News Karnataka Kannada
Tuesday, April 16 2024
Cricket
ವಿದೇಶ

ಉಸಿರಾಟಕ್ಕೆ ಪ್ರೆಷರ್‌ ಕುಕರ್‌ ಹಬೆ ಬಳಸುವ ಪೋಲೀಸರು

Photo Credit :

ಉಸಿರಾಟಕ್ಕೆ ಪ್ರೆಷರ್‌ ಕುಕರ್‌ ಹಬೆ ಬಳಸುವ ಪೋಲೀಸರು

ಬೆಂಗಳೂರು : ಕೊರೋನಾ ದಿನೇ ದಿನೇ ತನ್ನ ಕಬಂಧ ಬಾಹುಗಳನ್ನು ಚಾಚುತ್ತಲೇ ಮಾರಣ ಹೋಮ ನಡೆಸುತ್ತಿದೆ. ಇತ್ತ ವೈದ್ಯರು ಪ್ರತಿಯೊಬ್ಬರಿಗೂ ತಮ್ಮ ಜೀವನಕ್ರಮದಲ್ಲಿ ಆರೋಗ್ಯದ ಹಿತದೃಷ್ಟಿಯಿಂದ ವ್ಯಾಯಾಮವನ್ನು ಮಾಡುವಂತೆ ಸೂಚಿಸಿದ್ದಾರೆ. ವ್ಯಾಯಾಮದ ಮಹತ್ವ ಅರಿತ ಕೆಲವರು ಮನೆಯಲ್ಲೇ ಪ್ರಾಣಾಯಾಮ ಸೇರಿದಂತೆ ಯೋಗ, ವರ್ಕೌಟ್ ಮಾಡುತ್ತಿದ್ದಾರೆ. ಆಹಾರದಲ್ಲೂ ಜಾಗೃತಿ ವಹಿಸಿದ್ದಾರೆ. ಆದರೆ ಕರ್ನಾಟಕ ರಾಜಧಾನಿ ಬೆಂಗಳೂರಿನ ಸರ್ಜಾಪುರ ಪೊಲೀಸರು ಒಂದು ಹೆಜ್ಜೆ ಮುಂದೆ ಹೋಗಿ ವಿಭಿನ್ನ ಆಲೋಚನೆ ಮಾಡಿದ್ದಾರೆ. ಈ ಠಾಣೆಯ ಪೊಲೀಸರು ಪ್ರೆಶರ್ ಕುಕ್ಕರ್ ಸುತ್ತಲೂ ನಿಂತು ಹಬೆಯನ್ನು ತೆಗೆದುಕೊಳ್ಳುವ ಮೂಲಕ ಪ್ರೆಶರ್ ಕುಕ್ಕರ್ ಉಸಿರಾಟದ ಸಾಧನವಾಗಿ ಮಾಡಿಕೊಂಡಿದ್ದಾರೆ. ಇದರ ಹೊರತಾಗಿ ಕೋವಿಡ್ ತಡೆಗಟ್ಟಲು ಪ್ರಾಣಾಯಾಮ, ಕಷಾಯ, ಜಿಂಕ್ ಮಾತ್ರೆಗಳನ್ನು ಪಡೆದುಕೊಳ್ಳುತ್ತಾರೆ.
ಪ್ರೆಶರ್ ಕುಕ್ಕರ್‌ನಲ್ಲಿ ಬಿಸಿ ನೀರನ್ನು ತುಂಬಿಸಬೇಕು. ನಂತರ ಆ ಬಿಸಿ ನೀರಿಗೆ ಔಷಧದ ಗಿಡಮೂಲಿಕೆಗಳು, ಬೇವಿನ ಎಲೆಗಳು, ತುಳಸಿ, ನೀಲಗಿರಿ ಎಲೆಗಳನ್ನು ಸೇರಿಸಬೇಕು. ನಂತರ ಅವೆಲ್ಲವೂ ಕುದ್ದು ಹೊರ ಬರುವ ಹಬೆಯನ್ನು ಪೊಲೀಸರು ಟ್ಯೂಬ್ ಮೂಲಕ ತೆಗೆದುಕೊಳ್ಳುತ್ತಾರೆ.