News Karnataka Kannada
Sunday, April 14 2024
Cricket
ವಿದೇಶ

ಭಾರತದಲ್ಲಿ ಮುಂದಿನ ವರ್ಷ ಲಭ್ಯವಾಗಲಿದೆ ಮಾಡರ್ನಾ ಲಸಿಕೆ

Photo Credit :

ಭಾರತದಲ್ಲಿ ಮುಂದಿನ ವರ್ಷ ಲಭ್ಯವಾಗಲಿದೆ ಮಾಡರ್ನಾ ಲಸಿಕೆ

ನವದೆಹಲಿ, : ಮಾಡರ್ನಾ ಇಂಕ್ ಸಂಸ್ಥೆ ಮುಂದಿನ ವರ್ಷ ಭಾರತದಲ್ಲಿ ತನ್ನ ಒಂದು ಡೋಸ್‌ನ ಕೊರೊನಾ ಲಸಿಕೆ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಈ ಕುರಿತು ಸಂಸ್ಥೆಯು ಸಿಪ್ಲಾ ಸೇರಿದಂತೆ ಹಲವು ಭಾರತೀಯ ಔಷಧ ತಯಾರಕ ಕಂಪನಿಗಳೊಂದಿಗೆ ಮಾತುಕತೆ ನಡೆಸುತ್ತಿರುವುದಾಗಿ ತಿಳಿದುಬಂದಿದೆ.
12 ರಿಂದ 17ರ ವಯೋಮಾನದವರಿಗೂ ತನ್ನ ಕೊರೊನಾ ಲಸಿಕೆ ಪ್ರಭಾವಕಾರಿ ಎಂದು ಸಂಸ್ಥೆ ಮಂಗಳವಾರ ಘೋಷಣೆ ಮಾಡಿದೆ. ವೈದ್ಯಕೀಯ ಪ್ರಯೋಗದಲ್ಲಿ ಸುರಕ್ಷತಾ ಸಂಬಂಧಿ ಯಾವುದೇ ಸಮಸ್ಯೆಗಳು ಕಂಡುಬಂದಿಲ್ಲ. ಜುಲೈನಲ್ಲಿ ಶಾಲಾ ಮಕ್ಕಳಿಗೆ ಲಸಿಕೆ ಅಭಿವೃದ್ಧಿ ಕುರಿತು ಪ್ರಯೋಗ ಆರಂಭಿಸಲಾಗುವುದು ಎಂದು ತಿಳಿಸಿದೆ. ಅಮೆರಿಕದ ಆಹಾರ ಹಾಗೂ ಔಷಧ ಸಂಸ್ಥೆಗೆ ಈ ಕುರಿತು ತನ್ನ ಅಧ್ಯಯನ ಪ್ರಸ್ತುತಪಡಿಸಿ ಲಸಿಕೆ ತುರ್ತು ಬಳಕೆಗೆ ಅನುಮೋದನೆ ಕೋರುವುದಾಗಿ ತಿಳಿಸಿದೆ.
ಸಂಸ್ಥೆಯು 12-17 ವಯಸ್ಸಿನ 3700 ಮಂದಿಯ ಅಧ್ಯಯನ ನಡೆಸಿದ್ದು, ಅಧ್ಯಯನದಲ್ಲಿ ವಯಸ್ಕರಂತೆಯೇ ಮಕ್ಕಳಲ್ಲಿ ಕೊರೊನಾ ಲಸಿಕೆಗಳು ರೋಗನಿರೋಧಕ ಶಕ್ತಿ ಹೆಚ್ಚಿಸಲಿವೆ ಎಂಬುದು ಸಾಬೀತಾಗಿದೆ. ಅದೇ ರೀತಿ, ತಲೆ ನೋವು, ಕೈಗಳ ಊತ, ಸುಸ್ತಿನಂಥ ಅಡ್ಡ ಪರಿಣಾಮಗಳೂ ಸಹಜವಾಗಿರುತ್ತವೆ ಎಂದು ಹೇಳಿದೆ. ಭಾರತಕ್ಕೆ ಈ ವರ್ಷ ಲಸಿಕೆ ಪೂರೈಕೆಗೆ ತಮ್ಮ ಬಳಿ ದಾಸ್ತಾನು ಇಲ್ಲ ಎಂದು ಮಾಡರ್ನಾ ಹೇಳಿದ್ದು, ಸಣ್ಣ ಮಟ್ಟದಲ್ಲಿ ಜಾನ್ಸನ್ ಅಂಡ್ ಜಾನ್ಸನ್ ಲಸಿಕೆಗಳನ್ನು ಪೂರೈಸುತ್ತಿದೆ ಎಂದು ತಿಳಿಸಿದೆ.
ಕೊರೊನಾ ಎರಡನೇ ಅಲೆ ಭೀಕರತೆ ಎದುರಿಸುತ್ತಿರುವ ದೇಶಗಳಿಗೆ ತುರ್ತು ಲಸಿಕೆ ಪೂರೈಕೆ ಹಾಗೂ ಜಾಗತಿಕ ಹಾಗೂ ರಾಷ್ಟ್ರೀಯ ಮಟ್ಟದಲ್ಲಿ ಲಸಿಕೆಗಳ ಲಭ್ಯತೆ ಕುರಿತು ಕಳೆದ ವಾರ ಕ್ಯಾಬಿನೆಟ್ ಕಾರ್ಯದರ್ಶಿ ಅಧ್ಯಕ್ಷತೆಯಲ್ಲಿ ಎರಡು ಸುತ್ತಿನ ಉನ್ನತ ಮಟ್ಟದ ಸಭೆ ನಡೆದಿದೆ. ಈ ಸಂದರ್ಭ ಮಾಡರ್ನಾ ಮಾಹಿತಿ ನೀಡಿದೆ. ಭಾರತದೊಂದಿಗೆ ಹಂಚಿಕೊಳ್ಳಲು ಮಾಡರ್ನಾ ಸಂಸ್ಥೆಯಲ್ಲಿ ಹೆಚ್ಚಿನ ಲಸಿಕೆಗಳು ಲಭ್ಯವಿಲ್ಲ. 2022ರಲ್ಲಿ ತನ್ನ ಏಕ ಡೋಸ್ ಲಸಿಕೆಯನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಬಹುದು ಎಂದು ಸಭೆಯಲ್ಲಿ ತಿಳಿಸಿದೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
145

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು