News Karnataka Kannada
Thursday, April 18 2024
Cricket
ತಂತ್ರಜ್ಞಾನ

ಗೂಗಲ್ ನಿಂದ ಮ್ಯಾಟ್ರಿಮೋನಿ ಆ್ಯಪ್ ಬ್ಯಾನ್ !

App
Photo Credit : News Kannada

ಸೇವಾ ಶುಲ್ಕ ಪಾವತಿಯ ವಿಷಯಕ್ಕೆ ಸಂಬಂಧಿಸಿದಂತೆ ಭಾರತ್ ಮ್ಯಾಟ್ರಿಮೋನಿಯಂತಹ ಕೆಲವು ಜನಪ್ರಿಯ ಆಯಪ್‌ಗಳು ಸೇರಿದಂತೆ 10 ಆಯಪ್‌ಗಳನ್ನು ಗೂಗಲ್ ತೆಗೆದುಹಾಕಿದ್ದು, ಸ್ಟಾರ್ಟಪ್ ಫರ್ಮ್‌ಗಳೊಂದಿಗೆ ನೇರ ಹಣಾಹಣಿಗೆ ಗೂಗಲ್ ನಿರ್ಧರಿಸಿದಂತಿದೆ.

ಆಯಪ್‌ಗಳ ಪಾವತಿಯ ಮೇಲೆ 11% ರಿಂದ 26% ರಷ್ಟು ಶುಲ್ಕ ವಿಧಿಸುವುದನ್ನು ತಡೆಯಲು ಕೆಲವೊಂದು ಸ್ಟಾರ್ಟಪ್‌ಗಳು ಮುಂದಾಗಿದ್ದು ಇದುವೇ ಕಾರಣದಿಂದ ವಿವಾದ ಏರ್ಪಟ್ಟಿದೆ ಎಂಬುದು ತಿಳಿದುಬಂದಿದೆ.

ಅದೂ ಅಲ್ಲದೆ ದೇಶದ ಆಂಟಿಟ್ರಸ್ಟ್ ಅಧಿಕಾರಿಗಳು 15% ರಿಂದ 30% ಶುಲ್ಕ ವಿಧಿಸುವ ಈ ಹಿಂದಿನ ವ್ಯವಸ್ಥೆಯನ್ನು ತೆಗೆದುಹಾಕಲು ಆದೇಶಿಸಿದ ನಂತರ ಸ್ಟಾರ್ಟಪ್‌ಗಳು ಕೂಡ ಪಾವತಿಯ ಮೇಲೆ ಶುಲ್ಕ ವಿಧಿಸುವುದಕ್ಕೆ ಅಸಮ್ಮತಿ ವ್ಯಕ್ತಪಡಿಸಿದ್ದವು ಎಂಬುದು ವರದಿಯಾಗಿದೆ.

ರಾಯಿಟರ್ಸ್ ವರದಿಯ ನಂತರ ಮ್ಯಾಟ್ರಿಮೋನಿ.ಕಾಮ್‌ನ ಷೇರುಗಳು 2.7% ರಷ್ಟು ಕುಸಿದಿದ್ದು, ಈ ನಷ್ಟವನ್ನು ಭರಿಸುವ ಮೊದಲೇ ಇನ್ಫೋ ಎಡ್ಜ್‌ನ ಷೇರುಗಳು ಕೂಡ 1.5% ಗೆ ಕುಸಿದಿದ್ದು ಗಾಯದ ಮೇಲೆ ಬರೆ ಎಳೆದಂತಾಗಿದೆ ಎಂದು ಅಧಿಕಾರಿಗಳು ನೋವು ತೋಡಿಕೊಂಡಿದ್ದಾರೆ.

ಇನ್ಫೋ ಎಡ್ಜ್ ಸಂಸ್ಥಾಪಕ ಸಂಜೀವ್ ಬಿಖ್‌ಚಂದಾನಿ ಈ ಬಗ್ಗೆ ಅಭಿಪ್ರಾಯ ತಿಳಿಸಿದ್ದು ಎಲ್ಲಾ ಬಾಕಿ ಇರುವ ಗೂಗಲ್ ಇನ್‌ವಾಯ್ಸ್‌ಗಳನ್ನು ಸಮಯಕ್ಕೆ ಸರಿಯಾಗಿ ತೆರವುಗೊಳಿಸಲಾಗಿದೆ. ಅದಾಗ್ಯೂ ಅದರ ನೀತಿಗಳಿಗೆ ಅನುಸರಣೆಯಾಗಿ ಸಂಸ್ಥೆ ಇರುತ್ತದೆ ಎಂದು ತಿಳಿಸಿದ್ದಾರೆ.

ಗೂಗಲ್ ಬ್ಲಾಗ್‌ ಪೋಸ್ಟ್‌ನಲ್ಲಿ ತಿಳಿಸಿರುವಂತೆ ಗೂಗಲ್ ಪ್ಲೇನಲ್ಲಿ ತಾವು ಪಡೆಯುವ ಅಪಾರ ಮೌಲ್ಯವನ್ನು ಪಾವತಿಸದಿರಲು ದೀರ್ಘಾವಧಿಯವರೆಗೆ ಆಯ್ಕೆ ಮಾಡಿಕೊಂಡಿವೆ ಎಂದು ಗೂಗಲ್ ಹೇಳಿದ್ದು ಇದು ಯಾವ ಸಂಸ್ಥೆಗಳು ಎಂಬುದನ್ನು ಹೇಳಿಲ್ಲ.

ವರ್ಷಗಳವರೆಗೆ, ಯಾವುದೇ ನ್ಯಾಯಾಲಯ ಅಥವಾ ನಿಯಂತ್ರಕರು ಗೂಗಲ್ ಪ್ಲೇ ಶುಲ್ಕ ವಿಧಿಸುವ ಹಕ್ಕನ್ನು ನಿರಾಕರಿಸಿಲ್ಲ ಎಂದು ಸರ್ಚ್ ಇಂಜಿನ್ ದೈತ್ಯ ಹೇಳಿದ್ದು ಸುಪ್ರೀಂ ಕೋರ್ಟ್ ಕೂಡ ಈ ವಿಷಯವಾಗಿ ಮಧ್ಯಪ್ರವೇಶಿಸಲು ನಿರಾಕರಿಸಿದೆ ಎಂದು ಕಂಪನಿ ತಿಳಿಸಿದೆ.

ನ್ಯೂಸ್‌ಕನ್ನಡ.ಕಾಂ ಇದರ ಗುಣಮಟ್ಟದ, ಸ್ವತಂತ್ರ ಪತ್ರಿಕೋದ್ಯಮವನ್ನು ನಿಮ್ಮ ದೇಣಿಗೆಯ ಮೂಲಕ ಪ್ರೋತ್ಸಾಹಿಸಿ.

How useful was this post?

Click on a star to rate it!

Average rating 0 / 5. Vote count: 0

No votes so far! Be the first to rate this post.

This site is protected by reCAPTCHA and the Google Privacy Policy and Terms of Service apply.
12790
NewsKannada

Read More Articles

ವಾಟ್ಸಪ್ ನಲ್ಲಿ ತಾಜಾ ಸುದ್ದಿಗಳನ್ನು ಪಡೆಯಲು ದಯವಿಟ್ಟು