ಇನ್‌ಹೇಲಿಂಗ್ ಪ್ರೆಶರ್ ಕುಕ್ಕರ್ ಸ್ಟೀಲ್ ಪೈಪ್ ಮತ್ತು ಒಂದು ಜೋಡಿ ದ್ವಾರಗಳನ್ನು ಹೊಂದಿದ್ದು, ಒಂದು ಸಮಯದಲ್ಲಿ ಇಬ್ಬರು ಪೊಲೀಸ್ ಅಧಿಕಾರಿಗಳಿಗೆ ಉಸಿರಾಡಲು ಸಹಾಯ ಮಾಡುತ್ತದೆ ಎಂದು ಠಾಣೆಯ ಉಸ್ತುವಾರಿ ಪೊಲೀಸ್ ಹರೀಶ್ ವಿ ಮಾಧ್ಯಮಕ್ಕೆ ಮಾಹಿತಿ ನೀಡಿದರು. ಪೊಲೀಸರು ತಮ್ಮ ಪಾಳಿ ಮುಗಿಸಿಕೊಂಡು ಹೋಗುವ ಮೊದಲು ಪ್ರೆಶರ್ ಕುಕ್ಕರ್ ಹಬೆಯನ್ನು ತೆಗೆದುಕೊಂಡು ಹೋಗಬೇಕು. ಪೊಲೀಸರಿಗೆ ಕೆಲವೊಮ್ಮೆ ತಮ್ಮ ಮತ್ತು ಅವರ ಕುಟುಂಬಗಳಿಗೆ ಜಿಂಕ್ ಮಾತ್ರೆಗಳನ್ನು ಸಹ ನೀಡಲಾಗುತ್ತದೆ. ಆದರೆ ಪ್ರೆಶರ್ ಕುಕ್ಕರ್ ಅವರಿಗೆ ನಿಯಮಿತವಾಗಿ ಉಸಿರಾಡುವ ವ್ಯಾಯಾಮ ಸಾಧನವಾಗಿ ಮಾರ್ಪಟ್ಟಿದೆ.
ಮಂಗಳೂರಿನ ಬಾರ್ಕೆ ಪೊಲೀಸ್ ಠಾಣೆಯಲ್ಲೂ ಸಹ ಈ ರೀತಿಯಾಗಿ ಹಬೆಯನ್ನು ತೆಗೆದುಕೊಳ್ಳುತ್ತಿದ್ದಾರೆ. ಇಲ್ಲಿ ಸಿಬ್ಬಂದಿ ನಾಲ್ಕು ದ್ವಾರಗಳನ್ನು ಹೊಂದಿರುವ ಉಕ್ಕಿನ ಪೈಪ್ ಅನ್ನು ಜೋಡಿಸಿ ಮರದ ಚೌಕಟ್ಟಿನಲ್ಲಿ ಕಟ್ಟಿದ್ದರು. ಮೂರು ದ್ವಾರಗಳ ಉಗಿಯನ್ನು ಉಸಿರಾಡಲು ಬಳಸಬಹುದು ಮತ್ತು ನಾಲ್ಕನೆಯದನ್ನು ಪ್ರೆಶರ್ ಕುಕ್ಕರ್‌ಗೆ ಸಂಪರ್ಕಿಸಲಾಗಿದೆ.
ಈ ಸಾಧನವು ಇನ್ಸ್‍ಪೆಕ್ಟರ್ ಜ್ಯೋರ್ತಿಲಿಂಗ ಹೊನಕಟ್ಟಿಯವರ ಮೆದುಳಿನ ಕೂಸು ಎಂದು ಕರೆದಿದ್ದಾರೆ. ಕಳೆದ ವರ್ಷ ಅವರು ಬೆಳಗಾವಿಯಲ್ಲಿ ಇದನ್ನು ತಯಾರಿಸಿದ್ದಾರೆ. ಚಿತ್ರದುರ್ಗ, ಶಿವಮೊಗ್ಗ ಮತ್ತು ಹಾವೇರಿ ಜಿಲ್ಲೆಗಳಲ್ಲಿನ ಅನೇಕ ಇತರ ಪೊಲೀಸ್ ಠಾಣೆಗಳು ಸಹ ತಮ್ಮ ಕಚೇರಿಗಳಲ್ಲಿ ಇದೇ ರೀತಿಯ ಉಸಿರಾಡುವ ವ್ಯಾಯಾಮವನ್ನು ಪ್ರಾರಂಭಿಸಲು ಪ್ರೇರಣೆ ನೀಡಿವೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
145

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು