News Karnataka Kannada
Wednesday, April 24 2024
Cricket
ವಿದೇಶ

ಈ ಸರ್ಕಾರವನ್ನು ತಂದಿದ್ದಕ್ಕೆ ವ್ಯಥೆಯಾಗುತ್ತಿದೆ ಎಂದು ಟೀಕಿಸಿದ ಹೆಚ್.ವಿಶ್ವನಾಥ್

Photo Credit :

  ಈ ಸರ್ಕಾರವನ್ನು ತಂದಿದ್ದಕ್ಕೆ ವ್ಯಥೆಯಾಗುತ್ತಿದೆ ಎಂದು ಟೀಕಿಸಿದ  ಹೆಚ್.ವಿಶ್ವನಾಥ್

ಮೈಸೂರು: ಇಂತಹ ಸರ್ಕಾರವನ್ನು ತಂದಿದ್ದಕ್ಕೆ ವ್ಯಥೆಯಾಗುತ್ತಿದೆ ಮತ್ತು ಮುಖ್ಯಮಂತ್ರಿ ಬದಲಾವಣೆ ವಿಚಾರ ಹೈಕಮಾಂಡ್​​ಗೆ ಬಿಟ್ಟಿದ್ದು ಎಂದು ವಿಧಾನ ಪರಿಷತ್ ಸದಸ್ಯ ಹೆಚ್.ವಿಶ್ವನಾಥ್ ತಮ್ಮ ಸರ್ಕಾರದ ವಿರುದ್ಧವೇ ವಾಗ್ದಾಳಿ ನಡೆಸಿದರು.
ಎಂಎಲ್​ಸಿ ಹೆಚ್.ವಿಶ್ವನಾಥ್ ಮಾಧ್ಯಮಗೋಷ್ಠಿಮಾಧ್ಯಮಗೋಷ್ಠಿ ನಡೆಸಿ ಮಾತನಾಡಿದ ಅವರು, ಜಿಂದಾಲ್​​ಗೆ ಭೂಮಿ ಪರಭಾರೆಯ ದೃಢೀಕರಣ ಮಾಡುವುದಕ್ಕೆ ನಾಳೆ ಕ್ಯಾಬಿನೆಟ್ ಮುಂದೆ ಬರಬಹುದು. ಆದ್ದರಿಂದ ಇದಕ್ಕೆ ದೃಢೀಕರಣ ಮಾಡುವುದಕ್ಕೆ ಒಪ್ಪಬಾರದು. 3,667 ಎಕರೆ ಭೂಮಿಯನ್ನು ಕಡಿಮೆ ಬೆಲೆಗೆ ಕೊಡುತ್ತಿರುವುದು ಸರಿಯಲ್ಲ. ಹಿಂದೆ ಭೂಮಿ ಕೊಡುವುದಕ್ಕೆ ಬಿಜಿಪಿ ವಿರೋಧಿಸಿತ್ತು. ಈಗ ಇದೇ ಸರ್ಕಾರ ಜಿಂದಾಲ್​​ಗೆ ಭೂಮಿ ಕೊಡುವುದಕ್ಕೆ ಮುಂದಾಗಿದ್ದು ಸರಿಯಲ್ಲ. ಇಂತ ಸರ್ಕಾರವನ್ನ ತಂದಿದ್ದಕ್ಕೆ ವ್ಯಥೆಯಾಗುತ್ತಿದೆ ಎಂದರು‌.ರಾಜ್ಯದಲ್ಲಿ ಜೂನ್ 7ರ ನಂತರವೂ ಒಂದು ತಿಂಗಳು ಲಾಕ್‌ಡೌನ್ ಮುಂದುವರಿಕೆಗೆ ಮಂತ್ರಿಗಳು ಆಸ್ತಕರಾಗಿದ್ದಾರೆ ಎಂಬುವುದು ಸರಿಯಲ್ಲ. ಲಾಕ್‌ಡೌನ್ ಮುಂದುವರೆಸುವುದಾದರೆ 10 ಸಾವಿರ ರೂ. ಸಹಾಯಧನವನ್ನು ಪ್ರತಿ ಕುಟುಂಬಗಳಿಗೆ ಕೊಟ್ಟು ಲಾಕ್‌ಡೌನ್ ಮಾಡಿ. ನಿಮ್ಮ ರಾಜಕೀಯ ಜಂಜಾಟಗಳಿಂದ ಅಧಿಕಾರ ಉಳಿಸಿಕೊಳ್ಳಲು ಲಾಕ್‌ಡೌನ್ ಮಾಡಿ ಜನರನ್ನು ಬಲಿ‌ ಕೊಡಬೇಡಿ. ಈಗಾಗಲೇ ಕೊರೊನಾ ನಿಯಂತ್ರಣಕ್ಕಾಗಿ ಒಂದು ಆರೋಗ್ಯ ಇಲಾಖೆಯನ್ನು 5 ಭಾಗ ಮಾಡಿದ್ಧೀರಿ. ಹೆಣದ ಮೇಲೆ ಹಣ ಮಾಡಬೇಡಿ. ಲಾಕ್‌ಡೌನ್ ಹೆಸರಿನಲ್ಲಿ ಅಧಿಕಾರ ಉಳಿಸಿಕೊಳ್ಳಲು ಪ್ರಯತ್ನಿಸಬೇಡಿ ಎಂದು ಹೆಚ್.ವಿಶ್ವನಾಥ್ ಹೇಳಿದರು.
ಟಾಸ್ಕ್ ಫೋರ್ಸ್ ಏಕೆ ಬೇಕು?:ಕೋವಿಡ್ ನಿರ್ವಹಣೆಗೆ ಜಿಲ್ಲಾಧಿಕಾರಿಗಳನ್ನು ಬಿಟ್ಟು ಟಾಸ್ಕ್ ಫೋರ್ಸ್ ರಚನೆ ಮಾಡಿರುವುದು ಸರಿಯಲ್ಲ. ಈ ಟಾಸ್ಕ್ ಫೋರ್ಸ್ ವಿಚಾರದಲ್ಲಿ ಮೈಸೂರಿನ ಪಾಲಿಕೆಯ ಆಯುಕ್ತರ ಹೆಗಲ ಮೇಲೆ ಬಂದೂಕು ಇಟ್ಟು ಡಿಸಿಗೆ ಶೂಟ್ ಮಾಡುತ್ತಿದ್ದಾರೆ. ಆ ಮೂಲಕ ಅಧಿಕಾರಿಗಳಲ್ಲಿ ಗೊಂದಲ ಸೃಷ್ಟಿಸುವ ಕೆಲಸ ಮಾಡುತ್ತಿದ್ದಾರೆ. ಇನ್ನು ಮೈಸೂರಿನ ಎಂ.ಜಿ. ರಸ್ತೆಯಲ್ಲಿ ಹಳ್ಳಿಯಿಂದ ಜನಸಾಗರವೇ ಮಾರುಕಟ್ಟೆಗೆ ಬರುತ್ತಿದ್ದು, ಇಲ್ಲಿಂದ ಹಳ್ಳಿಗಳಿಗೆ ಕೊರೊನಾ ತೆಗೆದುಕೊಂಡು ಹೋಗುತ್ತಿದ್ದಾರೆ ಎಂದು ವಿಶ್ವನಾಥ್ ವಾಗ್ದಾಳಿ ನಡೆಸಿದರು.ಕಾಂಗ್ರೆಸ್ ಜಿಂದಾಲ್‌ ವಿಚಾರದಲ್ಲಿ ಬಾಯಿ ಬಿಡುತ್ತಿಲ್ಲ. ಏನಾದರೂ ಕಿಕ್ ಬ್ಯಾಕ್ ಪಡೆದಿದೆಯಾ? ಎಂದು ಕಾಂಗ್ರೆಸ್ ಮತ್ತು ಸಿದ್ದರಾಮಯ್ಯ ವಿರುದ್ಧ ವಾಗ್ದಾಳಿ ನಡೆಸಿದರು‌.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
145

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು