ವಿಶ್ವದಲ್ಲಿ ಅತ್ಯಂತ ಸುದೀರ್ಘ ವರ್ಷ ಬದುಕುವ ಪ್ರಾಣಿ ಎಂದರೆ ಅದು ಆಮೆ. ಆದರೆ ಇಲ್ಲೊಂದು ಮೊಸಳೆ ಈಗ ದೀರ್ಘಕಾಲ ಬದುಕಿರುವ ಪ್ರಾಣಿ ಎಂಬ ಬಿರುದು ಪಡೆದುಕೊಂಡಿದೆ.
ಹೌದು. . . ಸುಮಾರು 700 ಕೆ.ಜಿ ತೂಗುವ ಈ ಬೃಹತ್ ಮೊಸಳೆ 123 ವರ್ಷ ಕಳೆದಿದೆ. ಇದು 16 ಅಡಿ ಉದ್ದವಿದ್ದು ನರಭಕ್ಷಕ ಎಂದು ಕುಖ್ಯಾತಿ ಸಹ ಈ ಮೊಸಳೆಗಿದೆ. ಹೆನ್ರಿ ಎಂದು ಕರೆಯಲಾಗುವ ಈ ಮೊಸಳೆ ನದಿ ತೀರವಾಗಿರುವ ಹಾಗೂ ಯುನೆಸ್ಕೋ ಪಾರಂಪರಿಕ ಪಟ್ಟಿಗಳ ತಾಣವಾಗಿರುವ ಬೋಟ್ಸ್ವಾನಾದ ಒಕಾವಾಂಗೋ ಡೆಲ್ಟಾ ಪ್ರದೇಶದಲ್ಲಿ ಪತ್ತೆಯಾಗಿತ್ತು.
ಇದು 16 ಡಿಸೆಂಬರ್ 1900ರಲ್ಲಿ ಜನಿಸಿದೆ ಎಂದು ಅಂದಾಜಿಸಲಾಗಿದೆ. ಅಲ್ಲಿಂದ ಈ ಮೊಸಳೆಯನ್ನು ತರಲಾಗಿತ್ತು. ಈಗ ಅತ್ಯಂತ ದೊಡ್ಡ ಕೋರೆ ಹಲ್ಲು ಹಾಗೂ ಉದ್ದದ ಬಾಲ ಹೊಂದಿರುವ ಏಕೈಕ ಮೊಸಳೆ ಇದು.
ಸದ್ಯ ಈ ಮೊಸಳೆಗೆ ಬರೊಬ್ಬರಿ 6 ಮಡದಿಯರಿದ್ದು 10 ಸಾವಿರಕ್ಕೂ ಹೆಚ್ಚಿನ ಮಕ್ಕಳನ್ನು ಹೊಂದಿದೆ. 1900 ರ ದಶಕದ ಆರಂಭದಲ್ಲಿ, ಬೋಟ್ಸ್ವಾನಾದ ಸ್ಥಳೀಯ ಬುಡಕಟ್ಟು ಜನಾಂಗದವರಲ್ಲಿ ಹೆನ್ರಿ ಕುಖ್ಯಾತಿ ಗಳಿಸಿತ್ತು. ಬುಡಕಟ್ಟು ಜನರು ಊಟಕ್ಕಾಗಿ ಅಲೆದಾಡುವಾಗ ಹಾಗೂ ನೀರಿನ ಮೂಲ ಹುಡುಕುವಾಗ ಈ ಮೊಸಳೆ ಆ ಬುಡಕಟ್ಟಿನ ಹಲವು ಜನರನ್ನು ತಿಂದುಬಿಟ್ಟಿತ್ತು. ಹೀಗಾಗಿ ಈ ಮೊಸಳೆಯನ್ನ ನರಭಕ್ಷಕ ರಾಕ್ಷಸ ಅಂತಲೇ ಕರೆಯುತ್ತಿದ್ದರು.
ಹೀಗಾಗಿ ಈ ಮೊಸಳೆ ಹಿಡಿಯಬೇಕು ಎಂದು ತಜ್ಞರ ತಂಡ ಯೋಚಿಸಿತ್ತು. ಹೀಗಾಗಿ ಪ್ರಸಿದ್ಧ ಬೇಟೆಗಾರ ಸರ್ ಹೆನ್ರಿ ನ್ಯೂಮನ್ ಅವರ ಸಹಾಯ ಕೋರಲಾಗಿತ್ತು. ಮೊದಲಿಗೆ ಈ ಮೊಸಳೆಯನ್ನ ಗುಂಡಿಟ್ಟು ಕೊಲ್ಲಲು ನಿರ್ಧರಿಸಲಾಗಿತ್ತು. ಆದ್ರೆ ಹೆನ್ರಿ ಅವರ ಪ್ರಕಾರ ಈ ಮೊಸಳೆಯನ್ನು ಹಿಡಿದು ರಕ್ಷಿಸಿದರೆ ಮುಂದೆ ದೊಡ್ಡ ಆಕರ್ಷಣೆಯಾಗಲಿದೆ ಎಂಬ ಸೂಚನೆ ನೀಡಿದರು ಅವರ ಸೂಚನೆಯ ಮೇರೆಗೆ ಈ ಮೊಸಳೆಯನ್ನು ಸೆರೆಹಿಡಿಯಲಾಗಿತ್ತು. ಹಾಗೆ ಈ ಮೊಸಳೆಗೆ ಅವರ ಹೆಸರನ್ನೇ ಇಡಲಾಗಿತ್ತು.
ಕಳೆದ ಮೂರು ದಶಕಗಳಿಂದ, ಹೆನ್ರಿ ದಕ್ಷಿಣ ಆಫ್ರಿಕಾದ ಸ್ಕಾಟ್ಬರ್ಗ್ನಲ್ಲಿರುವ ಕ್ರೋಕ್ವರ್ಲ್ಡ್ ಸಂರಕ್ಷಣಾ ಕೇಂದ್ರದಲ್ಲಿ ನೆಲೆಸಿದೆ.
The World's Oldest and Largest Nile Crocodile in Captivity, Henry, is a 122-year-old 5-meter-long Nile Crocodile who lives in South Africa. He has fathered 10,000 offspring. He is estimated to weigh almost a ton. pic.twitter.com/By52BrDBqg
— World history and Facts (@CrystalboyCfc) August 31, 2024
