ವಾಟ್ಸ್ಆ್ಯಪ್, ಇನ್ಸ್ಟಾಗ್ರಾಂ, ಯೂಟ್ಯೂಬ್ ಸಾಕಷ್ಟು ಬಳಕೆದಾರರನ್ನು ಹೊಂದಿರುವ ಪ್ಲಾಟ್ಫಾರ್ಮ್. ಇದೇ ಪ್ಲಾಟ್ಫಾರ್ಮ್ ಇದೀಗ ಶಾಕಿಂಗ್ ಸುದ್ದಿಯೊಂದನ್ನು ನೀಡಿದೆ.
ಹೌದು. . . ಕೋಟ್ಯಾಂತರ ಜನರು ವಾಟ್ಸ್ಆ್ಯಪ್, ಇನ್ಸ್ಟಾಗ್ರಾಂ, ಯೂಟ್ಯೂಬ್ ಇವುಗಳನ್ನು ಬಳಕೆ ಮಾಡುತ್ತಿದ್ದಾರೆ, ಮಾತ್ರವಲ್ಲದೆ ಇದರ ಮೂಲಕ ಸಮಯ ಕಳೆಯುವವರೂ ಇದ್ದಾರೆ. ಇನ್ನು ಹಲವರಿಗೆ ಈ ಪ್ಲಾಟ್ಫಾರ್ಮ್ಗಳು ಆದಾಯದ ಮೂಲವಾಗಿದೆ. ಆದರೀಗ ವಾಟ್ಸ್ಆ್ಯಪ್, ಇನ್ಸ್ಟಾಗ್ರಾಂ, ಯೂಟ್ಯೂಬ್ ಮತ್ತು ಟಿಕ್ಟಾಕ್ ಬ್ಯಾನ್ ಆಗಿದೆ. ಹೌದು. ನೆರೆಯ ದೇಶ ಬಾಂಗ್ಲಾದೇಶ ಈ ಪ್ಲಾಟ್ಫಾರ್ಮ್ಗಳ ಮೇಲೆ ನಿಷೇಧ ಹೇರಿದೆ.
ಆಗಸ್ಟ್ 2ರಂದು ಮೆಟಾ ಒಡೆತನದ ವಾಟ್ಸ್ಆ್ಯಪ್, ಇನ್ಸ್ಟಾ, ಗೂಗಲ್ ಒಡೆತನದ ಯೂಟ್ಯೂಬ್ ಮತ್ತು ಬೈಟೆಡ್ಯಾನ್ಸ್ ಒಡೆತನದ ಟಿಕ್ಟಾಕನ್ನು ದಿಢೀರನೆ ಬ್ಯಾನ್ ಮಾಡಿದೆ. ಟರ್ಕಿಯಲ್ಲೂ ಇದೇ ರೀತಿಯ ಕ್ರಮವನ್ನು ಅನುಸರಿಸಿದ ಬಳಿಕ ಬಾಂಗ್ಲಾದೇಶವು ಜನಪ್ರಿಯ ಪ್ಲಾಟ್ಫಾರ್ಮ್ಗಳ ನಿಷೇಧವೆಂಬ ನಿರ್ಧಾರವನ್ನು ತೆಗೆದುಕೊಂಡಿದೆ. ಕಳೆದ ಜುಲೈ ತಿಂಗಳಿನಲ್ಲಿ ಮೆಟಾ ಒಡೆತನದ ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ಬ್ಯಾನ್ ಮಾಡಲು ಮುಂದಾಗಿತ್ತು. ಈ ಪ್ಲಾಟ್ಫಾರ್ಮ್ಗಳು ಅಶಾಂತಿಗೆ ಕಾರಣವಾಗಿದ್ದ ಕಾರಣ ಸ್ಥಗಿತಗೊಳಿಸಲಾಯಿತು. ಟರ್ಕಿಯಲ್ಲೂ ಆಗಸ್ಟ್ 1 ರಂದು ಇನ್ಸ್ಟಾವನ್ನು ಬ್ಯಾನ್ ಮಾಡಲಾಗಿದೆ. ಇದರ ಬೆನ್ನಲ್ಲೇ ಬಾಂಗ್ಲಾದೇಶ ಈ ನಿರ್ಣಯ ತೆಗೆದುಕೊಂಡಿದೆ.
