024
Cricket
ವಿದೇಶ

ಮಾಸ್ಕ್‌ ಹಾಕಿ ಎಂದಿದಕ್ಕೆ PDO ಮೇಲೆಯೇ ಹಲ್ಲೆ

Photo Credit :

 ಮಾಸ್ಕ್‌ ಹಾಕಿ ಎಂದಿದಕ್ಕೆ PDO ಮೇಲೆಯೇ ಹಲ್ಲೆ

ಮಂಗಳೂರು: ಕ್ರಿಕೆಟ್‌ ಮೈದಾನದಲ್ಲಿ ನಿಂತು ಚರ್ಚಿಸುತ್ತಿದ್ದ ಗುಂಪೊಂದರ ಬಳಿ ತೆರಳಿ ‘ಮಾಸ್ಕ್‌ ಹಾಕಿ’ ಎಂದು ಸಲಹೆ ನೀಡಿದಕ್ಕೆ ಯುವಕರ ತಂಡವೊಂದು ಪಂಚಾಯಿತಿ ಪಿಡಿಓ ಅವರ ಮೇಲೆ ಹಲ್ಲೆ ನಡೆಸಿದ ಘಟನೆ ಮಲ್ಲೂರು ಬದ್ರಿಯಾ ನಗರದಲ್ಲಿ ಮಂಗಳವಾದ ನಡೆದಿದೆ.ಮಲ್ಲೂರು ಗ್ರಾಮ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ರಾಜೇಂದ್ರ ಶೆಟ್ಟಿ (45) ಅವರೇ ಹಲ್ಲೆಗೊಳಗಾದವರು. ಮಂಗಳವಾರ ಮಧ್ಯಾಹ್ನ 2 ಗಂಟೆ ಸುಮಾರಿಗೆ ಪಿಡಿಓ ರಾಜೇಂದ್ರ ಶೆಟ್ಟಿ ಅವರು ಬದ್ರಿಯಾ ನಗರದಿಂದ ಉಳಾಯಿಬೆಟ್ಟು ಕಡೆಗೆ ಹೋಗುತ್ತಿದ್ದರು. ಈ ಸಂದರ್ಭ ಬದ್ರಿಯಾನಗರ ಕ್ರಿಕೆಟ್‌ ಮೈದಾನದಲ್ಲಿ ಯುವಕರ ತಂಡವೊಂದು ಗುಂಪು ಸೇರಿ ಚರ್ಚಿಸುತ್ತಿದ್ದರು.
ಈ ವೇಳೆ ಆ ಪ್ರದೇಶಕ್ಕೆ ತೆರಳಿದ ಪಿಡಿಓ ‘ ಮಾಸ್ಕ್‌ ಹಾಕಿ.. ಸಾಮಾಜಿಕ ಅಂತರವನ್ನು ಪಾಲಿಸಿ’ ಎಂದು ಯುವಕರಿಗೆ ಸಲಹೆ ನೀಡಿದ್ದಾರೆ. ಇದನ್ನು ಯುವಕರ ತಂಡ ನಿರ್ಲಕ್ಷಿಸಿದ್ದು, ಇದರಿಂದ ಬೇಸತ್ತ ಪಿಡಿಓ ಅವರು ಮೊಬೈಲ್‌ನಿಂದ ಫೋಟೋ ಕ್ಲಿಕ್ಕಿಸಿ ಮರಳಿ ಪಂಚಾಯಿತಿಯತ್ತ ತೆರಳಿದ್ದಾರೆ.ಇದರಿಂದ ಕ್ಷುದ್ರಗೊಂಡ ಯುವಕರು ನೇರವಾಗಿ ಮಲ್ಲೂರು ಪಂಚಾಯಿತಿ ಬಳಿ ತೆರಳಿ, ಪಿಡಿಓ ಅವರ ಮೊಬೈಲ್‌ ಕಸಿದು ಫೋಟೋ ಡಿಲೀಟ್‌ ಮಾಡಿದ್ದಲ್ಲದೆ, ಗಂಭೀರ ಹಲ್ಲೆ ನಡೆಸಿದ್ದಾರೆ. ಈ ಘಟನೆಯಿಂದ ಪಂಚಾಯಿತಿ ಸಿಬ್ಬಂದಿ ಆತಂಕಕ್ಕೊಳಗಾಗಿದ್ದಾರೆ. ಸ್ಥಳೀಯರು ಕೂಡಲೇ ರಾಜೇಂದ್ರ ಶೆಟ್ಟಿ ಅವರನ್ನು ವೆನ್ಲಾಕ್‌ ಆಸ್ಪತ್ರೆಗೆ ಕರೆದೊಯ್ದು ಪ್ರಾಥಮಿಕ ಚಿಕಿತ್ಸೆ ಕೊಡಿಸಿದ್ದಾರೆ.
ವಿಷಯ ತಿಳಿದ ಮಂಗಳೂರು ಗ್ರಾಮಾಂತರ ಠಾಣಾ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ. ಹಲ್ಲೆಯಲ್ಲಿ ಸುಮಾರು 5 ಮಂದಿಯ ತಂಡವಿದ್ದು, ಆರೋಪಿಗಳ ಬೈಕ್‌ ನಂಬರ್‌ ಮತ್ತು ಮಾಹಿತಿ ಲಭಿಸಿದೆ. ಈ ನಿಟ್ಟಿನಲ್ಲಿಆರೋಪಿಗಳಿಗೆ ಶೋಧ ನಡೆಯುತ್ತಿದೆ. ಮಂಗಳೂರು ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
145

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು